Book Title: Agam 03 Thanam Taiam Angsuttam Mulam PDF File
Author(s): Dipratnasagar, Deepratnasagar
Publisher: Deepratnasagar

View full book text
Previous | Next

Page 13
________________ मरुया देवा दुविहा पण्णत्ता तं जहा- एगसरीरी चेव दुसरीरी चेव, एवं किन्नरा किंपुरिसा गंधव्वा नागकुमारा सुवण्णकुमारा अग्गिकुमारा वायुकुमारा देवा दुविहा पण्णत्ता तं जहा- एगसरीरी चेव दुसरीरी चेव । .बीए ठाणे बीओउद्वेसो समत्तो .. 0 तइओ-उद्देसो 0 [८१] विहे सद्दे पण्णत्ते तं जहा- भासासद्दे चेव नोभासासद्दे चेव, भासासद्दे विहे पण्णत्ते तं जहा- अक्खरसंबद्धे चेव नोअक्खरसबंद्धे चेव, नोभासासद्दे विहे पण्णत्ते तं जहा- आउज्जसद्दे चेव ठाणं-२, उद्देसो-२ नोआउज्जसद्दे चेव, आउज्जसद्दे दुविहे पण्णत्ते तं जहा- तते चेव वितते चेव । तते दुविहे पण्णत्ते तं जहा- घणे चेव सुसिरे चेव, एवं वितते वि नोआउज्जसद्दे दुविहे पण्णत्ते तं जहा- भूसणसद्दे चेव नोभूसणसद्दे चेव, नोभूसणसद्दे विहे पण्णत्तं तं जहा- तालसद्दे चे लत्तियासद्दे चेव, दोहिं ठाणेहिं सद्दप्पाते सिया तं जहा- साहण्णंताणं चेव पोग्गलाणं सद्दप्पाए सिया भिज्जंताणं चेव पोग्गलाणं सद्दप्पाए सिया ।। [८२] दोहिं ठाणेहिं पोग्गला साहण्णंति तं जहा- सई वा पोग्गला साहण्णंति परेणं वा पोग्गला साहण्णंति । दोहिं ठाणेहिं पोग्गला भिज्जति तं जहा- सई वा पोग्गला भिज्जंति परेण वा पोग्गला भिज्जति । दोहिं ठाणेहिं पोग्गला परिसडंति तं जहा- सई वा पोग्गला परिसडंति परेणं वा पोग्गला परिसडंति । एवं परिवडंति, विद्धंसंति । विहा पोग्गला पण्णत्ता तं जहा- भिण्णा चेव अभिण्णा चेव । विहा पोग्गला पण्णत्ता तं जहा- मेउरधम्मा चेव नोभेउरधम्मा चेव । दुविहा पोग्गला पण्णत्ता तं जहा- परमाणुपोग्गला चेव नोपरमाणपोग्गला चेव । विहा पोग्गला पण्णत्ता तं जहा- सुहमा चेव बायरा चेव । दुविहा पोग्गला पण्णत्ता तं जहा- बद्धपासपुट्ठा चेव नोबद्धपासपुट्ठा चेव । दुविहा पोग्गला पण्णत्ता तं जहा- परियादितच्चेव अपरियादितच्चेव । दुविहा पोग्गला पण्णत्ता तं जहा- अत्ता चेव अणत्ता चेव । दुविहा पोग्गला पं. तं जहा- इट्ठा चेव अणिट्ठा चेव, कंता चेव अकंता चेव, पिया चेव अपिया चेव, मणुण्णा चेव अमणुण्णा चेव, मणामा चेव अमणामा चेव । [८३] विहा सद्दा पण्णत्ता तं जहा- अत्ता चेव अणत्ता चेव, इट्ठा चेव अणिट्ठा चेव जाव मणामा चेव अमणामा चेव । विहा रूवा पण्णत्ता तं जहा- अत्ता चेव अणत्ता चेव जाव मणामा चेव अमणामा चेव, एवं गंधा रसा फासा, एवं इक्किक्के छ आलावगा भाणियव्वा । [८४] दुविहे आयारे पण्णत्ते तं जहा- नाणायारे चेव नोनाणायारे चेव । नोनाणायारे दुविहे पण्णत्ते तं जहा- दंसणायारे चेव नोदंसणायारे चेव । नोदंसणायारे दुविहे पण्णत्ते तं जहा- चरित्तायारे चेव नोचरित्तायारे चेव | नोचरित्तायारे विहे पण्णत्ते तं जहा- तवायारे चेव वीरियायारे चेव । दो पडिमाओ पण्णत्ताओ तं जहा- समाहिपडिमा चेव उवहाणपडिमा चेव । दो पडिमाओ पण्णत्ताओ तं जहा- विवेगपडिमा चेव विउसग्गपडिमा चेव । दो पडिमाओ पण्णत्ताओ तं जहा- भद्दा चेव [मुनि दीपरत्नसागर संशोधित:] [12] [३-ठाणं]


Page Navigation
1 ... 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 ... 141