Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 101

[५९५] आयरिय-उवज्झायस्स णं गणंसि सत्त संगहठाणा पन्नत्ता तं जहा- आयरियउवज्झाए णं गणंसि आणं वा धारणं वा सम्म पउंजित्ता भवति, एवं जधा पंचट्ठाणे जाव आयरियउवज्झाए णं गणंसि आपच्छिचारी यावि भवति नो अणापच्छियचारी यावि भवति ।
आयरिय-उवज्झाए णं गणंसि अणुप्पण्णाई उवगरणाई सम्मं उप्पाइत्ता भवति, आयरियठाणं-७
उवज्झाए णं गणंसि पव्वप्पणिं उवकरणाई सम्मं सारक्खेत्ता संगोवित्ता भवति नो असम्म सारक्खेत्ता संगोवित्ता भवति ।
आयरिय-उवज्झायस्स णं गणंसि सत्त असंगहट्ठाणा पन्नत्ता तं जहा- आयरिय-उवज्झाए णं गणंसि आणं वा धारणं वा नो सम्मं पउंजित्ता भवति एवं जाव उवगरणाणं नो सम्मं सारक्खेत्ता संगोवेत्ता भवति ।
[१९६] सत्त पिंडसणाओ पन्नत्ताओ । सत्त पाणेसणाओ पन्नत्ताओ । सत्त उग्गहपडिमाओ पन्नत्ताओ | सत्तसत्तिक्कया पन्नत्ता | सत्त महज्झायणा पन्नत्ता |
सतसत्तमिया णं भिक्खुपडिमा एकूणपन्नत्ताए राइंदिएहिं एगण य छण्णउएणं भिक्खासतेणं अहासत्तं जाव आराहिया यावि भवति ।
[५९७] अहेलोगे णं सत्त पुढवीओ पन्नत्ताओ, सत्त घणोदधीओ पन्नत्ताओ, सत्त घणवाता पन्नत्ता सत्त तण्वाता पन्नत्ता, सत्त ओवासंतरा पन्नत्ता, एतेस् णं सत्तस् ओवासंतरेस् सत्त तणुवाया पइट्ठिया एतेसु णं सत्तसु घणवातेसु सत्त घणोदधी पइट्ठिया ।
एतेस णं सत्तस घणोदधीस पिंडलग-पिहल-संठाण-संठियाओ सत्त पढवीओ पन्नत्ताओ तं जहा- पढमा जाव सत्तमा, एतासि णं सत्तण्डं पुढवीणं सत्त नामधेज्जा पन्नत्ता तं जहा- धम्मा वंसा सेला अंजणा रिहा मघा माघवती ।
एतासि णं सत्तण्हं पढवीणं सत्त गोत्ता पन्नत्ता तं जहा- रयणप्पभा सक्करप्पभा वालअप्पभा पंकप्पभा धूमप्पभा तमा तमतमा ।
[५९८] सत्तविहा बायरवाउकाइया पन्नत्ता तं जहा- पाईणवाते पड़ीणवाते दाहिणवाते उदीणवाडे उड्ढवाते अहेवाते विदिसिवाते ।
[५९९] सत्त संठाणा पतं०-दीहे रहस्से वट्टे तंसे चउरंसे पिहले परिमंडले ।
[६००] सत्त भयट्ठाणा पन्नत्ता तं जहा- इहलोगभए परलोगभए आदाणभए अकम्हाभए वेयणभए मरणभए असिलोगभए ।
[६०१] सत्तहिं ठाणेहिं छउमत्थं जाणेज्जा, तं जहा- पाणे अइवाएत्ता भवति मुसं वइत्ता भवति अदिन्नं आदित्ता भवति सद्दफरिसरसरूवगंधे आसादेत्ता भवति पूयासक्कारं अणुवूहेत्ता भवति इम सावज्जति पण्णवेत्ता पडिसेवेत्ता भवति नो जहावादी तहाकारी यावि भवति ।
सत्तहिं ठाणेहिं केवली जाणेज्जा तं जहा- नो पाणे अइवाइत्ता भवति जाव जहावादी तहाकारी यावि भवति ।
[६०२] सत्त मूलगोत्ता प० तं० कासवा गोतमा वच्छा कोच्छा कोसिआ मंडवा वासिट्ठा ।
जे कासवा ते सत्तविधा पन्नत्ता तं जहा- ते कासवा ते संडिल्ला ते गोला ते वाला ते मंजइणो ते पव्वपेच्छतिणो ते वरिसकण्हा,
[मुनि दीपरत्नसागर संशोधित:]
[100]
[३-ठाण]