Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 132

पन्नत्ता बहमज्झदेसभागे एगपएसियाए सेढीए दस जोयणसताई विक्खंभेणं पन्नत्ता उवरिं महमले दसदसाइं जोयणाई विक्खंभेणं पन्नत्ता, तेसि णं खुड्डापातालाणं कुड्डा सव्ववइरामया सव्वत्थ समा दस जोयणाई बाहल्लेणं पन्नत्ता ।
[९१२] घायइसंडगा णं मंदरा दसजोयणसयाई उव्वेहेणं धरणीतले देसूणाई दस जोयणसहस्साई विक्खंभेणं उवरिं दस जोयणसयाई विक्खंभेणं पन्नत्ता पक्खरवरदीवड्ढा णं मंदरा दस जोयणसयाई उव्वेहेणं एवं चेव ।
[९१३] सव्वेवि णं वट्टवेयड्ढपव्वता दस जोयणसयाई उड्ढं उच्चत्तेणं दस गाउयसयाई उव्वेहेणं सव्वत्थ समा पल्लगसंठिता दस जोयणसयाई विक्खंभेणं पन्नत्ता ।।
[९१४] जंबद्दीवे दीवे दस खेत्ता पन्नत्ता तं जहा- भरहे एरवते हेमवते हेरण्णवते हरिवस्से रम्मगवस्से पुव्वविदेहे अवरविदेहे देवकुरा उत्तरकुरा ।
[९१५] माणुसुत्तरे णं पव्वते मूले दस बावीसे जोयणसते विक्खंभेणं प० ।
[९१६] सव्वेविं गं अंजण-पव्वता दस जोयणसयाइं उव्वेहेणं मूल दस जोयणसहस्साई विक्खंभेणं उवरिं दस जोयणसताइं विक्खंभेणं पन्नत्ता,
सव्वेवि णं दहिम्हपव्वता दस जोयणसताई उव्वेहेणं सव्वत्थ समा पल्लगसंठिता दस जोयणसहस्साई विक्खंभेणं पन्नत्ता ।
सव्वेवि णं रतिकरपव्वता दस जोयणसताई उड्ढं उच्चत्तेणं दसगाउयसताई उव्वेहेणं सव्वत्थ समा झल्लरिसंठिता दस जोयणसहस्साई विक्खंभेणं पन्नत्ता ।।
[९१७] रुयगवरे णं पव्वते दस जोयणसयाई उव्वेहेणं मूले दस जोयणसहस्साई विक्खंभेणं उवरिं दस जोयणसताइं विक्खंभेणं पन्नत्ता, एवं कंडलवरेवि ।
[९१८] दसविहे दवियाणुओगे पन्नत्ता तं जहा- दवियाणुओगे माउयाणुओगे एगट्ठियाणुओगे ठाणं-१०
करणाणुओगे अप्पितणप्पिते भाविताभाविते बाहिराबाहिरे सासतासासते तहनाणे अतहनाणे ।
___ [९१९] चमरस्स णं असुरिंदस्स असुरकुमाररण्णो तिगिछिकूडे उप्पातपव्वते मूले दस बावीसे जोयणसते विक्खंभेणं पन्नत्ता ।
__ चमरस्स णं असुरिंदस्स असुरकुमाररण्णो सोमस्स महारण्णो सोमप्पभे उप्पातपव्वते दस जोयणसयाई उड्ढे उच्चत्तेणं दस गाउयसताइं उव्वेहेणं मले दस जोयणसयाई विक्खंभेणं पन्नत्ता ।
चमरस्स णं अरिंदस्स असुरकुमाररण्णो जमस्स महारण्णो जमप्पभे उप्पातपव्वते एवं चेव, एवं वरुणस्सवि, एवं वेसमणस्सवि ।
बलिस्स णं वइरोयणिंदस्स वइरोयणरण्णो रुयगिंदे उप्पातपव्वते मूले दस बावीसे जोयणसते विक्खंभेणं पन्नत्ता ।
बलिस्स णं वइरोयणिंदस्स वइरोयणरण्णो सोमस्स एवं चेव जघा चमरस्स लोगपालाणं तं चेव बलिस्सवि ।
घरणस्स णं नागकुमारिंदस्स नागकुमाररण्णो धरणप्पभे उप्पातपव्वते दस जोयणसयाई उड्ढं उच्चत्तेणं दस गाउयसताई उव्वेहेणं मूले दस जोयणसताई विक्खंभेणं ।
[मुनि दीपरत्नसागर संशोधित:]
[131]
[३-ठाण]