Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 139

[९८४] समयखेत्ते णं दस कुराओ पन्नत्ताओ तं जहा - पंच देवकुराओ पंच उत्तरकुराओ, तत्थ णं दस महतिमहालया महादुमा पन्नत्ता तं जहा- जम्बू सुदंसणा, धायइरुक्खे, महाधायइरुक्खे, पउमरुक्खे, महापउमरुक्खे, पंच कूडसामलीओ तत्थ णं दस देवा महिड्ढिया जाव परिवसंति, तं जहाअणाढिते जंबुद्दीवाधिपती सुदंसणे पियंदसणे पोंडरीए महापोंडरीए पंच गरुला वेणुदेवा ।
[९८५] दसहिं ठाणेहिं ओगाढं दुस्समं जांणेज्जा, तं जहा - अकाले वरिसइ काले न वरिसइ असाहू पूइज्जंति साहू न पूइज्जति गुरुसु जणो मिच्छं पडिवण्णो अमणुण्णा सद्दा जाव फासा । दसहिं ठाणेहिं ओगाढं सुसमं जाणेज्जा तं जहा - अकाले न वरिसति जाव मणुण्णा रसा
मण्णा फासा |
[९८६] सुसमसुसमाए णं समाए दसविहा रुक्खा उवभोगत्ताए हव्वमागच्छंति ( तं जहा ) - । [९८७] मतंगया य भिंगा तुडितंगा दीव जोति चित्तंगा I चित्तरसा मणियंगा हागारा अणियणा य ||
[९८८] जंबुद्दीवे दीवे भारहे वासे तीताए उस्सप्पिणीए दस कुलगरा हुत्था । (तं जहा)[९८९] सयंजले सयाऊ य अनंतसेणे य अजितसेणे य I
कक्कसेणे भीमसेणे महाभीमसेणे य सत्तमे दढरहे दसरहे सयरहे ।। [९९०] जंबुद्दीवे दीवे भारहे वासे आगमीसाए उस्सप्पिणीए दस कुलगरा भविस्संति तं जहासीमंकरे सीमंधरे खेमंकरे खेमंधरे विमलवाहणे संमुती पडिसुते दढधणू दसधणू सतधणू ।
[९९१] जंबुद्दीवे दीवे मंदरस्स पव्वयस्स पुरत्थिमे णं सीताए महानईए उभओकूले दस वक्खारपव्वता पन्नत्ता तं जहा- मालवंते चित्तकूडे पम्हकूडे नलिणकूडे एगसेले तिकूडे वेसमणकूडे अंजणे मायंजणे सोमणसे ।
जंबुद्दीवे दीवे मंदरस्स पववयस्स पच्चत्थिमे णं सीओदाए महानईए उभओकूले दस वक्खारपव्वता पन्नत्ता तं जहा - विज्जुप्पभे अकावतो पम्हावती आसीविशे सुहावहे चंदपव्वते सूरपव्वते नागपववते देवपव्वते गंधमायणे एवं घायइसंडपुरत्थिमद्धेवि वक्खारा भाणियव्वा जाव पुक्खरवरदीवड्ढपच्चत्थिमद्धे ।
[९९२] दस कप्पा इंदाहिट्ठिया पन्नत्ता तं जहा- सोहम्मे जाव सहस्सारे, पाणते, अच्चुते, एतेसु णं दस कप्पे दस इंदा पन्नत्ता तं जहा- सक्के ईसाणे जाव अचुते । एतेसि णं दसहं इंदाणं दस परिजाणिया विमाणा पन्नत्ता तं जहा- पालए पुप्फए
जाव विमलवरे सव्वतोभद्दे ।
[९९३] दसदसमिया णं भिक्खुपडिमा एगेण रातिंदियसतेणं अद्धछट्ठेहि य भिक्खासतेहिं अहासुत्तं जाव आराहिया यावि भवति ।
[९९४] दसविधा संसारसमावण्णगा जीवा प० तं० पढमसमयएगिंदिया अपढमसमयएगिंदिया एवं जाव अपढमसमयपंचिंदिया । ठाणं - १०
जाव
दसविधा सव्वजीवा पन्नत्ता तं जहा- पुढविकाइया जाव वणस्सइकाइया बेइंदिया पंचेंदिया अणिंदिया, अहवा दसविधा सव्वजीवा पन्नत्ता तं जहा- पढमसमयनेरइया अपढमसमयनेरइया जाव अपढमसमयदेवा पढमसमयसिद्धा अपढमसमयसिद्धा ।
[मुनि दीपरत्नसागर संशोधितः ]
[138]
[३-ठाणं]