Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 137

[९६६] दस ठाणाइं छउमत्थे सव्वभावेणं न जाणति न पासति तं जहा- धम्मत्थिकायं जाव वातं, अयं जिणे भविस्सति वा न वा भविस्सति अयं सव्वदुक्खाणमंतं करेस्सति वा न वा करेस्सति, एताणि चेव उप्पन्ननाणदंसणधरे अरहा जाव अयं जिणे भविस्सति वा न वा भविस्सति अयं सव्वदुक्खाणमंतं करेस्सति वा न वा करेस्सति ।
[९६७] दस दसाओ पन्नत्ताओ तं जहा- कम्मविवागदसाओ उवासगदसाओ अंतगडदसाओ अनुत्तरोववाइयदसाओ आयारदसाओ पण्हावागरणदसाओ बंधदसाओ दोगिद्धि दसाओ दीहदसाओ संखेवियदसाओ,
कम्मविवागदसाणं दस अज्झयणा प०
[९६८] मियापुत्ते य गोत्तासे अंडे सगडेति यावरे माहणे नंदिसेणे । सोरिए य उदुंबरे सहसुद्दाहे आमलए कुमारे लेच्छई इति ।। [९६९] उवासगदसाणं दस अज्झयणा पन्नत्ता ( तं जहा ) -
[९७०]
ठाणं- १०
आणंदे कामदेवे आ गाहावतिचूलणीपिता सुरादेवे चुल्लसतए । गाहावति कुंडकोलिए सद्दालपुत्ते महासतए नंदिनीपिया लेइयापिता
||
[९७१] अंतगडदसाणं दस अज्झयणा पन्नत्ता (तं जहा ) - [९७२]
नमि मातंगे सोमिले रामगुत्ते सुंदसणे चेव जमाली य मगाली
य।
किंकसे चिल्लए ति य फाले अंबडपुत्ते य एमेते दस आहिता ।। [९७३] अणुत्तरोववातियदसाणं दस अज्झयणा पन्नत्ता (तं जहा)[९७४]
इसिदासे य घण्णे य सुणक्खत्ते कातिए ति य संठाणे सालिभद्दे
य।
आणंदे तेतली ति य दसण्णभद्दे अतिमुत्ते एमेते दस आहिया ।।
[९७५] आयारदसाणं दस अज्झयणा पण्णत्ता तं जहा वीसं असमाहिट्ठाणा, एगवीसं सबला, तेत्तीस आसायणाओ, अट्ठविहा गणिसंपया, दस चित्तसमाहिट्ठिणा, एगारस उवासगपडिमाओ, बारस भिक्खुपडिमाओ, पज्जोसवणाकप्पो, तीसं मोहणिज्जट्ठाणा, आजाइट्ठाणं,
पण्हावागरणदसाणं दस अज्झयणा पन्नत्ता तं जहा उवमा, संखा, इसिभासियाई, आयरिय- भासियाइं, महावीरभासिआई, खोमगपसिणाई, कोमलपसिणाई, अद्यागपसिणाई, अंगुट्ठपसिणाई, बाहुपसिणाइं ।
बंधदसाणं दस अज्झयणा पन्नत्ता तं जहा- बंधे य, मोक्खे य, देवड्ढि दसारमंडलेवि य,
आयरियविप्पडिवत्ती, उवज्झायविप्पडिवत्ती, भावणा, विमुत्ती, सातो, कम्मे,
दोगेद्धिदसाणं दस अज्झयणा पन्नत्ता तं जहा- वाए, विवाए, उववाते, सुखेत्ते, कसिणे, बायालीसं सुमिणा, तीसं महासुमिणा, बावत्तरिं सव्वसुमिणा, हारे, रामे गुत्ते य एमेते दस आहिता,
[ मुनि दीपरत्नसागर संशोधितः ]
[136]
[ ३-ठाणं]