Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 141

[1001] दस अच्छेरगा पन्नत्ता (तं जहा)[१००२] उवसग्ग गब्भहरणं इत्थीतित्थं अभाविया परिसा / कण्हस्स अवरकंका उत्तरणं चंदसराणं / / [1003] हरिवंसकुलप्पत्ती चमरुप्पातो य अट्ठयसिद्धा / अस्संजतेस् पूआ दसवि अणंतेणं कालेण / / [1004] इमीसे णं रयणप्पभाए पढवीए रयणे कंडे दस जोयणसयाई बाहल्लेणं पन्नत्ता / इमीसे णं रयणप्पभाए पढवीए वइरे कंडे दस जोयणसयाई बाहल्लेण पन्नत्ता एवं वेरुलिए लोहितक्खे मसारगल्ले हंसगब्भे पुलए सोगंधिए जोतिरसे अंजणे अंजणपुलए रतयं जातरूवे अंके फलिहे रिटे जहा रयणे तहा सोलसविधा भाणितव्वा / [1005] सव्वेवि णं दीव-समुद्दा दस जोयणसयाइं उव्वेहेणं पन्नत्ता / सव्वेवि णं महादहा दस जोयणाई उव्वेहेणं पन्नत्ता / सव्वेवि णं सलिलकुंडा दस जोयणाई उव्वेहेणं पण्णत्ता / सीता-सीतोया णं महानईओ मुहमूले दस-दस जोयणाई उव्वेहेणं पन्नत्ताओ | [1006] कत्तियानक्खत्ते सव्वबाहिराओ मंडलाओ दसमे मंडले चारं चरति / अणुराधानक्खत्ते सव्वभंतराओ मंडलाओ दसमे मंडले चारं चरित / [1007] दस नक्खत्ता नाणस्स विद्धिकरा पन्नत्ता (तं जहा)[१००८] मिगसिरमद्दा पुस्सो तिण्णि य पव्वाइं मूलस्सेसा / हत्थो चित्ता य तहा दस विद्धिकराइं नाणस्स / / [1009] चउप्पयथलयरपंचिंदियतिरिक्खजोणियाणं दस जाति-कुलकोडि-जोणियमुहसतसहस्सा पन्नत्ता, उरपरिसप्पथलयरपंचिदियरिक्खजोणियाणं दस जाति-कुलकोडिजोणिपमहसतसहस्सा पन्नत्ता | [1010] जीवा णं दसठाणविव्वत्तिते पोग्गले पावकम्मत्ताए चिणिंसु वा चिणंति वा चिणिस्संति वा तं जहा- पढमसमयएगिदियनिव्वत्तिए जाव अपढमसमय पंचिंदियनिव्वत्तिए, एवं चिणंउवचिणं-बंध-उदीर-वेय तह निज्जरा चेव / दसपएसिया खंधा अनंता पन्नत्ता दसपएसोगाढा पोग्गला अनंता पन्नत्ता दससमयठितीया पोग्गला अनंता पन्नत्ता दसगुणकालगा पोग्गला अनंता पन्नत्ता एवं वण्णेहिं गंधेहिं रसेहिं फासेहिं दसगुणलुक्खा पोग्गला अनंता पन्नत्ता / दसमं ठाणं समत्तं. मुनि दीपरत्नसागरेण संशोधितः सम्पादितश्च दसमं ठाणं समत्तं |3| तइयं अंगसुतं-ठाणं समत्तं | [मुनि दीपरत्नसागर संशोधित:] [140] [३-ठाणं]