Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 131

दसविधे ओरालिए असज्झाइए पन्नत्ता तं जहा- अट्ठि मंसे सोणिते असुइसामंते सुसाणसामंते चंदोवराए सूरोवराए पडणे रायवग्गहे उवस्सयस्स अंतो ओरालिए सरीरगे ।
[९०२] पंचिदिया णं जीवा असमारभमाणस्स दसविधे संजमे कज्जति तं जहा- सोतामयाओ सोक्खाओ अववरोवेत्ता भवति, सोतामएणं दुक्खेणं असंजोगेत्ता भवति जाव फासामएणं दुक्खेणं असंजोगेत्ता भवति ।
पंचिंदिया णं जीवा समारभमाणस्स दसविधे असंजमे कज्जति तं जहा- सोतामयाओ सोक्खाओ ववरोवेत्ता भवति सोतामएणं दुक्खेणं संजोगेत्ता भवति जाव फासामएणं दुक्खेणं संजोगेत्ता भवति।
[९०३] दस सुहुमा पन्नत्ता तं जहा- पाणसुहुमे पणगसुहुमे जाव सिणेहसुहुमे गणियसुहुमे भंगसुहमे ।
[९०४] जंबुद्दीवे दीवे मंदरस्स पव्वयस्स दाहिणेणं गंगा-सिंधु-महानदीओ दस महानदीओ समप्पेंति, तं जहा- जउणा सरऊ आवी कोसी मही सत वितत्था विभासा एरावती चंदभागा ।
जंबुद्दीवे दीवे मंदरस्स पव्वयस्स उत्तरे णं रत्ता-रत्तवतीओ महानदीओ दस महानदीओ समप्पेंति तं जहा- किण्हा महाकिण्हा नीला महानीला महातीरा इंदा इंदसेणा सुसेणा वारिसेणा महाभोगा ।
[९०५] जंबुद्दीवे दीवे भरहे वासे दस रायहाणओ प० तं जहा- । [९०६] चंपा महरा वाणारसी य सावत्थि तह य साकेतं ।
हत्थिणउर कंपिल्लं मिहिला कोसंबि रायगिहं ।। [९०७] एयासु णं दससु रायहाणीसु दस रायाणो मुंडा भवेत्ता जाव पव्वइया तं जहा- भरहे सगरे मघवं सणंकमारे संती कुंथ अरे महापउमे हरिसेणे जयनामे | ठाणं-१०
[९०८] जंबुद्दीवे दीवे मंदरे पव्वए दस जोयणसयाइं उव्वेहेणं धरणितले दस जोयणसहस्साई विक्खंभेणं उवरिं दसजोयणसयाई विक्खंभेणं दसदसाइं जोयणसहस्साइं सव्वग्गेणं पन्नत्ता ।
[९०९] जंबुद्दीवे दीवे मंदरस्स पव्वयस्स बहुमज्झदेसभागे इमीसे रयणप्पभाए पुढवीए उवरिम-हेहिल्लेसु खुड्डगपतरेसु एत्थ णं अट्ठपएसिए रूयगे पन्नत्ता जओ णं इमाओ दस दिसाओ पवहंति तं जहा- परत्थिमा पत्थिमदाहिणा दाहिणा दाहिणपच्चत्थिमा पच्चत्थिमा पच्चत्थिमत्तरा उत्तरा उत्तरपुरत्थिमा उड्ढा अहा, एतासि णं दसण्हं दिसाणं दस नाम-धेज्जा पन्नत्ता (तं जहा-)
[९१०] इंदा अग्गेइ जम्मा य नेरती वारुणी य वायव्वा ।
सोमा ईसाणी य विमला य तमा य बोद्धव्वा ।। [९११] लवणस्स णं समुद्दस्स दस जोयणसहस्साइं गोतित्थविहरिते खेत्ते पन्नत्ता, लवणस्स णं समुद्दस्स दस जोयणसहस्साइं उदगमाले पन्नत्ता, सव्वेवि णं महापाताला दसदसाई जोयणसहस्साई उव्वेहेणं पन्नत्ता, मूले दस जोयणसहस्साई विक्खंभेणं पन्नत्ता, बहुमज्झदेसभागे एगपएसियाए सेढीए दसदसाइं जोयणसहस्साई विक्खंभेणं पन्नत्ता, उवरिं मुहमूल दस जोयणसहस्साई विक्खंभेणं पन्नत्ता ।
तेसि णं महापातालाणं कुड्डा सव्ववइरामया सव्वत्थ समा दस जोयणसयाई बाहल्लेणं पन्नत्ता, सव्वेविं णं खुद्दा पाताला दस जोयणसताइं उव्वेहेणं पन्नत्ता मूले दसदसाइं जोयणाइं विक्खंभेणं
[मुनि दीपरत्नसागर संशोधित:]
[130]
[३-ठाणं