Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 129

[८८७] नवपएसिया खंधा अनंता पन्नत्ता जाव नवगणलक्खा पोग्गला अनंता पन्नत्ता |
नवमं ठाणं समत्तं . • मुनि दीपरत्नसागरेण संशोधितः सम्पादित्तश्च पढमं अज्झयणं समत्तं .
[] दसम-ठाणं[] [८८८] दसविधा लोगद्विती पन्नत्ता तं जहा- जण्णं जीवा उद्दाइत्ता-उद्दाइत्ता तत्थेव-तत्थेव भुज्जो-भुज्जो पच्चायंति एवंप्पेगा लोगद्विती पन्नत्ता, जण्णं जीवाणं सया समितं पावे कम्मे कज्जतिएवंप्पेगा लोगद्विती पन्नत्ता, जण्णं जीवाणं सया समित्तं मोहणिज्जे पावे कम्मे कज्जति-एवंप्पेगा लोगद्विती पन्नत्ता न एवं भूत्तं वा भव्वं वा भविस्सति वा जं जीवा अजीवा भविस्संति अजीवा वा जीवा भविस्संति एवंप्पेगा लोगद्विती पन्नत्ता, न एवं भूतं वा भव्वं वा भविस्सति वा जं तसा पाणा वोच्छिज्जिस्संति थावरा पाणा भविस्संति थावरा पाणा वोच्छिज्जिस्संति तसा पाणा भविस्संति- एवंप्पेगा लोगट्ठिति पन्नत्ता ण एवं भूतं वा भव्वं वा भविस्सति वा जं लोगे अलोगे भविस्सति अलोगे वा लोगे भविस्सति-एवंप्पेगा लोगट्ठिति पन्नत्ता, न एवं भूतं वा भव्वं वा भविस्सति वा जं लोए अलोए पविस्सति एलोए वा लोए पविस्सति- एवंप्पेगा लोगट्ठिति पन्नत्ता, जाव ताव लोगे ताव ताव जीवा जाव ताव जीवा ताव ताव लोए एवंप्पेगा लोगद्विती पन्नत्ता, जाव ताव जीवाण य पोग्गलाण य गतिपरियाए ताव ताव लोए जाव ताव लोगे ताव ताव जीवाण य पोग्गलाण य गतिपरियाए एवंप्पेगा लोगद्विती प० सव्वेसवि णं लोगंतेस् अबद्धपासपुट्ठा पोग्गला लुक्खत्ताए कज्जति जेणं जीवा य पोग्गला य नो संचायति बहिया लोगंता गमणयाए- एवंप्पेगा लोगद्विती प० । ठाणं-१०
[८८९] दसविहे सद्दे पन्नत्ता (तं जहा)[८९०] नीहारि पिंडिमे लक्खे भिण्णे जज्जरिते इ य ।
दीहे रहस्से पहत्ते य काकणी खिंखिनिस्सरे ।। [८९१] दस इंदियत्था तीता पन्नत्ता तं जहा- देसेणवि एगे सद्दाई सुणिंस् सव्वेणवि एगे सद्दाई सुणिंसु देसेणवि एगे रूवाइं पासिंसु सव्वेणवि एगे रूवाइं पासिंसु देसेणवि, सव्वेणवि एगे गंधाई जिंधिसु देसेणवि एगे रसाइं आसादेसुं सव्वेणवि एगे रसाइं आसादेसुं देसेणवि एगे एवं गंधाइं रसाइं फासाई जाव सव्वेण वि एगे फासाइं पडिसंवेदेंसु,
दस इंदियत्था पड़प्पण्णा पन्नत्ता तं जहा- देसेणवि एगे सद्दाई सणेति जाव फासाइं पडिसंवेदेति, दस इंदियत्था अणागता पन्नत्ता तं जहा- देसेणवि एगे सद्दाइं सुणिस्संति जाव फासाई पडिसंवेदेस्संति ।
[८९२] दसहिं ठाणेहिं अच्छिण्णे पोग्गले चलेज्जा, तं जहा- आहारिज्जमाणे वा चलेज्जा परिणामेज्जमाणे वा चलेज्जा उस्ससिज्जमाणे वा चलेज्जा निस्ससिज्जमाणे वा चलेज्जा वेदेज्जमाणे वा चलेज्जा निज्जरिज्जमाणे वा चलेज्जा विउविज्जमाणे वा चलेज्जा परियारिज्जमाणे वा चलेज्जा जक्खाइटे वा चलेज्जा वातपरिगए वा चलेज्जा ।
[८९३] दसहिं ठाणेहिं कोधुप्पत्ती सिया तं जहा- (१) मणुण्णाइं मे सद्द-फरिस-रस-रूवगंधाई अवहरिंसु (२) अमणुण्णाइं मे सद्द-फरिस-रस-रूव-गंधाई उवहरिंसु (३) मणुण्णाइं मे सद्द-फरिस-रस
[मुनि दीपरत्नसागर संशोधित:]
[128]
[३-ठाणं]