Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 121

नवविधा सव्वजीवा पण्णत्ता तं जहा- एगिंदिया बेइंदिया तेइंदिया चउरिदिया नेरइया पंचिंदियतिरिक्खजोणिया मण्य देवा सिद्धा, अहवा- नवविहा सव्वजीवा पण्णत्ता तं जहापढमसमयनेरइया अपढमसमयनेरइया जाव [पढमसमयतिरिया अपढमसमयतिरिया पढमसमयमण्या अपढमसमयमण्या पढमसमयदेवा] अपढमसमयदेवा सिद्धा,
नवविहा सव्वजीवोगाहणा पण्णत्ता तं जहा- पढविकाइओगाहणो आउकाइओगाहणा जाव वणस्सइकाइओगाहणा बेइंदियओगाहणा तेइंदियओगाहणा चउरिंदियओगाहणा पंचिंदियओगाहणा ।
जीवा णं नवहिं ठाणेहिं संसारं वत्तिंसु वा वत्तंति वा वत्तिस्संति वा तं जहापुढविकाइत्ताए जाव पंचिंदियत्ताए ।
[८०६] नवहिं ठाणेहिं रोगुप्पत्ती सिया तं जहा- अच्चासणयाए अहितासणयाए अतिनिदाए अतिजागरितेणं उच्चारनिरोहेणं पासवणनिरोहेणं अद्धाणगममेणं भोयणपडिकूलताए इंदियत्थविकोवणयाए |
[८०७] नवविधे दरिसणावरणिज्जे कम्मे पन्नत्ता तं जहा- निद्दा निद्दानिद्दा पयला पयलापयला थीणगिद्धी चक्खुदंसणावरणे अचक्खुदंसणावरणे ओहिदंसणावरणे केवलदंसणावरणे ।
[८०८] अभिई णं नक्खत्ते सातिरेगे नवमुहुत्ते चंदेण सद्धिं जोगं जोएति,
अभिइआइया णं नव नक्खत्ता णं चंदस्स उत्तरेणं जोगं जोएंति, तं जहा- अभिई सवणो ठाण-९
घणिट्ठा सयभिसया पुव्वाभद्दवया उत्तरापोठुवया रेवई अस्सिणी भरणी ।
[८०९] इमीसे णं रयणप्पभाए पुढवीए बहुसमरमणिज्जाओ भूमीभागाओ नव जोअणसताई उड्ढं अबाहाए उवरिल्ले तारारूवे चारं चरति ।
[८१०] जंबुद्दीवे णं दीवे नवजोयणिआ मच्छा पविसिंस वा पविसंति वा पविसिस्संति वा ।
[८११] जंबुद्दीवे दीवे भारहे वासे इमीसे ओसप्पिणीए नव बलदेव-वासुदेवपियरो हुत्था (तं जहा) ।
[८१२] पयावती य बंभे रोद्दे सोमे सिवेति य ।
महसीहे अग्गिसीहे दसरहे नवमे य वसुदेवे ।। [८१३] इत्तो आढत्तं जधा समवाये निरवसेसं जाव एगा से गब्भवसही सिज्झिहिति आगमेस्सेणं ।
जंबुद्दीवे दीवे भारहे वासे आगमेसाए उस्सप्पिणीए नव बलदेव-वासुदेवपितरो भविस्संति, नव बलदेव-वासुदेवमायरो भविस्संति, एवं जधा समवाए निरवसेसं जाव महाभीमसेणे सुग्गीवे य अपच्छिमे ।
[८१४] एए खलु पडिसत्तू कित्तिपुरिसाण वासुदेवाणं ।
सव्वे वि चक्कजोही हम्मेहिती सचक्केहिं ।। [८१५] एगमेगे णं महानिधी नव-नव जोयणाई विक्खंभेणं पन्नत्ता, एगमेगस्स णं रण्णो चाउरंतचक्कवट्टिस्स नव महानिहिओ पन्नत्ता (तं जहा) ।
[८१६] नेसप्पे पंड्यए पिंगलए सव्वरयण महापउमे ।
काले य महाकाले माणवग महानिही संखे ।। [८१७] नेसप्पंमि निवेसा गामागर-नगर-पट्टणाणं च ।
दोणमुह-मडंबाणं खंधाराणं गिहाणं च ॥ [मुनि दीपरत्नसागर संशोधित:] [120]
[३-ठाण]