Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 124

तं जहा ।
ठाणं - ९
[८५१] जंबुद्दीवे दीवे मंदरस्स पव्वयस्स दाहिणे णं निसहे वासहरपव्वते नव कूडा पन्नत्ता
[८५२] सिद्धि निसहे हरिवास विदेह हरि धिति अ सीतोया । अवरविदेहे रूयगे निसहे कूडाण नामाणि
||
[८५३] जंबुद्दीवे दीवे मंदरपव्वते नंदनवने नव कूडा प० त०
[८५४ ] नंदणे मंदरे चेव निसहे हेमवते रयय रूयए य । सागरचित्ते इरे बलकू चेव बोद्धव्वे || [८५५] जंबुद्दीवे दीवे मालवंतवक्खारपव्वते नव कूडा पन्नत्ता तं०- । [८५६] सिद्धे य मालवंते उत्तकुरु कच्छ सागरे रयते । सीता य पुन्ननामे हरिस्सहकूडे य बोद्धव्वे || [८५७] जंबुद्दीवे दीवे कच्छे दीहवेयड्ढे नव कूडा पन्नत्ता तं जहा[८५८] सिद्धे कच्छे खंडग माणी वेयड्ढ पुण्ण तिमिसगुहा । कच्छे वेसमणे या कच्छ कूडाण नामाई ||
[८५९] जंबुद्दीवे दीवे सुकच्छे दीहवेयड्ढे नव कूडा पन्नत्ता तं०[८६०] सिद्धे सुकच्छे खंडग माणी वेयड्ढ पुण्ण तिमिसगुहा । सुकच्छे वेसमणे या सुकच्छे कूडाण नामाइं ||
[८६१] एवं जाव पोक्खलावइंमि दीहवेयड्ढे एवं वच्छे दीहवेयड्ढे एवं जाव मंगलावतिंमि
दीहवेयड्ढे जंबुद्दीवे दीवे विज्जुप्पभे वक्खारपव्वते नव कूडा प० ०
तं जहा
[८६२] सिद्धे अ विज्जुनामे देवकुरा पम्ह कणग सोत्थी । सीओदा य सयजले हरिकूडे चेव बोद्धव्वे ||
[८६३] जंबुद्दीवे दीवे पम्हे दीहवेयड्ढे नव कूडा पतं० सिद्धे पम्हे खंडग माणी वेढ पुण तिमिसगुहा पम्हे वेसमणे या पम्हे कूडाण नामाई एवं चेव जाव सलिलातिंमि दीहवेयड्ढे, एवं वप्पे दीहवेयड्ढे एवं जाव गंधिलावतिंमि दीहवेयड्ढे नव कूडा प० त०
[८६४] सिद्धे गंधिल खंडग माणि वेयड्ढ पुण्ण तिमिसगुहा । गंधलावति वेसमणे कुडाणं होंति नामाई || [८६५] एवं-सव्वेसु दीहवेयड्ढेसु दो कूडा सरिसनामगा सेसा ते चेव,
जंबुद्दीवे दीवे मंदरस्स पव्वयस्स उत्तरे णं नेलवंते वासहरपव्वते नव कूडा प० त०
[८६६] सिद्धे नेलवंते विदेहे सीता कित्ती य नारिकंता य ।
अवरविदेहे रम्मगकूडे उवदंसणे चेव
||
[८६७] जंबुद्दीवे दीवे मंदरस्स पव्वयस्स उत्तरे णं एरवते दीहवेतड्ढे नव कूडा पन्नत्ता
[८६८] सिद्धेरवए खंडग माणी वेयड्ढ पुण्ण तिमिसगुहा । एरवते सम एरवते कूडनामाई ||
[ मुनि दीपरत्नसागर संशोधितः ]
[123]
[३-ठाणं]