Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 122

[८१८] गणियस्स य बीयाणं माणम्माणस्स जं पमाणं च ।
धणस्स य बीयाणं उप्पती पंडए भणिया ।। [८१९] सव्वा आभरणविही परिसाणं जा य होइ महिलाणं ।
आसाण य हत्थीण य पिंगलगनिहिमि सा भणिया ।। [८२०] रयणाइं सव्वरयणे चोद्दस पवराई चक्कवट्टिस्स ।
उपज्जंति एगिदियाइं पंचिंदियाइं च ।। [८२१] वत्थाण य उप्पत्ती निप्फत्ती चेव सव्वभत्तीणं ।
रंगाण य धोयाण य सव्वा एसा महापउमे ।। [८२२] काले कालन्नाणं भव्व पुराणं च तीसु वासेसु ।
सिप्पसतं कम्माणि य तिण्णि पयाए हियकराई ।। [८२३] लोहस्स य उप्पत्ती होइ महाकाले आगाराणं च ।
रुप्पस्स सुवण्णस्स य मणि-मोत्ति-सिल-प्पवालाणं ।। [८२४] जोधाण य उप्पत्ती आवरणाणं च पहरणाणं च ।
ठाणं-९
सव्वा य जुद्धनीती माणवए दंडनीती य ।। [८२५] नट्टविही नाडगविही कव्वस्स चउव्विहस्स उप्पत्ती ।
संखे महाणिहिम्मी तुडियंगाणं च सव्वेसिं ।। [८२६] चक्कट्ठपइट्ठाणा अदुस्सेहा य नव य विक्खंभे ।
बारसदीह मंजूस-संठिया जह्णवीइ महे ।। [८२७] वेरूलियमणि-कवाडा कणगमया विविध-रयण-पडिपुण्णा ।
ससि-सूर-चक्क-लक्खण-अणुसम-जुग-बाहु-वयणा य ।। [८२८] पलिओवमद्वितीया निहिसरिणामा य तेसु खलु देवा ।
जेसिं ते आवासा अक्किज्जा आहिवच्चा वा ।। [८२९] एए ते नवनिहिणो पभतधणरयणसंचयसमिद्धा ।
जे वसमवगच्छंति सव्वेसिं चक्कवट्टीणं ।। [८३०] नव विगतीओ प० तं० खीरं दधिं नवनीतं सप्पिं तेलं गुडो महं मज्जं मंसं । [८३१] नव-सोत-परिस्सवा बोंदी प० तं तं दो सोता दो नेत्ता दो घाणा मुहं पोसए पाऊ |
[८३२] नवविधे पुण्णे पन्नत्ता तं जहा- अण्णपुण्णे पानपुण्णे वत्थपुण्णे लेणपुण्णे सयणपुण्णे मणपुण्णे वइपुण्णे कायपुण्णे नमुक्कारपुण्णे ।
[८३३] नव पावस्सायतणा पण्णत्ता तं जहा- पाणातिवाते [मुसावाए अदिन्नादाणे मेहणे] परिग्गहे कोहे माने माया लोभे ।
[८३४] नवविधे पावसुयपसंगे पन्नत्ता (तं जहा)- | [८३५] उप्पाते निमित्ते मंते आइक्खिए तिगिच्छए ।
कला आवरणे अन्नाणे मिच्छापवयणे ति य ।। [८३६] नव नेउणिया वत्थू पण्णत्ता तं जहा- ।
[मुनि दीपरत्नसागर संशोधित:]
[121]
[३-ठाण]