Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 125

[८६९] पासे णं अरहा पुरिसादाणिए वज्जरिसहनारायसंघयणे समचउरंस - संठाण - संठिते नव रयणीओ उड्ढं उच्चत्तेणं हुत्था ।
[८७०] समणस्स णं भगवतो महावीरस्स तित्थंसि नवहिं जीवेहिं तित्थगरनामगोत्ते कम्मे निव्वत्तिते तं जहा- सेणिएणं सुपासेणं उदाइणा पोट्टिलेणं अणगारेणं दढाउणा संखेणं सतएणं सुलसाए साविया रेवतीए ।
[८७१] एस णं अज्जो कण्हे वासुदेवे, रामे बलदेवे, उदए पेढालपुत्ते, पुट्टिले, सतए गाहावती, दारुए नियंठे, सच्चई नियंठीपुत्ते, सावियबुद्धे अंबडे परिव्वायए, अज्जावि णं सुपासा पासावच्चिज्जा, आगमेस्साए उस्सप्पिणीए चाउज्जामं धम्मं पण्णवइत्ता सिज्झिहिंति । जाव अंतं काहिंति ।
[८७२] एस णं अज्जो सेणिए राया भिभिसारे कालमासे कालं किच्चा इमीसे रयणप्पभाए पुढवीए सीमंत नरए चउरासीतिवाससहस्सद्वितीयंसि निरयंसि नेरइयत्ताए उववज्जिहिति से णं तत्थ नेरइए भविस्सति-काले कालोभासे जाव परमकिण्हे वण्णेणं से णं तत्थ वेयणं वेदिहिती उज्जलं जाव दुरहियासं ।
से णं ततो नरयाओ उव्वट्टेत्ता आगमेसाए उस्सप्पिणीए इहेव जंबुद्दीवे दीवे भरहे वासे वेयड्ढगिरिपायमूले पुंडेसु जणवेएसु सतदुवारे नगरे संमुइस्स कुलकरस्स भद्दाए भारियाए कुच्छिंसि पुमत्ताए
ठाणं- ९
पच्चायाहिति, तए णं सा भद्दा भारिया नवण्हं मासाणं बहुपडिपुण्णाणं अद्धमाण य राइंदियाणं वीतिक्कमंताणं सुकुमालपाणिपायं अहीणपडिपुण्ण-पंचिंदिय- सरीरं लक्खण- वंजण जाव सुरूवं दारगं पयाहिती जं रयणिं च णं से दारए पयाहिती तं रयणिं च णं सतदुवारे नगरे सब्भंतरबाहिरए भारग्गसो य कुंभग्गसो य पउमवासे य रयणवासे य वासे वासिहिति ।
तणं तस्स दारयस्स अम्मापियरो एक्कारसमे दिवसे वीइक्कंते [निवत्ते असुइजायकम्मकरणे संपत्ते] बारसाहे अयमेयारूवं गोण्णं गुणनिप्फणं नामधिज्जं काहिंति जम्हा णं अम्हमिमंसि दारगंसि जातंसि समाणंसि सयदुवारे नगरे सब्भिंतरबाहिरए भारग्गसो य कुंभग्गसो य पउमवासे य रयणवासे य वासे वुट्टे तं होउ नमम्हमिमस्स दारगस्स नामधिज्जं महापउमे-महापउमे ।
तणं तस्स दारगस्स अम्मापियरो नामधिज्जं काहिंति - महापउमेत्ति तए णं महापउमं दारगं अम्मापितरो सातिरेगं अट्ठवासजातगं जाणित्ता महता - महता रायाभिसेएणं अभिसिंचिहिति, से णं तत्थ राया भविस्सति महता - हिमवंत-महंत-मलय-मंदर-महिंदसारे रायवण्णओ जाव रज्जं पसासेमाणे विहरिस्सति
तए णं तस्स महापउ- मस्स रण्णो अन्नदा कयाइ दो देवा महिड्ढया जाव महासोक्खा सेणाकम्मं काहिंती तं जहा- पुण्णभद्दे य मणिभद्दे य, तए णं सतदुवारे नगरे बहवे राईसर - तलवर-माडंबियकोडुंबिय-इब्भ-सेट्ठिसेणावति-सत्थववाह-प्पभतियो अण्णमण्णं सद्दावेहिंति एवं वइस्संतिजम्हा णं देवाणुप्पिया! अम्हं महापउमस्स रण्णो दो देवा महिड्ढिया जाव महासोक्खा सेणाकम्मं करेति तं जहापुण्णभद्दे य माणिभद्दे य, तं होउ णं अम्हं देवाणुप्पिया ! महापउमस्स रण्णो दोच्चेवि नामधेज्जे देवसेणेदेवसेणे, तते णं तस्स महापउमस्स रण्णो दोच्चेवि नामधेज्जे भविस्सइ देवसेणेति ।
[ मुनि दीपरत्नसागर संशोधितः ]
I
[124]
[ ३-ठाणं]