Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 110

देवकुरु विमल कंचण विसिट्ठकूडे य बोद्धव्वे ।। [६९४] जंबुद्दीवे गंधमायणे वक्खारपव्वते सत्त कडा प० तं० जहा- । [६९५] सिद्धे य गंधमायण बोद्धव्वे गंधिलावतीकडे ।
उत्तरकुरू फलिहे लोहितक्खे आणंदणे चेव ।। [६९६] बिइंदियाणं सत्त जाति-कुलकोडि-जोणीपम्ह-सयसहस्सा प० ।
[६९७] जीवा णं सत्तट्ठाणनिव्वत्तिते पोग्गले पावकम्मत्ताए चिणिंस् वा चिणंति वा चिणिस्संति वा तं जहा- नेरइयनिव्वत्तिते जाव देवीनिव्वत्तिते एवं-चिण- निज्जरा चेव ।
[६९८] सत्त पतेसिया खंधा अनंता पन्नत्ता, सत्त पतेसोगाढा पोग्गला जाव सत्त गुण लुक्खा पोग्गला अनंता पन्नत्ता ।
• सत्तमं ठाणं समत्तं . मुनि दीपरत्नसागरेण संशोधितः सम्पादितश्च सत्तमं ठाणं सम्मत्तं ठाणं-८
[] अट्ठमं ठाणं [] [६९९] अट्ठहिं ठाणेहिं संपण्णे अणगारे अरिहति एगल्लविहारपडिमं उवसंपज्जित्ताणं विहरित्तए, तं जहा- सड्ढी पुरिसजाते सच्चे पुरिसजाते मेहावी पुरिसजाते बहुस्सुते पुरिसजाते सत्तिमं अप्पाधिगरणे धितिमं वीरियसंपण्णे ।
[७००] अट्ठविधे जोणिसंगहे पन्नत्ता तं जहा- अंडगा पोतगा [जराउजा रसजा संसेयगा संमच्छिमा] उब्भिगा उववातिया, ।
अंडगा अट्ठगतिया अट्ठागतिया पण्णत्ता तं जहा- अंडए अंडएस् उववज्जमाणे अंडएहिंतो वा पोतएहिंतो वा [जराउजेहिंतो वा रसजेहिंतो वा संसेयगेहिंतो वा संमच्छिमेहिंतो वा उभिएहिंतो वा उववातिएहिंतो वा] उववज्जेज्जा, से चेव णं से अंडए अंडगत्तं विप्पजहमाणे अंडगत्ताए वा पोतगत्ताए वा जाव उववातियत्ताए वा गच्छेज्जा, एवं पोतगावि, जराउजावि, सेसाणं गतिरागती नत्थि ।
[७०१] जीवा णं अट्ठ कम्मपगडीओ चिणिंस् वा चिणंति वा चिणिस्संति वा, तं जहानाणावरणिज्जं दरिसणावरणिज्जं वेयणिज्जं मोहणिज्जं आउयं नामं गोत्तं अंतराइयं,
नेरइया णं अट्ठ कम्मपगडीओ चिणिस् वा चिणंति वा चिणिस्संति वा एवं चेव, एवं निरंतरं जाव वेमाणियाणं ।
जीवा णं अट्ठ कम्मपगडीओ उवचिणिस् वा उचचिणंति वा उवचिणिस्संति वा एवं चेव । एवं-चिण-उवचिण-बंध-उदीर-वेय तह निज्जरा चेव एते छ चउवीसा दंडगा भाणियव्वा ।
[७०२] अट्ठहिं ठाणेहिं मायी मायं कट्ट नो आलोएज्जा नो पडिक्कमेज्जा [नो निंदेज्जा नो गरिहेज्जा नो विउद्देज्जा नो विसोहेज्जा नो अकरणाए अब्भडेज्जा नो अहारिहं पायच्छित्तं तवोकम्म] पडिवज्जेज्जा तं जहा- करिस् वाऽहं, करेमि वाऽहं, करिस्सामि वाऽहं, अकित्ती वा मे सिया अवण्णे वा मे सिया, अविनाए वा मे सिया, कित्ती वा मे परिहाइस्सइ, जसे वा मे परिहाइस्सइ ।
अट्ठहिं ठाणेहिं मायी मायं कट्ट आलोएज्जा जाव पडिवज्जेज्जा तं जहा- मायिस्स णं अस्सिं लोए गरहिते भवति, उववाए गरहिते भवति, आयाती गरहिता भवति, एगमवि मायी मायं
[मुनि दीपरत्नसागर संशोधित:]
[109]
[३-ठाण]