Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 114

[७२७] भरहस्स णं रण्णो चाउरंतचक्कवट्टिस्स अट्ठ पुरिसजुगाइं अणुबद्धं सिद्धाइं जाव सव्वदक्खप्पहीणाई तं जहा- आदिच्चजसे महाजसे अतिबले महाबले तेयवीरिए कत्तवीरिए दंडवीरिए जलवीरिए ।
[७२८] पासस्स णं अरहओ परिसादाणियस्स अट्ठ गणा अट्ठ गणहरा होत्था तं जहा- सुभे अज्जघोसे वसिढे बंभचारी सोमे सिरिधरे वीरभद्द जसोभद्दे ।
[७२९] अट्ठविधे दंसणे पन्नत्ता तं जहा- सम्मदंसणे मिच्छदंसणे सम्मामिच्छदंसणे चक्खुदंसणे अचक्खुदंसणे ओहिदंसणे केवलदंसणे सुविणदंसणे ।
[७३०] अट्ठविधे अद्धोवमिए पन्नत्ता तं जहा- पलिओवमे सागरोवमे ओसप्पिणी उस्सप्पिणी पोग्गलपरियट्टे तीतद्धा अणागतबद्धा सव्वद्धा ।
[७३१] अरहतो णं अरिहनेमिस्स जाव अट्ठमातो पुरिसजुगातो जुगंतकरभूमी दुवासपरियाए अंतमकासी ।
[७३२] समणेणं भगवता महावीरेणं अट्ठ रायाणो मुंडे भवेत्ता अगाराओ अणगारित्तं पव्वाठाणं-८
इया तं जहा- वीरंगए वीरजसे संजय एणिज्जए रायरिसी सेये सिवे उद्दायणे तह संखे कासिवद्धणे ।
[७३३] अट्ठविहे आहारे पन्नत्ता तं जहा- मणण्णे असणे पाणे खाइमे साइमे अमणण्णे[असणे पाणे खाइमे] साइमे |
[७३४] उप्पिं सणंकुमार-माहिंदाणं कप्पाणं हेटिं बंभलोगे कप्पे रिट्ठविमाणे-पत्थडे एत्थ णं अक्खाडग-समचउरंस-संठाण-संठिताओ अट्ठ कण्हराईओ पण्णत्ताओ तं जहा- पुरत्थिमे णं दो कण्हराईओ, दाहिणेणं दो कण्हराईओ, पच्चत्थिमे णं दो कण्हराईओ, उत्तरेणं दो कण्हराईओ, पुरत्थिमा अब्भतंरा कण्हराई दाहिणे बाहिरं कण्हराई पट्ठा, दाहिणा अब्भंतरा कण्हराई पच्चत्थिमं बाहिरं कण्हराई पुट्ठा, पच्चत्थिमा अब्भतरा कण्हराई उत्तरं बाहिरं कण्ह-राइं पुट्ठा, उत्तरा अब्भंतरा कण्हराई पुरत्थिमं बाहिरं कण्हराई पुट्ठा, परत्थिमपच्चत्थिमिल्लाओ बाहिराओ दो कण्हराईओ छलंसाओ, उत्तरदाहिणाओ बाहिराओ दो कण्हराईओ तंसाओ, सव्वाओ वि णं अब्भंतरकण्हराईओ चउरंसाओ ।
एतासि णं अट्ठण्हं कण्हराईणं अट्ठ नामधेज्जा पण्णत्ता तं जहा- कण्हराईति वा मेहरा-ईति वा मधाति वा माधवतीति वा वातफलिहेति वा वातपलिक्खोमेति वा देवफलिहेति वा देवपलिक्खो-मेति वा
एतासि णं अट्ठण्हं कण्हराई णं अट्ठस ओवासंतरेस अट्ठ लोगंतियविमाणा पण्णत्ता तं जहाअच्ची अच्चिमाली वइरोअणे पभंकरे चंदाभे सूराभे सुपइट्ठाभे अग्गिच्चामे ।।
एतेसु णं अट्ठसु लोगंतियविमाणसु अट्ठविधा लोगंतिया देवा तं जहा- | [७३५] सारस्सतमाइच्चा वण्ही वरुणा य गद्दतोया य ।
तुसिता अव्वाबाहा अग्गिच्चा चेव बोद्धव्वा ।। [७३६] एतेसि णं अट्ठण्हं लोगंतियदेवाणं अजहण्णमणुक्कोसेणं अट्ठ सागरोवमाइं ठिती पण्णत्ता अट्ठ धम्मत्थिकाय-मज्झपएसा पण्णत्ता अट्ठ अधम्मत्थिकाय० एवं चेव अट्ठ आगासत्थिकाय० एवं चेव अट्ठ जीव-मज्झपएसा पन्नत्ता |
[मुनि दीपरत्नसागर संशोधित:]
[113]
[३-ठाण]