Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 115

[७३७] अरहा णं महापउमे अट्ठ रायाणो मुंडा भवित्ता अगाराओ अणगारितं प्वावेस्सति तं०-पउमं पउमगुम्म नलिणं नलिणगुम्म पउमद्धयं धणुद्धयं कणगरहं भरहं ।।
___ [७३८] कण्हस्स णं वासुदेवस्स अट्ठ अग्गमहिसीओ अरहतो णं अरिहनेमिस्स अंतिते मुंडा भवेत्ता अगाराओ अणगारितं पव्वइया सिद्धाओ जाव सव्वक्खप्पहीणाओ तं जहा
पउमावती य गोरी गंधारी लक्खाणा सुसीमा य |
|| जंबवती सच्चभामा रुप्पिणी कण्ह अग्गमहिसीओ ।। [७३९] वीरियपुव्वस्स णं अट्ठ वत्थू चूलवत्थू पण्णत्ता ।
[७४०] अट्ठ गतीओ पण्णत्ताओ तं जहा- निरयगती तिरियगती मणुयगती देवगती सिद्धगती गुरुगती पणोल्लणगती पब्भारगती ।
[७४१] गंगा-सिंधु-रत्ता-रत्तवतिदेवीणं दीवा अट्ठ-अट्ठ जोयणाई आयामविक्खंभेणं पण्णत्ता।
[७४२] उक्कामुह-मेहमुह-विज्जुमुह-विज्जुदंतदीवा णं दीवा अट्ट-अट्ठ जोयणसयाई आयामविक्खंभेणं पण्णत्ता ।
[७४३] कालोदे णं समुद्दे अट्ठ जोयणसयसहस्साई चक्कवालविक्खंभेणं पन्नत्ते । ठाणं-८
[७४४] अब्भंतरपुक्खरद्धे णं अट्ठ जोयणसयसहस्साई चक्कवालविक्खंभेणं पन्नत्ते एवं बाहिरपुक्खरद्धेवि ।
[७४५] एगमेगस्स णं रण्णो चाउरंतचक्कवट्टिस्स अट्ठसोवण्णिए काकणिरयणे छत्तले दुवालवसंसिए अट्ठकण्णिए अधिकरणिसंठिते ।
[७४६] मागधस्स णं जोयणस्स अट्ठ धणसहस्साई निधत्ते पन्नत्ता ।
[७४७] जंबू णं सुदंसणा अट्ठ जोयणाई उड्ढं उच्चत्तेणं बहमज्झदेसभाए अट्ठ जोयणाई विक्खंभेणं सातिरेगाइं जोयणाई सव्वग्गेणं पण्णत्ता कूडसामली णं अट्ठ जोयणाई एवं चेव ।
___ [७४८] तिमिसगुहा णं अट्ठ जोयणाई उड्ढं उच्चत्तेणं, खंडप्पवातगुहा णं अट्ठ जोयणाई उड़ढं उच्चत्तेणं एवं चेव ।
[७४९] जंबुद्दीवे दीवे मंदरस्स पव्वयस्स पुरित्थमे णं सीताए महानदीए उभतो कूले अट्ठ वक्खारपव्वया पण्णत्ता तं जहा- चित्तकडे पम्हकूडे नलिनकूडे एगसेले तिकडे वेसमणकूडे अंजणे मायंजणे | जंबुद्दीवे दीवे मंदरस्स पव्वयस्स पच्चत्थिमेणं सीतोयाए महानदीए उभतो कूले अट्ठ वक्खारपव्वता पण्णत्ता तं जहा- अंकावती पम्हावती आसीविसे सुहावहे चंदपव्वते सूरपव्वते नागपव्वते देवपव्वते,
जंबुद्दीवे दीवे मंदरस्स पव्वयस्स पुरत्थिमे णं सीताए महानदीए उत्तरे णं अट्ठ चक्कवट्टिविजया पण्णत्ता तं जहा- कच्छे सुकच्छे महाकच्छे कच्छगावती आवते मंगलावते पुक्खले पुक्खलावती, जंबुद्दीवे दीवे मंदरस्स पव्वयस्स पुरत्थिमे णं सीताए महानदीए दाहिणे णं अट्ठ चक्कवट्टिविजया पण्णत्ता तं जहा- वच्छे सुवच्छे महावच्छे वच्छगावती रम्मे रम्मगे रमणिज्जे मंगलावती, जंबुद्दीवे दीवे मंदरस्स पव्वयस्स पच्चत्थिमे णं सीतोयाए महानदीए दाहिणे णं अट्ठ चक्कवट्टिविजया पण्णत्ता तं जहा- पम्हे सपम्हे महपम्हे पम्हगावती संखे नलिणे कुमए सलिलावती, जंबद्दीवे दीवे मंदरस्स पव्वयस्स पच्चत्थिमे णं सीतोयाए महानदीए उत्तरे णं अट्ठ चक्कवट्टिविजया पण्णत्ता तं जहा- वप्पे सुवप्पे महावप्पे वेप्पगावती वग्गू सुवग्गु गंधिल्ले गंधिलावती ।
[मुनि दीपरत्नसागर संशोधित:]
[114]
[३-ठाणं]