Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 107

एवं अणारंभेवि, एवं सारंभेवि, एवं असारंभेवि, एवं समारंभेवि, एवं असमारंभेवि, जाव अजीवकाय असमारंभे ।
पिहियाणं केवइयं कालं जोणी संचिट्ठति? गोयमा! जहण्णेणं अंतोमुहुत्तं उक्कोसेणं सत्त संवच्छराइं, तेण पर जोणी पमिलायति जाव जोणीवोच्छेदे पण्णत्ते ।
[६७३] बायरआउकाइयाणं उक्कोसेणं सत्त वाससहस्साई ठिती पन्नत्ता ।
तच्चाए णं वाल्यप्पभाए पुढवीए उक्कोसेणं नेरइयाणं सत्तं सागरोवमाई ठिती पन्नत्ता, चउत्थीए णं पंकप्पमाए पढवीए जहण्णेणं नेरइयाणं सत्त सागरोवमाइं ठिती पन्नत्ता | ठाणं-७
[६७४] सक्कस्स णं देविंदस्स देवरण्णो वरुणस्स महारण्णो सत्त अग्गमहिसीओ पण्णत्ताओ,
ईसाणस्स णं देविंदस्स देवरण्णो सोमस्स महारण्णो सत्त अग्गमहिसीओ पन्नत्ताओ, ईसाणस्सं णं देविंदस्स देवरण्णो जमस्स महारण्णो सत अग्गमहिसीओ पन्नत्ताओ |
[६७५] ईसाणस्स णं देविंदस्स देवरण्णो अभिंतरपरिसाए देवाणं सत्त पलिओवमाइं ठिती पन्नत्ता ।
सक्कस्स णं देविंदस्स देवरण्णो अग्गमहिसीणं देवीणं सत्त पलिओवमाइं ठिती पन्नत्ता । सोहम्मे कप्पे परिग्गहियाणं देवीणं उक्कोसेणं सत्त पलिओवमाइं ठिती प. । [६७६] सारस्सयमाइच्चाणं देवाणं सत्त देवा सत्त देवसता पन्नत्ता । गद्दतोयतुसियाणं देवाणं सत्त देवा सत्त देवसहस्सा पन्नत्ता । [६७७] सणंकुमारे कप्पे उक्कोसेणं देवाणं सत्त सागरोवमाइं ठिती पन्नत्ता । माहिंदे कप्पे उक्कोसेणं देवाणं सातिरेगाइं सत्त सागरोवमाई ठिती पन्नत्ता । [६७८] बंभलोगे कप्पे जहण्णेणं देवाणं सत्त सागरोवमाइं ठिती पन्नत्ता | बंभलोय-लंतएस् णं कप्पेस् विमाणा सत्त जोयणसताई उड्ढे उच्चत्तेणं पन्नत्ता ।
[६७९] भवणवासीणं देवाणं भवधारणिज्जा सरीरमा उक्कोसेणं सत्त रयणीओ उड्ढं उच्चत्तेणं पन्नत्ता, एवं वाणमंतराणं, एवं जोइसियाणं,
सोहम्मीसाणेस् णं कप्पेस देवाणं भवधारणिज्जा सरीरगा उक्कोसेणं सत्त रयणीओ उड्ढं उच्चत्तेणं पन्नत्ता ।
[६८०] नंदिस्सरवरस्स णं दीवस्स अंतो सत्त दीवा पन्नत्ता तं जहा- जंबद्दीवे घायइसंडे पोक्खरवरे वरुणवरे खीरवरे घयवरे खोयवरे, नंदीसरवरस्स णं दीवस्स अंतो सत्त समुद्दा पन्नत्ता तं जहालवणे कालोदे पुक्खरोदे वरुणोदे खीरोदे घओदे खोओदे ।
__[६८१] सत्त सेढीओ पन्नत्ताओ तं जहा- उज्जुआयता एगतोवंका दुहतोवंका एगतोखहा दुहतोखहा चक्कवाला अद्धचक्कवाला ।
[६८२] चमरस्स णं असुरिंदस्स असुरकुमाररण्णो सत्त अणिया सत्त अणियाधिपती पन्नत्ता तं जहा- पायत्ताणिए पीढाणिए कंजराणिए महिसाणिए रहाणिए नट्टाणिए गंधव्वाणिए, मे पायत्ताणियाधिवती एवं जहा पंचट्ठाणे जाव किन्नरे रधाणियाधिवती रितु नट्टाणियाधिवती गीतरती गंधव्वाणियाधिवती ।
[मुनि दीपरत्नसागर संशोधित:]
[106]
[३-ठाण]