Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 106

आहा
वेयणा राधा
|
फासे
आणापाणू सत्तविधं मिज्जए आउं ||
[६६२] सत्तविधा सव्वजीवा पन्नत्ता तं जहा- पुढविकाइया आउकाइया तेउकाइया वाउकाइया वणस्सतिकाइया तसकाइया अकाइया ।
[६६१] अज्झवसाण-निमित्ते
अहवा-सत्तविहा सव्वजीवा पन्नत्ता तं जहा- कण्हलेसा [नीललेसा काउलेसा तेउलेस पम्हलेसा] सुक्कलेसा अलेसा ।
ठाणं-७
[६६३] बंभदत्ते णं राया चाउरंतचक्कवट्टी सत्त धणूइं उड्ढं उच्चत्तेणं सत्त य वाससयाइं परमाउं पालइत्ता कालमासे कालं किच्चा अधेसत्तमाए पुढवीए अप्पतिट्ठणे नरए नेरइयत्ताए उववण्णे । [६६४] मल्ली णं अरहा अप्पसत्तमे मुंडे भवित्ता अगाराओ अणगारियं पव्वइए तं जहामल्ली विदेहरायवरकण्णगा, पडिबुद्धी- इक्खागराया, चंदच्छाये-अंगराया, रूप्पी- कुणा-लाधिपती, संखेकासीराया, अदीनसत्तू-कुरुराया, जितसत्तू-पंचालराया ।
[६६५] सत्तविहे दंसणे पण्णत्ते तं जहा सम्मद्दंसणे मिच्छद्दंसणे सम्मामिच्छदंसणे चक्खुदंसणे अचक्खुदंसणे ओहिदंसणे केवलदंसणे ।
[६६६] छउमत्थ-वीयरागे णं मोहणिज्जवज्जाओ सत्त कम्मपयडीओ वेदेति तं जहानाणावरणिज्जं दंसणावरणिज्जं वेयणिज्जं आउयं नामं गोतं अंतराइयं ।
[६६७] सत्त ठाणाई छउमत्थे सव्वभावेणं न याणति न पासति तं जहा - धम्मत्थिकायं अधम्मत्थिकायं आगासत्थिकायं जीवं असीररपडिबद्धं परमाणुपोग्गलं सद्दं गंधं एयाणि चेव उप्पन्ननाणे जाव जाणति पासति तं जहा- धम्मत्थिकायं जाव गंधं ।
[ ६६८] समणे भगवं महावीरे वइरोसभनारायसंघयणे समचउरंस संठाण-संठित्ते सत्त रयणीओ उड्ढं उच्चत्तेणं हुत्था ।
[६६९] सत्त विकहाओ पन्नत्ताओ तं जहा - इत्थिकहा भत्तकहा देसकहा रायकहा मकालुणिया दंसणभेयणी चरित्तभेयणी ।
[६७०] आयरिय-उवज्झायस्स णं गणंसि सत्त अइसेसा पन्नत्ता तं जहा- आयरियउवज्झाए अंतो उवस्सगस्स पाए निगिज्झिय-निगिज्झिय पप्फोडेमाणे वा पमज्जमाणे वा नातिक्कमति एवं जधा पंचट्ठाणे जाव बाहिं उवस्सगस्स एगरातं वा दुरातं वा एगओ वसमाणे नातिक्कम उवकरणातिसेसे भत्तपाणातिसेसे ।
[६७१] सत्तविधे संजमे पण्णत्ते तं जहा- पुढविकाइयसंजमे जाव तसकातितसंजमे, अजीवकाइयसंजमे, सत्तविधे असंजमे पण्णत्ते तं जहा- पुढविकाइयअसंजमे जाव तसकाइ असंज अजीवकाइयअसंजमे ।
सत्तविहे आरंभे प० तं० जहा- पुढविकाइयआरंभे जाव अजीवकाइयआरंभे । एवं अनारम्भे वि, एवं सारंभे वि, एवं असारंभे वि, एवं समारंभे वि, एवं असमारंभे वि जाव अजीवकाय असमारंभे | [६७२] अध भंते!अदसि-कुसुंभ-कोद्दव- कंगु-रालग-वरट्ट-कोद्दसग-सण- सरिसव-मुलग-बयाणं एतेसि णं धण्णाणं कोट्ठाउत्ताणं पल्लाउत्ताणं जाव ।
[ मुनि दीपरत्नसागर संशोधितः ]
[105]
[ ३-ठाणं]