Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 56

जंबुद्दीवे दीवे मंदरस्स पव्वयस्स पुरत्थिमे णं सीताए महानदीए दाहिणकूले चत्तारि वक्खारपव्वया पन्नत्ता तं जहा - तिकूडे वेसमणकूडे अंजणे मातंजणे ।
जंबुद्दीवे दीवे मंदरस्स पव्वयस्स पच्चत्थिमे णं सीओदाए महानदीए दाहिणकूले चत्तार वक्खारपव्वया पन्नत्ता तं जहा- अंकावती पम्हावती आसीविसे सुहावहे ।
जंबुद्दीवे दीवे मंदरस्स पव्वयस्स पच्चत्थिमे णं सीओदाए महानदीए उत्तरकूले चत्तारि वक्खारपव्वया पन्नत्ता तं जहा- चंदपव्वते सूरपव्वते देवपव्वते नागपव्वते ।
जंबुद्दीवे दीवे मंदरस्स पव्वयस्स चउसु विदिसासु चत्तारि वक्खारपव्वया पन्नत्ता तं जहासोमणसे विज्जुप्पभे गंधमायणे मालवंते ।
जंबुद्दीवे दीवे महाविदेहे वासे जहण्णपए चत्तारि अरहंता चत्तारि चक्कवट्टी चत्तारि बलदेवा चत्तारि वासुदेवा उप्पज्जिंसु वा उप्पज्जंति वा उप्पज्जिस्संति वा ।
जंबुद्दीवे दीवे मंदरे पव्वते चत्तारि वना पन्नत्ता तं जहा- भद्दसालवने नंदणवने सोमनसवने पंडगवने, जंबुद्दीवे दीवे मंदरे पव्वते पंडगवने चत्तारि अभिसेगसिलाओ पन्नत्ताओ तं जहापंडुकंबलसिला अइपंडुकंबलसिला रत्तकंबलसिला अतिरत्तकंबलसिला,
मंदरचूलिया णं उवरिं चत्तारि जोयणाइं विक्खंभेणं पन्नत्ता एवं- धायइसंडदीवपुरत्थिमद्धेवि कालं आदिं करेत्ता जाव मंदरचूलियत्ति, एवं जाव पुक्खरवरदीवपच्चत्थिमद्धे जाव मंदरचूलियत्ति । [३२२] जंबुद्दीवगआवस्सग तु कालाओ चूलिया जाव I घायइसंडे पुक्खरवरे य पुव्वावरे पासे ||
[३२३] जंबुद्दीवस्स णं दीवस्स चत्तारि दारा पन्नत्ता तं जहा- विजये वेजयंते जयंते अपराजिते, ते णं दारा चत्तारि जोयणाइं विक्खंभेणं तावइयं चेव पवेसेणं पन्नत्ता, तत्थ णं चत्तारि देवा महिड्ढिया जाव पलिओवमद्वितीया परिवसंति तं जहा - विजये वेजयंते जयंते अपराजिते ।
[३२४] जंबुद्दीवे दीवे मंदरस्स पव्वयस्स दाहिणे णं चुल्लहिमवंतस्स वासहरपव्वयस्स चउसु विदिसासु लवणसमुद्दं तिण्णि-तिण्णि जोयणसयाइं ओगाहित्ता एत्थ णं चत्तारि अंतरदीवा पन्नत्ता तं जहा- एगूरूयदीवे आभासियदीवे वेसाणियदीवे नंगोलियदीवे, तेसु णं दीवेसु चउव्विहा मणुस्सा परिवसंति, तं जहा- एगूरूया आभासिया वेसाणिया नंगोलिया,
तेसिं णं दीवाणं चउसु विदिसासु लवणसमुद्दं चत्तारि - चत्तारि जोयणसयाइं ओगाहेत्ता एत्थ णं चत्तारि अंतरदीवा पन्नत्ता तं जहा - हयकण्णदीवे गयकण्णदीवे गोकण्णदीवे सक्कुलिकण्णदीवे, तेसुं णं दीवेसु चउव्विधा मणुस्सा परिवसंति तं जहा- हयकण्णा गयकण्णा गोकण्णा सक्कुलिकण्णा ।
तेसिं णं दीवाणं चउसु विदिसासु लवणसमुद्दे पंच-पंच जोयणसयाइं ओगाहित्ता एत्थ णं चत्तारि अंतरदीवा पन्नत्ता तं जहा- आयंसमुहदीवे मेंढमुहदीवे अओमुहदीवे गोमुहदीवे, तेसु णं दीवेसु ठाणं-४, उद्देसो-२
चउव्विहा मणुस्सा भाणियव्वा,
तेसि णं दीवाणं चउसु विदिसासु लवणसमुद्दं छ-छ जोयणसयाई ओगाहेत्ता एत्थ णं चत्तारि अंतरदीवा पन्नत्ता तं जहा - आसमुहदीवे हत्थिमुहदीवे सीहमुहदीवे वग्धमुहदीवे, तेसु णं दीवेसु चव्विहा मणुस्सा भाणियव्वा ।
[ मुनि दीपरत्नसागर संशोधितः ]
[55]
[ ३-ठाणं]