Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 97

ठाणं-६
भवति एवं चेव फासामातोवि ।
तेइंदिया णं जीवा समारभमाणस्स छव्विहे असंजमे कज्जति तं जहा- घाणामातो सोक्खातो ववरोवेत्ता भवति, घाणामएणं दुक्खेणं संजोगेत्ता भवति जाव फासामएणं दुक्खेणं संजोगेत्ता भवति ।
[५७३] जंबुद्दीवे दीवे छ अकम्मभूमीओ पन्नत्ताओ तं जहा- हेमवते हेरण्णवते हरिवस्से रम्मगवासे देवकुरा उत्तरकुरा ।
जंबुद्दीवे दीवे छव्वासा प० तं० जहा- भरहे एरवते हेमवते हेरण्णवए हरिवासे रम्मगवासे ।
जंबुद्दीवे दीवे छ वासहरपव्वत्ता पन्नत्ता तं जहा- चुल्लहिमवंते महाहिमवंते निसढे नीलवंते रूप्पी सिहरी ।
जंबुद्दीवे दीवे मंदरस्स पव्वयस्स दाहिणे णं छ कूडा पन्नत्ता तं जहा- चुल्लहिमवंतकूडे वेसमणकूडे महाहिमवंतकूडे वेरुलियकूडे निसढकूड़े रूयगकूडे, जंबुद्दीवे दीवे मंदरस्स पव्वयस्स उत्तरेणं छ कूडा पन्नत्ता तं जहा- नीलवंतकूडे उवदंसणकूड रूप्पिकूडे मणिकचणकूड़े सिहरिकूडे तिगिच्छकूडे |
जंबुद्दीवे दीवे छ महद्दहा पन्नत्ता तं जहा- पउमद्दहे महापउमद्दहे तिगिंछिद्दहे केसरिद्दहे महापोंडरीयबहे पंडरीयद्दहे, तत्थ णं छ देवयाओ महिइढियाओ जाव पलिओमद्वितियाओ परिवसंति तं जहासिरी हिरी धिती कित्ति बुद्धी लच्छी ।
जंबुद्दीवे दीवे मंदरस्स पव्वयस्स दाहिणे णं छ महानदीओ पन्नत्ताओ तं जहा- गंगा सिंधू रोहिया रोहितंसा हरी हरिकंता, जंबुद्दीवे दीवे मंदरस्स पव्वयस्स उत्तरे णं छ महानदीओ पन्त्ताओ तं जहा- नरकंता नारिकता सवण्णकला रूप्पकला रत्ता रत्तवती ।
जंबुद्दीवे दीवे मंदरस्स पव्वयस्स पुरत्थिमे णं सीताए महानदी उभयकूले छ अंतरनदीओ पन्नत्ताओ तं जहा- गाहावती दहवती पंकवती तत्तयला मत्तयला उम्मत्तयला, जंबद्दीवे दीवे मंदरस्स पव्वयस्स पच्चत्थिमे णं सीतोदाए महानदीए उभयकले छ अंतरनदीओ पन्नत्ताओ तं जहा- खीरोदा सीहसोता अंतोवाहिणी उम्मिमालिणी फेणमालिणी गंभीरमालिणी ।
घायइसंडदीवपुरत्थिमद्धे णं छ अकम्मभूमीओ पन्नत्ताओ तं जहा- हेमवए० एवं जहा जंबद्दीवे दीवे जाव अंतरनदीओ जाव पुक्खरवरदीवद्धपच्चत्थिमद्धे भाणितव्वं ।
[५७४] छ उदू पन्नत्ता तं जहा- पाउसे वरिसारत्ते सरए हेमंते वसंते गिम्हे ।
[५७५] छ ओमरत्ता पन्नत्ता तं जहा- ततिए पव्वे सत्तमे पव्वे एक्कारसमे पव्वे पण्णरसमे पव्वे एगणवीसइमे पव्वे तेवीसइमे पव्वे ।
छ अतिरत्ता पन्नत्ता तं जहा- चउत्थे पव्वे अट्ठमे पव्वे द्वालसमे पव्वे सोलसमे पव्वे वीसइमे पव्वे चउवीसइमे पव्वे ।
[५७६] आभिनिबोहियनाणस्स णं छविहे अत्थोग्गहे पण्णत्ते तं जहा- सोइंदियत्थोग्गहे चक्खिंदियत्तोग्गहे धाणिंदियत्थोग्गहे जिभिदियत्थोग्गहे फासिंदियत्थोग्गहे नोइंदियत्थोग्गहे ।
[५७७] छव्विहे ओहिनाणे पण्णत्ते तं जहा- आणुगामिए अणाणुगामिए वड्ढमाणए हीयमाणए पडिवाती अपडिवाती ।
[५७८] नो कप्पइ निग्गंथाण वा निग्गंथीण वा इमाई छ अवयणाइं वदित्तए तं जहाअलियवयणे हालियवयणे खिसितवयणे फरुसवयणे गारत्थियवयणे विउसवितं वा पणो उदीरित्तए ।
[मुनि दीपरत्नसागर संशोधितः]
[96]
[३-ठाणं]