Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 74

चत्तारि उदगा पन्नत्ता तं जहा- उत्ताणे नाममेगे उत्ताणोभासी, उत्ताणे नाममेगे गंभीरोभासी, गंभीरे नाममेगे उत्तानोभासी, गंभीरे नाममेगे गंभीरोभासी; एवामेव चत्तारि परिसजाया पण्णत्ता तं जहा- उत्ताणे नाममेगे उत्ताणोभासी उत्ताणे नाममेगे गंभीरोभासी-४ ।
चत्तारि उदही पन्नत्ता तं जहा- उत्ताणे नाममेगे उत्तानोदही, उत्ताणे नाममेगे गंभीरोदही४ । एवामेव चत्तारी परिसजाया पन्नत्ता तं जहा- उत्ताणे नाममेगे उत्ताणहियए-४ ।
चत्तारि उदही पन्नत्ता तं जहा-उत्ताणे नाममेगे उत्ताणोभासी, उत्ताणे नाममेगे गंभीरोभासी-४। एवामेव चत्तारि परिसजाया पन्नत्ता तं जहा- उत्ताणे नाममेगे उत्ताणोभासी-४ ।।
[३८६] चत्तारि तरगा पन्नत्ता तं जहा- समुई तरामीतेगे समुदं तरति, समुदं तरामीतेगे गोप्पयं तरति गोप्पयं तरामीतेगे-४ ।
चत्तारि तरगा पन्नत्ता तं जहा- समुद्दे तरेत्ता नाममेगे समुद्दे विसीयति, समुदं तरेत्ता नाममेगे गोप्पए विसीयति, गोप्पयं तरेत्ता नाममेगे समुद्दे विसीयति-४ ।
[३८७] चत्तारि कुंभा पन्नत्ता तं जहा- पुण्णे नाममेगे पुण्णे, पुण्णे नाममेगे तुच्छे, तुच्छे नाममेगे पुण्णे, तुच्छे नाममेगे तुच्छे, एवामेव चत्तारि पुरिसजाया पन्नत्ता० पुण्णे नाममेगे पुण्णे-४ ।
__ चत्तारि कुंभा पन्नत्ता तं जहा- पुण्णे नाममेगे पुण्णोभासी, पुण्णे नाममेगे तुच्छोभासी, तुच्छे नाममेगे पुण्णोभासी, तुच्छे नाममेगे तुच्छोभासी; एवामेव चत्तारि पुरिसजाया पन्नत्ता तं जहापुण्णे नामठाणं-४, उद्देसो-४
मेगे पुण्णोभासी-४ ।
चत्तारि कुंभा पन्नत्ता तं जहा- पुण्णे नाममेगे पुण्णरूवे पुण्णे नाममेगे तुच्छरूवे-४ । एवामेव चत्तारि पुरिसजाया पन्नत्ता तं जहा- पुण्णे नाममेगे पुण्णरूवे-४ ।
चत्तारि कुंभा पन्नत्ता तं जहा- पुण्णेवि एगे पियट्टे, पुण्णेवि एवे अवदले, तुच्छेवि एगे पियट्टे, तुच्छेवि एगे अवदले; एवामेव चत्तारि पुरिसजाया पन्नत्ता तं जहा- पुण्णेवि एगे पियट्टे ।
चत्तारि कुंभा पन्नत्ता तं जहा- पुण्णेवि एगे विस्संदति, पुण्णेवि एगे नो विस्संदति, तुच्छेवि एगे विस्सदंति, तुच्छेवि एगे नो विस्सदंति; एवामेव चत्तारि पुरिसजाया पन्नत्ता तं जहापुण्णेवि एगे विस्संदति-४ ।
चत्तारि कुंभा पन्नत्ता तं जहा- भिण्णे जज्जरिए परिस्साई अपरिस्साई; एवामेव चउव्विहे चरित्ते पण्णत्ते तं जहा- भिण्णे जाव अपरिस्साई ।
चत्तारि कुंभा पन्नत्ता तं जहा- महुकुंभे नाममेगे महुप्पिहाणे, महुकुंभे नाममेगे विसपिहाणे, विसकुंभे नाममेगे महपिहाणे, विसकुंभे नाममेगे विसपिहाणे; एवामेव चत्तारि पुरिसजाया पन्नत्ता तं जहा- महुकुंभे नाममेगे महुपिहाणे-४ ।।
[३८८] हिययमपावमकलसं जीहाऽवि य महरभासिणी निच्चं ।
जम्मि पुरिसम्मि विज्जति से मधुकुंभे मधुपिहाणे ।। [३८९] हिययमपावमकलुसं जीहाऽवि यं कडुयभासिणी निच्चं ।
जम्मि पुरिसम्मि विज्जति से मधुकुंभे विसपिहाणे ।। [३९०] जं हिययं कलुसमयं जीहाऽवि य मधुरभासिणी निच्चं ।
PI
[मुनि दीपरत्नसागर संशोधित:]
[73]
[३-ठाण]