Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 91

ठाणं-५, उद्देसो-३
[५००] ससिसगलपुण्णमासी जोएइ विसमचारिनक्खत्ते ।
कडुओ बहूदओ वा तमाहू संवच्छरं चंदं ॥ [५०१] विसमं पवालिणो परिणमंति अणदूस देंति पुप्फफलं ।
वासं न सम्म वासति तमाह् संवच्छरं कम्मं ।। [५०२] पुढविदगाणं तु रसं पुप्फफलाणं तु देइ आदिच्चो ।
अप्पेणवि वासेणं सम्म निप्फज्जए सासं ।। [५०३] आदिच्चतेयतविता खणलवदिवसा उऊ परिणमंति ।
पुरिति रेणु थलयाई तमाह अभिवड्ढितं जाण ।। [५०४] पंचविधे जीवस्स निज्जाणमग्गे पन्नत्ते तं जहा- पाएहिं ऊरूहिं उरेणं सिरेणं सव्वंगेहि, पाएहिं निज्जायमाणे निरयंगामी भवति, ऊरूहिं निज्जायमाणे तिरियगामी भवति, उरेणं निज्जायमाणे मण्यगामी भवति, सिरेणं निज्जायमाणे मण्यगामी भवति सिरेणं निज्जायमाणे देवगामी भवति, सव्वंगेहिं निज्जायमाणे सिद्धिगति-पज्जवसाणे पन्नत्ते ।
[५०५] पंचविहे छेयणे पन्नत्ते तं जहा- उप्पाछेयणे वियच्छेयणे वंधच्छेयणे पएसच्छेयणे दोधारच्छेयणे,
पंचविहे आणंतरिए पन्नत्ते तं जहा- उप्पायाणंतरिए वियाणंतरिए पएसाणंतरिए समयाणंतरिए सामण्णाणंतरिए,
पंचविधे अनंतए पन्नत्ते तं जहा- नामाणंतए ठवणाणंतए दव्वाणंतए गणणाणंतए पदेसाणंतए अहवा- पंचविहे अणंतए पन्नत्ते तं जहा- एगतोऽनंतए दुहओनंतए देसवित्थारानंते सव्ववित्थारानंतए सासयानंतए ।
__ [५०६] पंचविहे नाणे पन्नत्ते तं जहा- आभिनिबोहियनाणे सुयनाणे ओहिनाणे मणपज्जवनाणे केवलनाणे ।।
[५०७] पंचविहे नाणावरणिज्जे कम्मे पण्णत्ते तं जहा- आभिणिबोहियनाणवरणिज्जे स्यनाणावरणिज्जे ओहिनाणवरनिज्जे मणपज्जवनाणावरणिज्जे केवलनाणावरणिज्जे ।
[५०८] पंचविहे सज्झाए प० तं०- वायणा पच्छणा परियट्टणा अणुप्पेहा धम्मकहा ।
[५०९] पंचविहे पच्चक्खाणे पण्णत्ते तं जहा- सद्दहणसुद्धे विनयसुद्धे अनुभासणासुद्धे अनुपालणासुद्धे भावसुद्धे ।
[५१०] पंचविहे पडिक्कमणे पण्णत्ते तं जहा- आसवदारपडिक्कमणे मिच्छत्तपडिक्कमणे कसायपडिक्कमणे जोगपडिक्कमणे भावपडिक्कमणे ।
[५११] पंचहिं ठाणेहिं सत्तं वाएज्जा तं जहा- संगहट्ठयाए उवग्गहणट्ठयाए निज्जरणट्ठयाए सुत्ते वा मे पज्जवयाते भविस्सति सुत्तस्स वा अवोच्छित्तिणयट्ठयाए |
__पंचहिं ठाणेहिं सुत्तं सिक्खेत्ता तं जहा- नाणट्ठायाए दंसणवायए चरित्तट्टयाए वुग्गहविमोयणट्ठयाए अहत्थे वा भावे जाणिस्सामीतिकट्ट ।
[५१२] सोहम्मीसाणेसु णं कप्पेसु विमाणा पंचवण्णा प० तं०- किण्हा जाव सुक्किल्ला | सोहम्मीसाणेसु णं कप्पेसु विमाणा पंचजोयणसयाई उड्ढं उच्चत्तेणं पन्नत्ता |
[मुनि दीपरत्नसागर संशोधित:]
[90]
[३-ठाणं]