Book Title: Agam 03 Thanam Taiam Angsuttam Mulam PDF File
Author(s): Dipratnasagar, Deepratnasagar
Publisher: Deepratnasagar

View full book text
Previous | Next

Page 93
________________ ठाणं-६, अणुण्णवेमाणा वा सिणीए वा संपव्वयमाणा । [५२१] छ ठाणाई छउमत्थे सव्वभावेणं न जाणति न पासति तं जहा धम्मत्थिकायं अधम्मत्थिकायं आयासं जीवमसरीरपडिबद्धं परमाणुपोग्गलं सद्दं, एताणि चेव उप्पन्ननाणदंसणधरे अ जिणे केवली सव्वभावेणं जाणति पासति तं जहा- धम्मत्थिकायं जाव सद्दं । [५२२] छहिं ठाणेहिं सव्वजीवाणं नत्थि इड्ढीति वा जुतीति वा जसेति वा बलेति वा वीरिएति वा पुरिसक्कार- परक्कमेति वा तं जहा- जीवं वा अजीवं करणताए, अजीवं वा जीवं करणताए एगसमए णं वा दो भासाओ भासित्तए, सयं कडं वा कम्मं वेदेमि वा मा वा वेदेमि, परमाणुपोग्गलं वा छिंदित्तए वा भिंदित्तए वा अगणिकाएणं वा समोदहित्तए, बहिता वा लोगंता गमणताए । [५२३] छज्जीवनिकाया पन्नत्ता तं जहा पुढविकाइया जाव तसकाइया । [५२४] छ तारग्गहा प० तं सुक्के बुहे बहस्सती अंगारए सणिच्छरे केतू । [५२५] छव्विहा संसारसमावण्णगा जीवा प० तं०- पुढविकाइया जाव तसकाइया । पुढविकाइया छगतिया छआगतिया प० तं जहा - पुढविकाइए पुढविकाइएस उववज्जमाणे पुढविकाइएहिंतो वा जाव तसकाइएहिंतो वा उववज्जेज्जा, से चेव णं से पुढविकाइए पुढविकाइत्तं विप्पजहमाणे पुढविकाइयत्ताए वा जाव तसकाइयत्ताए वा गच्छेज्जा, आउकाइयावि छगतिया छआगतिया, एवं चेव जाव तसकाइया । [ ५२६ ] छव्विहा सव्वजीवा पन्नत्ता तं जहा- आभिनिबोहियनाणी जाव केवलनाणी अन्नाणी, अहवा- छव्विहा सव्वजीवा पन्नत्ता तं जहा- एगिंदिया जाव पंचिंदिया अणिंदिया, अहवाछव्विहा सव्वजीवा पन्नत्ता तं जहा- ओरालियसरीरी वेउव्वियसरीरी आहारगसरीरी तेअगसरीरी कम्मगसरीरी असरीरी । [५२७] छव्विहा तणवणस्सतिकाइया पन्नत्ता तं जहा- अग्गबीया मूलबीया पोरबीया खंधबीया बीयरूहा संमुच्छिमा । [५२८] छट्ठाणाइं सव्वजीवाणं नो सुलभाई भवंति तं जहा- माणुस्सए भवे, आरिए खेत्ते जम्मं, सुकुले पच्चायाती, केवलीपन्नत्तस्स धम्मस्स सवणता, सुतस्स वा सद्दहणता, सद्दहितस्स वा पत्तितस्स वा रोइतस्स वा सम्मं कारणं फासणता । [५२९] छ इंदियत्था प० तं०- सोइंदियत्थे जाव फासिंदियत्थे नोइंदियत्थे । [५३०] छव्विहे संवरे प० तं०- सोतिंदियसंवरे जाव फासिंदियसंवरे नोइंदियसंवरे, छविहे असंवरे प० तं०- सोतिंदियअसंवरे जाव फासिंदियअसंवरे नोइंदियअसंवरे । [५३१] छव्विहे साते पन्नत्ते तं जहा- सोतिंदियसाते जाव नोइंदियसाते । छव्विहे असाते पण्णत्ते तं जहा- सोतिंदियअसाते जाव नोइंदियअसाते । [५३२] छव्विहे पायच्छित्ते पण्णत्ते तं जहा- आलोयणारिहे पडिक्कमणारिहे तदुभयारिहे विवेगारिहे विउस्सग्गारिहे तवारिहे । [५३३] छव्विहा मणुस्सा पन्नत्ता तं जहा- जंबूदीवगा घायइसंडदीवपुरत्थिमद्धगा घायइसंडदीव पच्चत्थिमद्धगा पुक्करवरदीवड्ढपुरत्थिमद्धगा पुक्खरवरदीवड्ढपच्चत्थिमद्धगा अंतरदीवगा अहवा छव्विहा मणुस्सा प०- संमुच्छिममणुस्सा कम्मभूमगा अकम्मभूमगा अंतरदीवगा गब्भवक्कंति-अमणुस्सा [मुनि दीपरत्नसागर संशोधितः ] [ ३-ठाणं] [92]

Loading...

Page Navigation
1 ... 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141