Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 92

ठाणं-५, उद्देसो-३
बंभलोगलंतएसु णं कप्पेसु देवाणं भवधारणिज्जसरीरगा उक्कोसेणं पंचरयणी उड्ढ
उच्चत्तेणं पन्नत्ता ।
नेरइया णं पंचवण्णे पंचरसे पोग्गले बंधेसु वा बंधंति वा बंधिस्संति वा तं जहा- किण्हे जाव सुकिल्ले तित्ते जाव मधुरे एवं जाव वेमाणिया ।
[५१३] जंबुद्दीवे दीवे मंदरस्स पव्वयस्स दाहिणेणं गंगं महानदिं पंच महानदीओ समप्पेंति तं जहा- जउणा सरऊ आवी कोसी मही ।
जंबुद्दीवे दीवे मंदरस्स पव्वयस्स दाहिणे णं सिंधु महानदिं पंच महानदीओ समप्पें जहा सतद्द् वितत्था विभासा एरावती चंद्रभागा ।
जंबुद्दीवे दीवे मंदरस्सपव्वयस्स उत्तरे णं रत्तं महानदिं पंच महानदीओ समप्पेंति किण्हा महाकिण्हा नीला महानीला महातीरा ।
जंबुद्दीवे दीवे मंदरस्स पव्वयस्स उत्तरे णं रत्तांवतिं महानदिं पंच महानदीओ समप्पें तं. -इंदा इंदसेणा सुसेणा वारिसेणा महाभोगा ।
[५१४] पंच तित्थगरा कुमारवासमज्झे वासित्ता मुंडा भवित्ता अगाराओ अणगार पव्वइया तं जहा- वासुपुज्जे मल्ली अरिट्ठनेमी पासे वीरे ।
[५१५] चमरचंचाए रायहाणीए पंच सभा पन्नत्ता तं जहा- सुधम्मा सभा उववातसभा अभिसेयसभा अलंकारियसभा ववसायसभा,
एगमेगे णं इंदट्ठाणे पंच सभाओ प० तं सुहम्मासभा उववातसभा अभिसेयसभा अलंकारियसभा ववसायसभा ।
[५१६] पंचनक्खत्ता पंचतारा पन्नत्ता तं जहा- धणिट्ठा रोहिणी पुणव्वसू हत्थो विसाहा । [५१७] जीवा णं पंचट्ठाणनिव्वत्तिए पोग्गले पावकम्मत्ताए चिणिसु वा चिणंति वा चिणिस्संति वा तं जहा- एगिंदियनिव्वत्तिए जाव पंचिंदियनिव्वत्तिए एवं चिण-उवचिण-बंध-उदीर-वेद तह निज्जरा चेव पंचपएसिया खंधा अनंता पन्नत्ता पंचपएसोगाढा पोग्गला अनंता पन्नत्ता जाव पंचगुणलुक्खा पोग्गला अनंता पन्नत्ता ।
पंचमे ठाणे तइओ उद्देसो समत्तो ॰ 0 पंचमं ठाणं समत्तं 0
०
०
मुनि दीपरत्नसागरेण संशोधितः सम्पादित्तश्च पंचमं ठाणं समत्तं
[] छट्ठे-ठाणं []
o
[५१८] छहिं ठाणेहिं संपणे अणगारे अरिहति गणं धारित्तए तं जहा- सड्ढी पुरिसजाते, सच्चे पुरिसजाते, मेहावी पुरिसजाते, बहुस्सुते पुरिसजाते, सत्तिमं, अप्पाधिकरणे ।
[५१९] छहिं ठाणेहिं निग्गंथे निग्गंथिं गिण्हमाणे वा अवलंबमाणे वा नाइक्कमइ तं जहाखित्तचित्तं दित्तचित्तं जक्खाइट्ठे उम्मायपत्तं उवसग्गपत्तं साहिकरणं ।
[५२०] छहिं ठाणेहिं निग्गंथा निग्गंथीओ य साहम्मियं कालगतं समायरमाणा नाइक्कमंति तं जहा- अंतोहिंतो वा बाहिं नीणेमाणा बाहीहिंतो वा निब्बाहिं नीणेमाणा, उवेहेमणा वा, उवासमाणा वा,
[मुनि दीपरत्नसागर संशोधितः]
[91]
[ ३-ठाणं]