Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 89

पोग्गलत्थिकाए पंचवण्णे पंचरसे दुगंधे अट्ठफासे रूवी अजीवे सासते अवद्विते जाव दव्वओ णं पोग्गलत्थिकाए अनंतई दव्वाइं खेत्तओ लोगपमाणमेत्ते कालओ न कयाइ नासि जाव निच्चे भावओ वण्णमंते जाव फासमंते, गणओ गहणगणे ।।
[४८०] पंच गतीओ पन्नत्ताओ तं० निरयगती तिरियगती मणयगती देवगती सिद्धिगती । [४८१] पंच इंदियत्था प० तं० सोतिदियत्थे जाव फासिंदियत्थे ।
पंच मुंडा पन्नत्ता० सोतिदियमुंडे जाव फासिंदियमुंडे,
अहवा- पंच मुंडा पन्नत्ता० कोहमुंडे मानमुंडे मायामुंडे लोभमुंडे सिरमुंडे |
[४८२] अहेलोगे णं पंच बायरा पन्नत्ता तं जहा- पुढविकाइया आउकाइया वाउकाइया वणस्सइकाइया ओराला तसा पाणा, उड्ढलोगे णं पंच बायरा पन्नत्ता तं जहा- एवं चेव ।
तिरियलोगे णं पंच बायरा पन्नत्ता तं जहा- एगिंदिया जाव पंचिदिया ।
पंचविहा बायरतेउकाइया पन्नत्ता तं जहा- इंगाले जाले मम्मरे अच्ची अलाते, पंचविधा बादरवुकाइया पन्नत्ता तं जहा- पाईणवाते पड़ीणवाते दाहिणवाते उदीणवाते विदिसवाते ।
पंचविधा अचित्ता वाउकइया पन्नत्ता तं जहा- उक्कंते धंते पीलिए सरीराणुगते समुच्छिमे
[४८३] पंच निग्गंथा पन्नत्ता तं०- पुलाए बउसे कुसीले निग्गंथे सिणाते,
पुलाए पंचविहे पन्नत्ते तं जहा- नाणपुलाए दंसणपुलाए चरित्तपुलाए लिंगपुलाए अहासुहमपुलाए नामं पंचमे,
बउसे पंचविधे पन्नत्ते णं जहा- आभोगबउसे अणाभोगबउसे संवुडबउसे अंसवुडबउसे अहासुहमवउसे नामं पंचमे,
कुसीले पंचविधे पन्नत्ते तं जहा- नाणकुसीले दंसणकुसीले चरित्तकुसीले लिंगकुसीले अहासुहमकुसीले नाम पंचमे,
नियंठे पंचविहे पण्णत्ते तं जहा- पढमसमयनियंठे अपढमसमयनियंठे चरिमसमयनियंठे अचरिमसमयनियंठे अहासहमनियंठे नामं पंचमे,
सिणाते पंचविधे पण्णत्ते तं जहा- अच्छवी असबले अकम्मसे संसुद्ध-नाणदंसणधरे अरहा जिणे केवली, अपरिस्साई।।
[४८४] कप्पति निग्गंथाण वा निग्गंथीण वा पंच वत्थाई धारित्तए वा परिहरेत्तए वा तं जहा- जंगिए भंगिए साणए पोत्तिए तिरिडपट्टए नामं पंचमए ।
कप्पति निग्गंथाण वा निग्गंथीण वा पंच रयहरणिं धारित्तए वा परिहरेत्तए वा तं जहाउण्णिए उट्टिए साणए पच्चापिच्चिए मंजापिच्चिए नामं पंचमए ।
___ [४८५] धम्मंणं चरमाणस्स पंच निस्साहाणा पन्नत्ता तं जहा- छक्काया गणे राया गाहावती सरीरं ।
[४८६] पंच निहिं पन्नत्ता तं० जहा पत्तनिही मित्तनिही सिप्पनिही धणनिही धण्णनिही । [४८७] पंचविहे सोए पन्नत्ता तं० जहा- पुढविसोए आउसोए तेउसोए मंतसोए बंभसोए ।
[४८८] पंच ठाणाई छउमत्थे सव्वभावेणं न जाणति न पासति तं जहा- धम्मत्थिकायं ठाणं-५, उद्देसो-३
[मुनि दीपरत्नसागर संशोधित:]
[88]
[३-ठाणं]