Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 88

निग्गंथे निग्गंथि दुग्गंसि वा विसमंसि वा पक्खलमाणिं वा पवडमाणिं वा गिण्हमाणे वा अवलंबमाणे वा नातिक्कमति, निग्गंथे निग्गंथि सेयंसि वा पंकंसि वा पणगंसि वा उदगंसि वा उक्कसमाणिं वा उबुज्झमाणि वा गिण्हमाणे वा अवलंवमाणे वा नातिक्कमति,
निग्गंथे निग्गंथिं नावं आरुभमाणे वा ओरोहमाणे वा नातिक्कमति, खित्तचित्तं दित्तचित्तं जक्खाइट्ठे उम्मायपत्तं उवसग्गपत्तं साहिगरणं सपायच्छितं जाव भत्तपाणपडियाइक्खियं अट्ठजायं वा निग्गंथे निग्गंथिं गेण्हमाणे वा अवलंबमाणे वा नातिक्कमति ।
[४७६] आयरिय-उवज्झायस्स णं गणंसि पंच अतिसेसा पन्नत्ता तं जहा- आयरियउवज्झाए अंतो उवस्सयस्स पाए निगज्झिय - निगज्झिय पप्फोडेमाणे वा पमज्जेमाणे वा नातिक्कमति, आयरिय-उवज्झाए अंतो उवस्सयस्स उच्चारपासवणं विगिंचमाणे वा विसोधेमाणे वा नातिक्कमति, आयरिय-उवज्जाए पभू इच्छा वेयावडियं करेज्जा इच्छा नो करेज्जा, आयरिय-उवज्झाए अंतो उवस्सस्स एगरातं वा दुरातं वा एगगो वसमाणे नातिक्कमति, आयरिय-उवज्झाए बाहिं उवस्सयस्स एगरातं वा दुरातं वा एगओ वसमाणे नातिक्कमति ।
[४७७] पंचहिं ठाणेहिं आयरिय उवज्झायस्स गणावक्कमणे पन्नत्ते तं जहा- आयरियउवज्झाए गणंसि आणं वा धारणं वा नो सम्मं पउंजित्ता भवति, आयरिय-उवज्झाए गणंसि आधारायणियाए कितिकम्मं वेणइयं नो सम्मं परंजित्ता भवति, आयरिय उवज्झाए गणंसि जे सुयपज्जवजाते धारेति ते काले-काले नो सम्ममणुपवादेत्ता भवति, आयरिय उवज्झाए गणंसि सगणिया वा परगणियाए वा निग्गंथीए बहिल्लेसे भवति, मित्ते नातिगणे वा से गणाओ अवक्कमेज्जा तेसिं संगहोवग्गहट्टयाए गणावक्कमणे पण्णत्ते ।
[४७८] पंचविहा इड्ढिमंता मणुस्सा पन्नत्ता तं जहा - अरहंता चक्कवट्टी बलदेवा वासुदेवा भावियप्पाणो अणगारा ।
पंचमे ठाणे बीओ उद्देसो समत्तो •
0 तईओ - उद्देसो 0
[४७९] पंच अत्थिकाया पन्नत्ता तं जहा- धम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए,
धम्मत्थिकाए अवण्णे अगंधे अरसे अफासे अरूवी अजीवे सासए अवट्ठिए लोगदव्वे, से समासओ पंचविधे पन्नत्ते तं जहा- दव्वओ खेत्तओ कालओ भावओ, गुणओ दव्वओ णं धम्मत्थिका एगं दव्वं खेत्तओ लोगपमाणम्मेते कालओ न कयाइ नासी न कयाइ न भवति न कयाइ न भविस्सइत्ति भुवं च भवति य भविस्सति य धुवे निइए सासते अक्खए अव्वए अवट्ठिते निच्चे भावओ अवधे अरसे अफासे गुणओ गमणगुणे ।
अधम्मत्थिकाए अवणे एवं चेव, नवरं गुणतो ठाणगुणो ।
आगासत्थिकाए अवणे एवं चेव नवरं खेत्तओ लोगालोगपमाणमेत्ते गुणओ अवगाहणागुणे
जीवत्थिकाए णं अवण्णे एवं चेव, नवरं दव्वओ णं जीवत्थिकाए अनंताइं दव्वाइं, अरूवि
सेसं तं चेव ।
ठाणं-५, उद्देसो-३
जीवे सासते गुणओ उवओगगुणे ।
[मुनि दीपरत्नसागर संशोधितः ]
०
[87]
[ ३-ठाणं]