Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 84

वासावासं पज्जोसविताणं नो कप्पइ निग्गंथाण वा निग्गंथीणं वा गामाणगामं दुइज्जित्तए, पंचहिं ठाणेहिं कप्पड़ तं जहा- नाणट्ठयाए दंसणट्ठायाए चरित्तद्वयाए आयरिय-उवज्झाया वा से वीसंभेज्जा आयरिय-उवज्झायाण वा बहिता वेआवच्चं करणयाए ।
[४५२] पंच अणुग्घातिया पन्नत्ता तं जहा- हत्थकम्मं करेमाणे मेहणं पडिसेवेमाणे रातीभोयणं भुजेमाणे सागारियपिंडं भुजेमाणे रायपिंडं भुजेमाणे ।
[४५३] पंचहिं ठाणेहिं समणे निग्गंथे रायंतेउरमणुपविसमाणे नाइक्कमति, तं जहा- नगरे सिया सव्वतो समंता गुत्ते गुत्तदुवारे बहवे समणमाहणा नो संचाएंति भत्ताए वा पाणाए वा निक्खमित्तए वा पविसित्तए वा तेसिं विण्णवणट्ठयाए रायतेउरमणुपविसेज्जा, पाडिहारियं वा पीढ-फलगसेज्जा-संथारग पच्चप्पिणमाणे रायंतेउरमणुपविसेज्जा, हयस्स वा गयस्स वा दुट्ठस्स आगच्छमाणस्स भीते रायंतेउर-मणपविसेज्जा, परो व णं सहसा वा बलसा वा वाहाए गहाय रायंतेउरमणपवेसेज्जा, बहिता व णं आरा-मगयं वा उज्जाणगयं वा रायंतेउरजणो सव्वतो समंता संपरिक्खिवित्ता णं सण्णिवेसिज्जा । इच्चेतेहिं पंचहिं ठाणेहि समणे निग्गंथे रायंतेउरमणुपविसमाणे नातिक्कमइ ।।
[४५४] पंचहिं ठाणेहिं इत्थी परिसेण सद्धिं असंवसमाणीवि गब्भं धरेज्जा तं जहा- इत्थी दुव्वियडा दुण्णिसण्णा सुक्कपोग्गले अधिद्विज्जा, सक्कपोग्गलसंसिढे व से वत्थे अंतो जोणीए अणुपवेसेज्जा, सई वा से सुक्कपोग्गले अणुपवेसेज्जा, परो व से सुक्कपोग्गले अणुपवेसेज्जा, सीओदगवियडेणं वा से आयममाणीए सुक्कपोग्गला अणुपवेसेज्जा इच्चेतेहिं पंचहिं ठाणेहिं धरेज्जा |
पंचहिं ठाणेहिं इत्थी परिसेणं सद्धिं संवसमाणीवि गब्भं नो धरेज्जा, तं जहा- अप्पत्तजोव्वणा अतिकंतजोव्वणा जातिवंझा गेलण्णपट्ठा दोमणंसिया, इच्चेतेहिं पंचहिं ठाणेहिं जाव नो धरेज्जा ।
पंचहिं ठाणेहिं इत्थी परिसेणं सद्धिं संवसमाणीवि नो गब्भं धरेज्जा, तं जहा- निच्चोउया अणोउया वावण्णसोया वाविद्धसोया अणंगपडिसेवणी, इच्चेतेहिं पंचहिं ठाणेहिं परिसेण सद्धिं संवसमाणीवि गब्भं नो धरेज्जा ।
पंचहिं ठाणेहिं इत्थी परिसेणं सद्धिं संवसमाणीवि गब्भं नो धरेज्जा तं जहा उउंमि नो निगामपडिसेविणी यावि भवति, समागता वा से सक्कपोग्गला पडिविद्धंसंति, उदिण्णे वा से पित्तसोणिते, पुरा वा देवकम्मणा, पुत्तफले वा नो निविढे भवति, इच्चेतेहिं पंचहिं जाव नो धरेज्जा ।
[४५५] पंचहिं ठाणेहिं निग्गंथा निग्गंथीओ य एगतओ ठाणं वा सेज्जं वा निसीहियं वा चेतेमाणा नातिक्कमंति, तं जहा- अत्थेगइया निग्गंथा य निग्गंथीओ य एगं महं अगामियं छिण्णावायं दीहमद्धपडिविमणपविट्ठा तत्थेगयतो ठाणं वा सेज्जं वा निग्गंथीओ वा चेतेमाणा नातिक्कमंति, अत्थेगइया निग्गंथा य निग्गंथीओ य गामंसि वा नगरंसि वा जाव रायहाणिंसि वा वासं उवागता एगतिया ठाणं-५, उद्देसो-२
जत्थ उवस्सयं लभंति एगतिया नो लभंति तत्थेगतो ठाणं वा जाव नातिक्कमंति, अत्थेगइया निग्गंथा य निग्गंथीओ य नागकुमारवासंसि वा० वासं उवागता तत्थेगओ जाव नातिक्कमंति आमोसगा दीसंति ते इच्छंति निग्गंथीओ चीवरपडियाए पडिगाहित्तए तत्थेगओ ठाणं वा जाव नातिक्कमंति, जुवाणा दीसंति ते इच्छंति निग्गंथीओ मेहणपडियाए पडिगाहित्तए तत्थेगओ ठाणं वा जाव नातिक्कमंति, इच्चेतेहिं पंचहिं ठाणेहिं जाव नातिक्कमति |
[मुनि दीपरत्नसागर संशोधित:]
[83]
[३-ठाण]