Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 76

[३९९] बेंइदिया णं जीवा असमारभमाणस्स चउव्विहे संजमे कज्जति तं० जिब्भामयातो सोक्खातो अववरोवित्ता भवति, जिब्भामएणं दुक्खेणं असंजोगेत्ता भवति, फासामयातो सोक्खतो अववरोवेत्ता भवति एवं चेव-४, |
बेइंदिया णं जीवा समारभमाणस्स चउविधे असंजमे कज्जति तं जहा- जिब्भामयातो सोक्खातो ववरोवित्ता भवति, जिब्भमएणं दुक्खेणं संजोगित्ता भवति, फासामयातो सोक्खातो ववरोवेत्ता भवति ।
[४००] सम्मद्दिट्ठियाणं नेरइयाणं चत्तारि किरियाओ पन्नत्ताओ तं जहा- आरंभिया पारिग्गहिया मायावत्तिया अपच्चक्खाणकिरिया ।
सम्मद्दिट्ठियाणमसुरकुमाराणं चत्तारि किरियाओ पन्नत्ताओ तं जहा एवं चेव, एवं विगलिंदियवज्जं जाव वेमाणियाणं ।
[४०१] चउहिं ठाणेहिं संते गुणे नासेज्जा तं जहा- कोहेणं पडिनिवेसेणं अकयण्मुयाए मिच्छत्ताभिनिवेसेणं ।
चउहिं ठाणेहिं असंते गुणे दीवेज्जा तं जहा- अब्भावसत्तियं परच्छंदाणुवत्तियं कज्जउं
कतपडिकतेति वा ।
[४०२] नेरइयाणं चउहिं ठाणेहिं सरीरुप्पत्ती सिया तं जहा- कोहेणं माणेणं मायाए लोभेणं एवं जाव वेमाणियाणं, नेरइयाणं चउट्ठाणनिव्वत्तिते सरीरे पण्णत्ते तं जहा- कोहनिव्वत्तिए माणनिव्वत्ति मायानिव्वत्तिए लोभनिव्वत्तिए एवं जाव वेमाणियाणं ।
[४०३] चत्तारि धम्मदारा पन्नत्ता तं जहा - खंती मुत्ती अज्जवे मद्दवे । ठाणं-४, उद्देसो-४
[४०४] चउहिं ठाणेहिं जीवा नेरइयाउयत्ताए कम्मं पगरेंति तं महारंभताते महापरिग्गहयाए पंचिदियवहेणं कुणिमाहारेणं ।
चउहिं ठाणेहिं जीवा तिरिक्खजोणिय आउयत्ताए कम्मं पगरेंति तं जहा- माइल्लताए नियडिल्लताए अलियवणेणं कूडतुलकूडमाणेणं ।
चउहिं ठाणेहिं जीवा मणुस्साउयत्ताए कम्मं पगति तं जहा - पगतिभद्दता पगतिविणीययाए साणुक्कोसयाए अमच्छरिता
चउहिं ठाणेहिं जीवा देवाउयत्ता कम्मं पगरेंति तं जहा सरागसंजमेणं संजमासंजमेणं बालतवोकम्मेणं अकामनिज्जराए |
[४०५] चउव्विहे वज्जे पण्णत्ते तं जहा- तते वितते घणे झुसिरे; चउव्विहे नट्टे पण्णत्ते तं जहा - अंचिए रिभिए आरभडे भसोले चउव्विहे गेए पण्णत्ते तं जहा- उक्खित्तए पत्तए मंदए रोविंदए, चउव्विहे मल्ले पण्णत्ते तं जहा- गंथिमे वेढिमे पूरिभे संघातिमे; चउव्विहे अलंकारे पण्णत्ते तं जहा- केसालंकारे वत्थालंकारे मल्ललंकारे आभरणालंकारे ।
चउव्विहे अभिणए पण्णत्ते तं जहा- दिट्ठतिए पाडिसुते सामण्णओविणिवाइयं लोगमज्झा
वसिते ।
[४०६] सणंकुमार-माहिंदेसु णं कप्पेसु विमाणा चडवण्णा पन्नत्ता तं जहा - नीला लोहिता हालिद्दा सुक्किल्ला;
[मुनि दीपरत्नसागर संशोधितः ]
[75]
[३-ठाणं]