Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 79

[४२८] पंचहिं ठाणेहिं ओहिदंसणे समप्पज्जिउकामेवि तप्पढमयाए खंभाएज्जा तं जहाअप्पभूतं वा पुढविं पासित्ता तप्पढमयाए खंभाएज्जा कुंथुरासिभूतं वा पुढविं पासित्ता तप्पढमयाए खंभाएज्जा, महतिमहालयं वा महोरगसरीरं पासित्ता तप्पढमयाए खंभाएज्जा देवं वा महिइढियं जाव महासोक्खं पासित्ता तप्पढमयाए खंभाएज्जा रेस् वा पोराणाई उरालाई महतिमहालयाई महानिहाणाई पहीणसामियाणइं पहीणसेउयाइं पहीणगत्तागाराइं उच्छिण्णसामियाई उच्छिण्णसेउयाई उच्छिण्णगत्तागाराई जाई इमाई गामागर-नगर-खेड-कब्बड-मडंब-दोणमुह-पट्टणासम-संबाह-सण्णिवेसेसु सिंघाडग-तिग-चउक्कचच्चर-चउम्मुह-महापह-पहेसु नगर-निद्धमणेसु सुसाण-सुण्णागारा-गिरिकंदर-संति-सेलोवट्ठावण-भवण-गिहेसु संणिक्खित्ताइ चिट्ठति ताई वा पासित्ता तप्पढमताए खंभाएज्जा, इच्चेतेहिं पंचहिं ठाणेहिं ओहि- दंसणे समप्पजिउकामे तप्पढमययाए खंभाएज्जा ।
पंचहिं ठाणेहिं केवलवरनाणंदसणे समप्पजिउकामे तप्पढमयाए नो खंभाएज्जा तं जहाअप्पभूतं वा पढविं पासित्ता तप्पढमयाए नो खंभाएज्जा, सेसं तहेव जाव- भवणगिहेस् सण्णिक्खित्ताई चिटुंति ताई वा पासित्ता तप्पढमयाए नो खंभाएज्जा; इच्चेतेहिं पंचहिं ठाणेहिं केवलनाणदंसणे समुप्पज्जिउकामे तप्पढमयाए नो खंभाएज्जा ।
[४२९] नेरइयाणं सरीरगा पंचवण्णा पंचरसा पन्नत्ता तं जहा- किण्हा जाव सुक्किल्ला, तित्ता जाव मधुरा; एवं-निरंतरं जाव वेमाणियाणं पंच सरीरगा पन्नत्ता तं जहा- ओरालिए वेउव्विए आहारए तेयए कम्मए ओरालियसरीरे पंच-वण्णे पंचरसे पण्णत्ते तं जहा- किण्हे जाव सक्किल्ले, तित्ते जाव महरे एवं जाव कम्मगसरीरे । सव्वेवि णं बादरबोंदिधरा कलेवरा पंचवण्णा पंचरसा दुगंधा अट्ठफासा
[४३०] पंचहिं ठाणेहिं परिम-पच्छिमगाणं जिणाणं दुग्गमं भवति तं जहा- दुआइक्खं दुविभज्जं दुपस्सं दुतितिक्खं दुरणुचरं । पंचहिं ठाणेहिं मज्झिमगाणं जिणाणं सुग्गमं भवति तं जहासुआइक्खं सुविभज्जं सुपस्सं सुतितिक्खं सुरणुचरं ।
पंच ठाणाई समणेणं भगवता महावीरेणं समणाणं निग्गंथाणं निच्चं वण्णिताइं निच्चं कित्तिताई निच्चं बुइयाई निच्चं पसत्थाई निच्चमब्भणन्नाताई भवंति तं जहा- खंती मत्ती अज्जवे मद्दवे लाघवे, पंच ठाणाई समणेणं भगवता महावीरेणं जाव अब्भणण्णाताई भवंति, तं जहा- सच्चे संजमे तवे चियाए बंभचेरवासे, ठाणं-५, उद्देसो-१
पंच ठाणाई समणेणं भगवता महावीरेणं समणाणं जाव अब्भणण्णाताई भवंति, तं जहाउक्खित्तचरए निक्खित्तचरए अंतचरए पंतचरए लूहचरए,
पंच ठाणाई समणेणं भगवता जाव अब्भणुण्णाताई भवंति तं जहा- अण्णातचरए अण्णइलायचरए मोणचरए संसट्ठकप्पिए तज्जातसंसट्ठकप्पिए,
पंच ठाणाई समणेणं भगवता जाव अब्भणण्णाताई भवंति तं जहा- उवणिहिए सुद्धसणिए संखादत्तिए दिट्ठालाभिए पुट्ठलाभिए ।
पंच ठाणाई समणेणं भगवता जाव अब्भणण्णाताई भवंति तं जहा- आयंबिलिए निव्विइए परिमढिए परिमितपिंडवातिए भिण्णपिंडवातिए,
[मुनि दीपरत्नसागर संशोधित:]
[78]
[३-ठाण]