Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 78

[४२१] जीवाणं चउट्ठाणनिव्वत्तिते पोग्गले पावकम्मत्ताए चिणिस् वा चिणंति वा चिणिस्संति वा, नेरइयनिव्वत्तिते तिरिक्खजोणियनिव्वत्तिते मणस्सनिव्वत्तिते देवनिव्वत्तिते एवंउवचिणिस् वा उवचिणंति वा उवचिणिस्संति वा, एवं-चिण-उवचिण-बंध-उदीर-वेय तह निज्जरा चेव ।
[४२२] चउपदेसिया खंधा अनंता पन्नत्ता, चउपदेसोगाढा पोग्गला अनंता पन्नत्ता, चउसमयद्वितीया पोग्गला अनंता पन्नत्ता, चउगणकालगा पोग्गला अनंता, जाव चगणलक्खा पोग्गला अनंता पन्नत्ता ।
• चउत्थे ठाणे चइत्थो उद्देसो समत्तो .
0 चउत्थं ठाणं समत्तं 0 • मुनि दीपरत्नसागरेण संशोधितः सम्पादित्तश्च चउत्थं ठाणं समत्तं .
[] पंचम-ठाणं []
0 पढमो-उद्देसो 0 [४२३] पंच महव्वया प० तं०- सव्वाओ पाणातिवायाओ वेरमणं, [सव्वाओ मुसावायाओ वेरमणं, सव्वाओ अदिन्नादाणाओ वेरमणं, सव्वाओ मेहणाओ वेरमणं], सव्वाओ परिग्गहाओ वेरमणं ।
___पंचाणव्वया प० तं०- थूलाओ पाणाइवायाओ वेरमणं, थूलाओ मुसावायाओ वेरमणं, थूलाओ अदिन्नादाणाओ वेरमणं, सदारसंतोसे, इच्छापरिमाणे ।
[४२४] पंच वण्णा पन्नत्ता तं जहा- किण्हा नीला लोहिता हालिद्दा सक्किल्ला; पंच रसा पन्नत्ता तं जहा- तित्ता कडूया कसाया अंबिला मधुरा,
पंच कामगणा पन्नत्ता तं जहा- सद्दा रूवा गंधा रसा फासा, पंचहिं ठाणेहिं जीवा सज्जंति तं जहा- सद्देहिं जाव फासेहि, एवं रज्जंति, मुच्छंति, गिज्झंति, अज्झोववज्जति ।
पंचहिं ठाणेहिं जीवा विणिघायमावज्जति तं जहा- सद्देहिं जाव फासेहिं, पंच ठाणा अपरिण्णाता जीवाणं अहिताए असभाए अखमाए अनिस्सेस्साए अणाणगामियत्ताए भवंति तं जहा- सद्दा ठाणं-५, उद्देसो-१
जाव फासा, पंच ठाणा सुपरिण्णता जीवाणं हिताए सुभाए जाव आणुगामियत्ताए भवंति, तं जहा- सद्दा जाव फासा, पंच ठाणा अपरिणत्ता जीवाणं दुग्गतिगमणाए भवंति तं जहा- सद्दा जाव फासा, पंच ठाणा सुपरिण्णाता जीवाणं सुग्गतिगमणाए भवंति तं० सद्दा जाव फासा ।
[४२५] पंचहिं ठाणेहिं जीवा दोग्गतिं गच्छंति तं जहा- पाणातिवाएणं जाव परिग्गहेणं, पंचहि ठाणेहिं जीवा सोगंति गच्छंति तं जहा- पाणातिवातवेरमणेणं जाव परिग्गह-वेरमणेणं ।
[४२६] पंच पडिमाओ पन्नत्ताओ तं जहा- भद्दा सुभद्दा महाभद्दा सव्वतोभद्दा भडुत्तरपडिमा
[४२७] पंच थावरकाया पन्नत्ता तं जहा- इंदे थावरकाए बंभे थावरकाए सिप्पे थावरकाए संमती थावरकाए पायावच्चे ।
थावरकाए पंच थावरकायाधिपती पन्नत्ता तं जहा- इंदे थावरकायाधिपती बंभे थावरकायाधिपती सिप्पे थावरकायाधिपती सम्मती थावरकायाधिपती पायावच्चे थावरकायाधिपती ।
[मुनि दीपरत्नसागर संशोधित:]
[77]
[३-ठाण]