Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 20

सोहम्मीसाणेस् णं कप्पेस् दो इंदा पण्णत्ता तं जहा- सक्के चेव ईसाणे चेव, सणंकमारमाहिंदेसु कप्पेसु दो इंदा पण्णत्ता तं जहा- सणंकुमारे चेव माहिदे चेव, बंभलोग-लंतएसु णं कप्पेसु दो इंदा पण्णत्ता तं जहा- बंभे चेव लंतए चेव, महासुक्क-सहस्सारेसु णं कप्पेसु दो इंदा पण्णत्ता तं जहामहासुक्के चेव सहस्सारे चेव, आणत-पाणत-आरण-अच्चुतेसु णं कप्पेसु दो इंदा पण्णत्ता तं जहा- पाणते चेव अच्चते चेव,
महासुक्कसहस्सारेसु णं कप्पेसु विमाणा दुवण्णा पण्णत्ता तं जहा- हालिद्दा चेव सुकिल्ला चेव गेविज्जगा णं देवा दो रयणीओ उड्ढमुच्चत्तेणं पण्णत्ता ।
० बीए ठाणे तइओ उद्देसो समत्तो .
0 चउत्थो-उद्देसो 0 [९९] समयाति वा आवलियाति वा जीवाति या अजीवाति या पवच्चति, आणापाणूति वा थोवेति वा जीवाति या अजीवाति या पवच्चति, खणाति वा लवाति वा जीवाति या आजीवाति या पवच्चति, एवं-महत्ताति वा अहोरत्ताति वा, पक्खाति वा मासाति वा, उति वा अयणाति वा, संवच्छराति वा जगाति वा, वाससयाति वा वाससहस्साइ वा, वाससतसहस्साइ वा वासकोडीइ वा, पव्वंगाति ठाणं-२, उद्देसो-४
पव्वाति वा, तुडियंगाति वा तुडियाति वा, अडडंगाति वा अडडाति वा, अववंगाति वा अववाति वा, हुहुअंगाति वा हुयाति वा, उप्पलंगाति वा उप्पलाति वा, पउमंगाति वा पउमाति वा, नलिणंगाति वा नलिणाति वा, अत्थणिकगाति वा अत्थणिकाति वा, अउअंगाति वा, अउआति वा णउअंगाति वा णउआति वा, पउतंगाति वा पउताति वा, चूलियंगाति वा चूलियाति वा, सीसपहेलियंगाति वा सीसपहेलियाति वा, पलिओवमाति वा सागरोवमाति वा, ओसप्पिणीति वा उस्सप्पिणीति वा जीवाति या अजीवाति या पवच्चति ।।
गामाति वा नगराति वा निगमाति वा रायहाणीति वा खेडाति वा कब्बडाति वा मडंबाति वा दोणमुहाति वा पट्टणाति वा आगराति वा आसमाति वा संबाहाति वा सण्णिवेसाइ वा घोसाइ वा आरामाइ वा उज्जाणाति वा वणाति वा वणसंडाति वा वावीति वा पुक्खरणीति वा सराति वा सरपंतीति वा अगडाति वा तलागाति वा दहाति वा नदीति वा पुढवीति वा उदहीति वा वातखंधाति वा उवासंतराति वा वलयाति वा विग्गहाति वा दीवाति वा समद्दाति वा वेलाति वा वेइयाति वा दाराति वा तोरणाति वा नेरइयाति वा नेरइयावासाति वा जाव वेमाणियाति वा वेमाणियावासाति वा कप्पाति वा कप्पविमाणावासाति वा वासाति वा वासधरपव्वताति वा कुडाति वा कुडगाराति वा विजयाति वा रायहाणीति वा जीवाति या अजीवाति या पवुच्चति ।
छायाति वा आतवाति वा दोसिणाति वा अंधकाराति वा ओमाणाति वा उम्माणाति वा अतिया-णगिहाति वा उज्जाणगिहाति वा अवलिंबाति वा सणिप्पवाताति वा जीवाति या अजीवाति या पवुच्चति ।
दो रासी पण्णत्ता तं जहा- जीवरासी चेव अजीवरासी चेव । [१००] दुविहे बंधे पण्णत्ते तं जहा- पेज्जबंधे चेव दोसबंधे चेव ।
[मुनि दीपरत्नसागर संशोधित:]
[19]
[३-ठाण]