Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 43

[२४९] चत्तारि अंतकिरियाओ पन्नत्ताओ तं जहा- तत्थ खलु इमा पढमा अंतकिरिया - अप्पकम्मपच्चायाते यावि भवति, से णं मुंडे भवित्ता अगाराओ अणगारियं पव्वइए संजमबहुले संवरबहुले समाहिबहुले लूहे तीरट्ठी उवहाणवं दुक्खक्खवे तवस्सी तस्स णं नो तहप्पगारे तवे भवति नो तहप्पगारा वेयणा भवति तहप्पगारे पुरिसज्जाते दीहेणं परियाएणं सिज्झति बुज्झति मुच्चति परिणिव्वाति सव्वदुक्खाणमंतं करेइ, जहा से भरहे राया चाउरंतचक्कवट्टी, पढमा अंतकिरिया ।
अहावरा दोच्चा अंतकिरिया, महाकम्मपच्चायाते यावि भवति, से णं मुंडे भत्ता अग अणगारियं पव्वइए, संजमबहुले संवरबहुले जाव उवहाणवं दुक्खक्खवे तवस्सी, तस्स णं तहप्पगारे तवे भवति तहप्पगारा वेयणा भवति, तहप्पगारे पुरिसजाते निरुद्धेणं परियाएणं सिज्झति जाव अंतं करेति जहा से यमाले अणगारे, दोच्चा अंतकिरिया ।
अहावरा तच्चा अंतकिरिया, महाकम्मपच्चायाते यावि भवति, से णं मुंडे भवित्ता अगाराओ अणगारियं पव्वइए, जहा दोच्चा, नवरं दीहेणं परियाएणं सिज्झति जाव सव्वदुक्खाणमंतं करेति, जहा- से ठाणं-४, उद्देसो-१
सणंकुमारे राया चाउरंत चक्कवट्टी, तच्चा अंतकिरिया ।
अहावरा चउत्था अंतकिरिया- अप्पकम्मपच्चायते यावि भवति, से णं मुंडे भवित्ता पव्वइए संजमबहुले जाव तस्स णं नो तहप्पगारे तवे भवति नो तहप्पगारा वेयणा भवति, तहप्पगारे पुरिसजाते निरुद्धेणं परियाएणं सिज्झति जाव सव्वदुक्खाणमंतं करेति, जहा- सा मरुदेवा भगवती, चउत्था अंतकिरिया ।
[२५०] चत्तारि रुक्खा पन्नत्ता तं जहा उन्नते नाममेगे उन्नते उन्नते नाममेगे पणते, पणते नाममेगे उन्नते, पणते नाममेगे पणते; एवामेव चत्तारि पुरिसजाता पन्नत्ता तं जहा- उन्नते नामेगे उन्नते तहेव जाव पणते नाममेगे पणते ।
चतारि रुक्खा पन्नत्ता तं जहा- उन्नते नाममेगे उण्णतपरिणते, उन्नते नाममेगे पणतपरिणते, पणते नाममेगे उण्णतपरिणते, पणते नाममेगे पणतपरिणते; एवामेव चत्तारि पुरिसजाता पन्नत्ता तं जहा- उन्नते नाममेगे उण्णतपरिणते चउभंगो ।
चत्तारि रुक्खा पन्नत्ता तंजहा- उन्नते नाममेगे उण्णतरूवे तहेव चउभंगो । एवामेव चत्तारि पुरिसजाया पन्नत्ता तं जहा- उन्नते नाममेगे उण्णतरूवे, चउभंगो० ।
चत्तारि पुरिसजाया पन्नत्ता तं जहा- उन्नते नाममेगे उण्णतमणे, चउभंगो० एवं संकप्पे, पन्ने, दिट्ठी, सीलायारे, ववहारे, परक्कमे, एगे पुरिसजाए पडिवक्खो नत्थि ।
चत्तारि रुक्खा प० तं॰ उज्जू नाममेगे उज्जू, उज्जू नाममेगे वंके, चउभंगो-४, एवामेव चत्तारि पुरिसजाता प० त० उज्जूनाममेगे - ४, एवं जहा उन्नतपणतेहिं गमो तहा उज्जुवंकेहिव भाणियव्वो, जाव परक्कमे ।
[२५१] पडिमापडिवण्णस्स णं अणगारस्स कप्पंति चत्तारि भासाओ भासित्तए, तं जहाजायणी पुच्छणी अणुण्णवणी पुट्ठस्स वागरणी ।
[२५२] चत्तारि भासाजाता पन्नत्ता तं जहा - सच्चमेगं भासज्जायं, बीयं मोसं, तइयं सच्चमोसं, चउत्थं असच्चमोसं ।
[ मुनि दीपरत्नसागर संशोधितः ]
[42]
[३-ठाणं ]