Book Title: Agam 03 Thanam Taiam Angsuttam Mulam PDF File Author(s): Dipratnasagar, Deepratnasagar Publisher: DeepratnasagarPage 51
________________ चत्तारि उसभा पन्नत्ता तं जहा- कुलसंपण्णे नामं एगे नो बलसंपण्णे-४, एवामेव चत्तारि पुरिसजाया पन्नत्ता तं जहा- कुलसंपण्णे नामं एगे नो बलसंपण्णे-४, __चत्तारि उसभा पन्नत्ता तं जहा- कुलसंपण्णे नामं एगे नो रूवसंपण्णे-४, एवामेव चत्तारि परिसजाया पन्नत्ता तं जहा- कुलसंपण्णे नामं एगे-४, चत्तारि उसभा पन्नत्ता तं जहा- बलसंपण्णे नामं एगे नो रूवसंपण्णे-४, एवामेव चत्तारि परिसजाया पन्नत्ता तं जहा- बलसंपण्णे नामं एगे-४ । चत्तारि हत्थी पन्नत्ता तं जहा- भद्दे मंदे मिए संकिण्णे, एवामेव चत्तारि परिसाजाया पन्नत्ता जं जहा- भद्दे मंदे मिए संकिण्णे, चत्तारि हत्थी पन्नत्ता तं जहा- भद्दे नाममेगे भद्दमणे भद्दे नाममेगे मंदमणे भद्दे नाममेगे मियमणे भद्दे नाममेगे संकिण्णमणे, एवामेव चत्तारि परिसजाया पन्नत्ता तं जहा- भद्दे नाममेगे भद्दमणे, भद्दे नाममेगे मंदमणे, भद्दे नाममेगे मियमणे, भद्दे नाममेगे संकिण्णमणे, चत्तारि हत्थी पन्नत्ता तं जहा- मंदे नाममेगे भद्दमणे, मंदे नाममेगे मंदमणे, मंदे नाममेगे मियमणे, मंदे नाममेगे संकिण्णमणे एवामेव चत्तारि परिसजाया पन्नत्ता तं जहा- मंदे नाममेगे भद्दमणे तं चेवा । चत्तारि हत्थी पन्नत्ता तं जहा- मिए नाममेगे भद्दमणे, मिए नाममेगे मंदमणे मिए नाममेगे मियमणे मिए नाममेगे संकिण्णमणे, एवामेव चत्तारि परिसजाया पन्नत्ता तं जहा- मिए नाममेगे भद्द मणे, तं चेव ।। चत्तारि हत्थी पन्नत्ता तं जहा- संकिण्णे नाममेगे भद्दमणे, संकिण्णे नाममेगे मंदमणे, संकिण्णे नाममेगे मियमणे, संकिण्णे नाममेगे संकिण्णमणे, एवामेव चत्तारि परिसजाया पन्नत्ता तं जहासंकिण्णे नाममेगे भद्दमणे, तं चेव जाव संकिण्णे नाममेगे संकिण्णमणे । [२९६] मधुगुलिय-पिंगलक्खो अणुपुव्व-सुजाय-दीहणंगूलो । पुरओ उदग्गधीरो सव्वगसमाधितो भद्दो । [२९७] चल-बहल-विसम-चम्मो थूलसिरो थलएण पेएण । थूलनह-दंत-वालो हरिपिंगल-लोयणो मंदो ॥ [२९८] तणुओ तणुयग्गीओ तणुयतओ तणुयदंत-नह-वालो । ठाणं-४, उद्देसो-२ भीरू तत्थुव्विग्गो तासी य भवे मिए नामं ।। [२९९] एतेसिं हत्थीणं थोवा थोव तु जो अणुहरति हत्थी । रूवेण व सीलेण व सो संकिण्णत्ति नायव्वो ।। [३००] भद्दो मज्जइ सरए मंदो उण मज्जते वसंतंमि । मिउ मज्जति हेमंते सकिण्णो सव्वकालंमि ।। [३०१] चत्तारि विकहाओ पन्नत्ताओ तं जहा- इत्थिकहा भत्तकहा देसकहा रायकहा, इत्थिकहा चउव्विहा पन्नत्ता तं जहा- इत्थीणं जाइकहा इत्थीणं कुलकहा इत्थीणं रूवकहा इत्थीणं णेवत्थकहा; भत्तकहा चउव्विहा पन्नत्ता तं जहा- भत्तस्स आवावकहा भत्तस्स णिव्वावकहा भत्तस्स आरंभकहा भत्तस्स णिहाणकहा; देसकहा चउव्विहा पन्नत्ता तं जहा- देंसविहिकहा देसविकप्पकहा [मुनि दीपरत्नसागर संशोधित:] [50] [३-ठाण]Page Navigation
1 ... 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141
