Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 46

चउव्विहे कोहे पन्नत्ते तं जहा- आभोगणिव्वत्तिते अणाभोगणिव्वत्तिते उवसंते अणुवसंते एवं-नेरइयाणं जाव वेमाणियाणं
चउव्विहे माने पन्नत्ते तं जहा-आभोगणिव्वत्तिते अणाभोगणिव्वत्तिते उवसंते अणवसंते एवं- णेरइयाणं जाव वेमाणियाणं ।एवं जाव लोभे जाव वेमाणियाणं ।
[२६४] जीवा णं चउहिं ठाणेहिं अट्ठकम्मपडीओ चिणिंस, तं जहा- कोहेणं माणेणं मायाए लोभेणं, एवं जाव वेमाणियाणं; एवं चिणंति एस दंडओ, चिणिस्संति एस दंडओ, एवं-उवचिणिंस उवचिणंति उवचिणिस्संति बंधिसुं-३, उदीरिंसु-३, वेदेंसु-३, निज्जरेसु-३, जाव वेमाणियाणं ।
[२६५] चत्तारि पडिमाओ पन्नत्ताओ तं जहा- समाहिपडिमा उवहाणपडिमा विवेगपडिमा विउस्सग्गपडिमा, चत्तारि पडिमाओ पन्नत्ताओ तं जहा- भद्दा सुभद्दा महाभद्दा सव्वतोभद्दा, चत्तारि पडिमाओ पन्नत्ताओ तं जहा- खुडिया मोयपडिमा, महल्लिया मोयपडिमा, जवमज्झा, वइरमज्झा ।
[२६६] चत्तारि अत्थिकाया अजीवकाया पन्नत्ता तं जहा- धम्मत्यिकाए अधम्मत्थिकाए आगासत्थिकाए पोग्गलत्थिकाए । चत्तारि अत्थिकाया अरूविकाया पन्नत्ता तं जहा- धम्मत्थिकाए अधम्मत्थिकाए आगासत्थिकाए जीवत्थिकाए ।
[२६७] चत्तारि फला पण्णत्ता तं जहा- आमे नाममेगे आममहुरे, आमे नाममेगे पक्कमहुरे, पक्के नाममेगे आममहुरे, पक्के नाममेगे पक्कमहुरे; एवामेव चत्तारि पुरिसजाया पन्नत्ता तं जहा- आमे ठाणं-४, उद्देसो-१
नाममेगे आममहरफलसमाणे-४ ।।
सच्चे पण्णत्ते० काउज्जुयया भासुज्जुयया भावुज्जुयया अविसंवायणाजोगे, चउव्विहे मोसे पण्णत्ते तं जहा- कायअणुज्जुयया भासअणुज्जुयया भावअणुज्जुयया विसंवादणाजोगे ।
चउव्विहे पणिधाणे पण्णत्ते तं जहा- मणपणिधाणे वइपणिधाणे कायपणिधाणे उवकरणपणिधाणे एवं- नेरइयाणं पंचिंदियाणं जाव वेमाणियाणं ।
चव्विहे सुप्पणिहाणे पण्णत्ते तं जहा- मणसुप्पणिहाणे वइसुप्पणिहाणे कायसुप्पणिहाणे उवगरणसुप्पणिहाणे, एवं-संजयमणुस्साणवि; चउव्विहे दुप्पणिहाणे प० तं०- मणदुप्पणिहाणे वइदुप्पणिहाणे कायद्प्पणिहाणे उवकरणद्प्पणिहाणे एवं-पंचिदियाणं जाव वेमाणियाणं ।
[२६९] चत्तारि परिसजाया पन्नत्ता तं जहा- आवतभद्दए नाममेगे नो संवासभद्दए, संवासभद्दए नाममेगे नो आवातभद्दए, एगे आवातभद्दएवि संवासभद्दएवि, एगे नो आवातभद्दए नो संवासभद्दए;
चत्तारि परिसजाया पन्नत्ता तं जहा- अप्पणो नाममेगे वज्जं पासति नो परस्स, परस्स नाममेगे वज्जं पासति नो अप्पणो-४,
चत्तारि पुरिसजाया पन्नत्ता तं जहा- अप्पणो नाममेगे वज्जं उदीरेइ नो परस्स-४, चत्तारि पुरिसजाया पन्नत्ता तं जहा- अप्पणो नाममेगे वज्जं उवसामेति नो परस्स-४, चत्तारि पुरिसजाया पन्नत्ता तं जहा- अब्भुट्टेति नाममेगे नो अब्भुट्ठावेति-,4,
चत्तारि परिसजाया पन्नत्ता तं जहा- वंदति नो वंदावेति-४ एवं सक्कारेइ, सम्माणेति, पूएइ, वाएइ, पडिपुच्छति, पुच्छइ, वागरेति, सुत्तधरे नाममेगे नो अत्थधरे अत्थधरे नाममेगे नो सुत्तधरे४ ।
[मुनि दीपरत्नसागर संशोधित:]
[45]
[३-ठाणं]