Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 47

[२७०] चमरस्स णं अरिंदस्स असुरकुमाररण्णो चत्तारि लोगपाला पन्नत्ता तं जहा- सोमे जमे वरुणे वेसमाणे, एवं- बलिस्सवि-सोमे जमे वेसमणे वरुणे, धरणस्स- कालपाले कोलपाले सेलपाले संखपाले, भूयाणंदस्स- कालपाले कोलपाले संखपाले सेलपाले, वेणदेवस्स- चित्ते विचित्ते चित्तपक्खे विचित्तपक्खे, वेणदालिस्स- चित्ते विचित्ते विचित्तपक्खे चित्तपक्खे, हरिकंतस्स- पभे सप्पभे पभकंते सप्पभकंते, हरिस्सहस्स- पभे सप्पभे सप्पभकंते पभकंते, अग्गिसिहस्स- तेऊ तेउसिहे तेउकंते तेउप्पभे, अग्गिमाणवस्स- तेऊ तेउसिहे तेउप्पभे तेउकंते,
पुण्णस्स- रूवे रूवंसे रूवकंते रूवप्पभे, विसिहस्स- रूवे रूवंसे रूवप्पभे रूवकंते, जलकंतस्सजले जलरते जलकंते जलप्पभे, जलप्पहस्स- जले जलरते जलप्पहे जलकते, अमितगतिस्स- तुरियगति खिप्पगती सीहगती सीहविक्कमगती, अमितवाहणस्स- तुरियगती खिप्पगती सीहविक्कमगती सीहगती, वेलंबस्स- काले महाकाले अंजणे रिटे, पंभजणस्स- काले महाकाले रिटे अंजणे, धोसस्स- आवत्ते वियावते नंदियावत्ते महानंदियावत्ते, महाधोसस्स- आवत्ते वियावत्ते महानंदियावत्ते नंदियावत्ते,
सक्कस्स- सोमे जमे वरुणे वेसमणे, ईसाणस्स- सोमे जमे वेसमणे वरुणे, एवं-एगंतरिता जाव अच्चुतस्स,
चउव्विहा वाउकुमारा पन्नत्ता तं जहा- काले महाकाले वेलंबे पभंजणे । [२७१] चउव्विहा देवा पन्नत्ता तं जहा- भवणवासी वाणमंतरा जोइसिया विमाणवासी । [२७२] चउव्विहे पमाणे प० तं०- दव्वप्पमाणे खेत्तप्पमाणे कालप्पमाणे भावप्पमाणे | [२७३] चत्तारि दिसाकुमारिमहत्तरियाओ पण्णत्ताओ तं जहा- रुया रूयंसा सुरूवा रूयावती
ठाणं-४, उद्देसो-१
चत्तारी विज्जुकुमारीमहत्तरियाओ पन्नत्ताओ तं जहा चित्ता चित्तकणगा सतेरा सोतामणी ।
[२७४] सक्कस्स णं देविंदस्स देवरण्णो मज्झिमपरिसाए देवाणं चत्तारि पलिओवमाई ठिती पन्नत्ता | ईसाणस्स णं देविंदस्स देवरण्णो मज्झिमपरिसाए देवीणं चत्तारि पलिओवमाइं ठिती पन्नत्ता
[२७५] चउव्विहे संसारे पण्णत्ते तं जहा- दव्वसंसारे खेततसंसारे कालसंसारे भाव-संसारे । [२७६] चउव्विहे दिट्ठिवाए प० तं० जहा- परिकम्मं सुत्ताई पव्वगए अणुजोगे ।
[२७७] चउव्विहे पायच्छित्ते पण्णत्ते तं जहा- नाणपायच्छित्ते दंसणपायच्छित्ते चरित्तपायच्छित्ते चियत्तकिच्चपायच्छित्ते; चउव्विहे पायच्छित्ते पण्णत्ते तं जहा- पडिसेवणा-पायच्छित्ते संजोयणापायच्छिते आरोवणापायच्छित्ते पलिउंचणापायच्छित्ते ।
[२७८] चउव्विहे काले पण्णत्ते तं जहा- पमाणकाले अहाउयनिव्वत्तिकाले मरणकाले अद्धाकाले ।
[२७९] चउव्विहे पोग्गलपरिणामे पण्णत्ते तं जहा- वण्णपरिणामे गंधपरिणामे रसपरिणामे फासपरिणामे ।
[२८०] भरहेरवएस णं वासेस परिम-पच्छिम-वज्जा मज्झिमगा बावीसं अरहंता भगवंता चाउज्जामं धम्म पन्नवयंति तं जहा- सव्वाओ पाणातिवायाओ वेरमणं, सव्वाओ मसावायाओ वेरमणं, सव्वाओ अदिन्नादाणाओ वेरमणं, सव्वाओ बहिखादाणाओ वेरमणं,
[मुनि दीपरत्नसागर संशोधित:]
[46]
[३-ठाण]