Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 29

[१५३] अह भंते सालीणं वीहीणं गोधूमाणं जवाणं जवजवाणं- एतेसि णं णाणं कोट्ठाउत्ताणं पल्लाउत्ताणं मंचाउत्ताणं मालाउत्ताणं ओलित्ताणं लित्ताणं लंछियाणं मुद्दियाणं पिहिता केवइयं कालं जोणी संचिट्ठति ? जहण्णेणं अंतोमुहुत्तं उक्कोसेणं तिण्णि संवच्छराई, तेण परं जोणी पमिलायति, तेण पुरं जोणी पविद्धंसति, तेण परं जोणी विद्धंसति, तेण परं बीए अबीए भवति, तेण परं जोणीवोच्छेदे पण्णत्ते ।
[१५४] दोच्चाए णं सक्करप्पभाए पुढवीए नेरइयाणं उक्कोसेणं तिण्णि सागरोवमाई ठी पण्णत्ता, तच्चाए णं वालुयप्पमाए पुढवीए जहण्णेणं नेरइयाणं तिण्णि सागरोवमाइं ठिती पण्णत्ता । [१५५] पंचमाए णं धूमप्पभाए पुढवीए तिण्णि निरयावाससयसहस्सा पण्णत्ता, तिसु णं पुढवीसु नेरइयाणं उसिणवेयणा पण्णत्ता तं जहा- पढमाए दोच्चाए तच्चाए तिसु णं पुढवीसु नेरइया उसिणवेयणं पच्चणुभवमाणा विहरंति तं जहा- पढमाए दोच्चाए तच्चाए ।
[१५६] तओ लोगे समा सपक्खिं सपडिदिसिं पण्णत्ता तं जहा- अप्पइट्ठाणे नरए जंबुद्दीवे दीवे सव्वट्ठिसिद्धे महा विमाणे, तओ लोगे समा सपक्खिं सपडिदिसिं पण्णत्ता तं जहा- सीमंतए णं नरए समयक्खेत्ते ईसीपब्भारा पुढवी ।
[१५७] तओ समुद्दा पगईए उदगरसेणं पण्णत्ता तं जहा- कालोदे पुक्खरोदे सयंभुरमणे, तओ समुद्दा बहुमच्छकच्छभाइण्णा पण्णत्ता तं जहा- लवणे कालोदे सयंभुरमणे ।
[१५८] तओ लोगे निस्सीला निव्वता निग्गुणा निम्मेरा निप्पच्चक्खाणपोसहोववासा कालमासे कालं किच्चा अहेसत्तमाए पुढवीए अप्पतिट्ठाणे नरए नेरइयत्ताए उवव्वज्जंति, तं जहा- रायाणो मंडलीया जे य महारंभा कोडुबी, तओ लोए सुसीला सुव्वया सग्गुणा समेरा सपच्चक्खाणपोसहोववासा कालमासे कालं किच्चा सव्वट्ठसिद्धे विमाणे देवत्ताए उववत्तारो भवंति तं जहा - रायाणो परिचत्तकामभोगा सेणावती पसत्थारो ।
[१५९] बंभलोग-लंतएसु णं कप्पेसु विमाणा तिवण्णा पण्णत्ता तं जहा- किण्हा नीला लोहिया, आणयपाणयारणच्चुतेसु णं कप्पेसु देवाणं भवधारणिज्जसरीरगा उक्कोसेणं तिण्णि रयणीओ उड्ढ उच्चतेणं पण्णत्ता ।
[१६०] तओ पन्नत्तीओ कालेणं अहिज्जंति तं जहा- चंदपन्नत्ती सूरपन्नत्ती दीवसागरपन्नत्ती |
• तइए ठाणे पदमो उद्देसो समत्तो •
ठाणं- ३, उद्देसो-२
0 बीओ - उद्देसो 0
[१६१] तिविहे लोगे पण्णत्ते तं जहा- नामलोगे ठवणलोगे दव्वलोगे, तिविहे लोगे पण्णत्ते तं जहा- नाणलोगे दंसणलोग चरित्तलोगे, तिविहे लोगे पण्णत्ते तं जहा- उड्ढलोगे अहोलोगे तिरियलोगे । [१६२] चमरस्स णं असुरिंदस्स असुरकुमाररण्णो तओ परिसाओ पण्णत्ताओ तं जहासमिता चंडा जाया, अब्भिंतरिता समिता मज्झिमिता चंडा बाहिरिता जाया, चमरस्स णं असुरिंदस्स असुरकुमाररण्णो सामाणिताणं देवाणं तओ परिसाओ पण्णत्ताओ तं जहा- समिता जहेव चमरस्स, एवं
[मुनि दीपरत्नसागर संशोधितः ]
[28]
[३-ठाणं]