Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 28

[१४८] तिविहा जोणी प० तं०- सीता उसिणा सीओसिणा एवं एगिंदियाणं विगलिंदियाणं तेउकाइयवज्जाणं समुच्छिमपंचिदियतिरिक्खजोणियाणं समुच्छिममणुस्साणं य ।
तिविहा जोणी पण्णत्ता तं जहा- सचित्ता अचित्ता मीसिया एवं- एगिदियाणं विगलिंदियाणं संमच्छिमपंचिदियतिरिक्ख जोणियाणं संमच्छिममणस्साणं य ।।
तिविहा जोणी पण्णत्ता तं जहा- संवुडा वियडा संवुडवियडा |
तिविहा जोणी पन्नता तं जहा- कुम्मुण्णया संखावत्ता वंसीवत्तिया, कुम्मुण्णया णं जोणी उत्तमपुरिसामाऊणं, कुम्मुण्णयाते णं जोणिए तिविहा उत्तमपुरिसा गब्भं वक्कमंति तं जहा- अरहंता चक्कवट्टी बलदेववासुदेवा, संखावत्ता णं जोणी इत्थीरयणस्स, संखावत्ताए णं जोणीए बहवे जीवा य पोग्गला य वक्कमंति विउक्कमति चयंति उववज्जति नो चेव णं निप्फज्जति वंसीवत्तिता णं जोणी पिहज्जणस्स, वंसीवत्तिताए णं जोणिए बहवे पिहज्जणा गब्भं वक्कंमति ।
[१४९] तिविहा तणवणस्सइकाइया पण्णत्ता तं जहा- संखेज्जजीविका असंखेज्जजीविका अनंतजीविका ।
[१५०] जंबुद्दीवे दीवे भारहे वासे तओ तित्था पण्णत्ता तं जहा- मागहे वरदामे पभासे, एवंएरवएवि, जंबुद्दीवे दीवे महाविदेहे वासे एगमेगे चक्कवट्टिविजये तओ तित्था पण्णत्ता तं जहा- मागहे वरदामे पभासे, एवं- घायइसंडे दीवे पुरत्थिमद्धेवि पच्चत्थिमद्धेवि पुक्खरवरदीवद्धे-पुरत्थिमद्धेवि पच्चत्थिमद्धेवि ।
___ [१५१] जंबुद्दीवे दीवे भरहेरवएसु वासेसु तीताए उस्सप्पिणीए सुसमाए समाए तिण्णि सागरो वमकोडाकोडीओ काले होत्था एवं ओसप्पिणीए नवरं पन्नत्ते, आगमिस्साते उस्सीप्पणीए भविस्सति, एवंघायइसंडे पुरत्यिमद्धे पच्चत्थिमद्धे वि, एवं-पुक्खरवरदीवद्धे पुरत्थिमद्धे पच्चत्थिमद्धेवि कालो भाणियव्वो ।
जंबुद्दीवे दीवे भरहेरवएसु वासेसु तीताए उस्सप्पिणीए सुसमसुसमाए समाए मण्या तिण्णि गाउयाई उड्ढं उच्चत्तेणं होत्था, तिण्णि पलिओवमाइं परमाउं पालइत्था, एवं-इमीसे ओसप्पिणीए आगमिस्साए उस्सप्पिणीए,
जंबुद्दीवे दीवे देवकुरुउत्तरकुरासु मणुया तिण्णि गाउआई उड्ढं उच्चत्तेणं पण्णत्ता, तिण्णि पलिओवमाइं परमाउं पालयंति, एवं जाव पुक्खरवरदीवद्धपच्चत्थिमः । ठाणं-३, उद्देसो-१
जंबुद्दीवे दीवे भरहेरवएसु वासेसु एगमेगाए ओसप्पिणि-उस्सप्पिणीए तओ वंसाओ उप्पज्जिंस वा उप्पज्जंति वा उप्पज्जिस्संति वा तं जहा- अरहंतवंसे चक्कवडिवंसे दसारवंसे, एवं जाव पुक्खरवरदीवद्धपच्चत्थिमद्धे ।
जंबुद्दीवे दीवे भरहेरवएसु वासेसु एगमेगाए ओसप्पिणी-उस्सप्पिणीए तओ उत्तमपुरिसा उप्पज्जिंस् वा उप्पज्जति वा उप्पज्जिस्संति वा तं जहा- अरहंता चक्कवट्टी बलदेव-वासुदेवा, एवं जाव पुक्खरवरदीवद्धपच्चत्यिमद्धे, तओ आहाउयं पालयंति तं जहा- अरहंता चक्कवट्टी बलदेववासुदेवा, तओ मज्झिममाउयं पालयंति तं जहा- अरहंता चक्कवट्टी बलदेववासुदेवा ।
[१५२] बायरतेउकाइयाणं उक्कोसेणं तिण्णि राइंदियाई ठिती पण्णत्ता | बायरवाउकाइयाणं उक्कोसेणं तिण्णि वाससहस्साई ठिति पण्णत्ता ।
[मुनि दीपरत्नसागर संशोधित:]
[27]
[३-ठाण]