Agam 03 Thanam Taiam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 25

[१३५] तिविहा गरहा पण्णत्ता तं जहा- मणसा वेगे गरहति वयसा वेगे गरहति कायसा वेगे गरहति-पावाणं कम्माणं अकरणयाए, अहवा- गरहा तिविहा पण्णत्ता तं जहा- दीहंपेगे अद्धं गरहति रहस्संपेगे अद्धं गरहति कायपेगे पडिसाहरति-पावाणं कम्माणं अकरणयाए |
तिविहे पच्चक्खाणे पण्णत्ते तं० मणसा वेगे पच्चक्खाति वयसा वेगे पच्चक्खाति कायसा वेगे पच्चक्खाति-पावाणं कम्माणं अकरणयाए, एवं जहा गरहा तहा पच्चक्खाणेवि दो आलावगा भा०|
[१३६] तओ रुक्खा पण्णत्ता तं जहा- पत्तोवगे पप्फोवगे फलोवगे, एवामेव तओ पुरिसजाता पण्णत्ता तं जहा- पत्तोवारुक्खसमाणे पुप्फोवारुक्खसमाणे फलोवारुक्खसमाणे ।
तओ पुरिसज्जाया पण्णत्ता तं जहा- नामपुरिसे ठवणपुरिसे दव्वपुरिसे, तओ पुरिसज्जाया पण्णत्ता तं जहानाणपुरिसे दंसणपुरिसे चरित्तपुरिसे,
तओ पुरिसज्जाया पण्णत्ता तं जहा- वेदपुरिसे चिंधपुरिसे अभिलावपुरिसे ।
तिविहा परिसा पण्णत्ता तं जहा- उत्तमपरिसा मज्झिमपरिसा जहण्णपरिसा, उत्तमपरिसा तिविहा पण्णत्ता तं जहा- धम्मपुरिसा भोगपुरिसा कम्मपुरिसा, धम्मपुरिसा अरहंता भोगपुरिसा चक्कवट्टी कम्मपुरिसा वासुदेवा । मज्झिमपुरिसा तिविहा पण्णत्ता तं जहा- उग्गा भोगा राइण्णा, जहण्णपुरिसा तिविहा पं० तं जहा- दासा भयगा भाइल्लागा |
[१३७] तिविहा मच्छा पण्णत्ता तं जहा- अंडया पोयया संमच्छिमा, अंडया मच्छा तिविहा पण्णत्ता तं०- इत्थी परिसा नपुंसगा, पोतया मच्छा तिविहा पण्णत्ता तं जहा- इत्थी परिसा नपुंसगा ।
तिविहा पक्खी पण्णत्ता तं जहा- अंडया पोयया समुच्छिमा, अंडया पक्खी तिविहा पण्णत्ता तं जहा- इत्थी पुरिसा नपुंसगा, पोयया पक्खी तिविहा पण्णत्ता तं जहा- इत्थी पुरिसा नपुंसगा एवमेतेणं अभिलावेणं उरपरिसप्पा वि भाणियव्वा, भुजपरिसप्पा वि भाणियव्वा ।
[१३८] एवं चेव तिविहाओ इत्थीओ पण्णत्ताओ तं०- तिरिक्खजोणित्थीओ मणस्सित्थीओ ठाणं-३, उद्देसो-१
देवित्थीओ | तिरिक्खजोणीओ इत्थीओ तिविहाओ पण्णत्ताओ तं जहा- जलचरीओ थलचरीओ खहचरीओ मस्सित्थीओ तिविहाओ पण्णत्ताओ तं जहा- कम्मभूमियाओ अकम्मभूमियाओ अंतरदीविगाओ ।
तिविहा पुरिसा पण्णत्ता तं जहा- तिरिक्खजोणियपुरिसा मणुस्सपुरिसा देवपुरिसा । तिरिक्खजोणियपुरिसा तिविहा पण्णत्ता तं जहा- जलचरा थलचरा खहचरा । मणुस्सपुरिसा तिविहा पण्णत्ता तं जहा- कम्मभूमिया अकम्मभूमिया अंतरदीवगा । तिविहा नपुंसगा पण्णत्ता तं जहानेरइयनपुंसगा तिरिक्खजोणियनपुसंगा मणुस्सनपुंसगा । तिरिक्खजोणियनपुसंगा तिविहा पण्णत्ता तं जहा- जलयरा थलयरा खहयरा, मणुस्स-नपुंसगा तिविधा पण्णत्ता तं जहा- कम्मभूमिगा अकम्मभूमिगा अंतरदीवगा ।
[१३९] तिविहा तिरिक्खजोणिया पण्णत्ता तं जहा- इत्थी पुरिसा नपुंसगा | [१४०] नेरइयाणं तओ लेसाओ पण्णत्ताओ तं०- कण्हलेसा नीललेसा काउलेसा ।
असुरकुमाराणं तओ लेसाओ संकिलिट्ठाओ पण्णत्ताओ तं जहा- कण्हलेसा नीललेसा काउलेसा, एवं जाव थणियकुमाराणं, एवं- पुढविकाइयाणं आउ-वणस्सतिकाइयाणवि, तेउकाइयाणं वाउकाइयाणं बंदियाणं तेंदियाणं चउरिंदियाणंवि तओ लेस्सा जहा नेरइयाणं ।
[मुनि दीपरत्नसागर संशोधित:]
[24]
[३-ठाण]