Book Title: Agam 02 Ang 02 Sutrakrutanga Sutra Part 04 Sthanakvasi
Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti
View full book text
________________
सूत्रकृतागसूत्रे परेहिं निज्जइ, अगणिझामिए सरीरे कवोयवन्नाणि अट्टीणि भवंति, आसंदी पंचमा पुरिसा गाम पच्चागच्छंति, एवं असंते असंविज्जमाणे जेसिं तं असंते असंविज्जमाणे तेसिं तं सुयक्खायं भवइ अन्नो भवइ जीवो अन्नं सरीरं, तम्हा, तं एवं नो विपडिवेदति-अयमाउसो! आया दीहेइ वा हस्सेइ वा परिमंडलेइ वा वटेइ वा तंसेइ वा चउरंसेइ वा आयएइ वा छलंसिएइ वा अटुंसेइ वा किण्हेइ वा णीलेइ वा लोहिएइ वा हालिद्देइ वा सुकिलेइ वा सुब्भिगंधेइ वा दुभिगंधेइ वा तित्तेइ वा कडुएइ वा कसाइए वा अंबिलेइ वा महुरेइ वा कक्खडेइ वा मउएइ वा गुरुएइ वा लहएइ वा सिएइ वा उसिणेइ वा निद्धेइ वा लुक्खेइ वा एवं असंते असंविज्जमाणे जेसिं तं सुयक्खायं भवइ-अन्नो जीवो अन्नं सरीरं, तम्हा ते णो एवं उवलब्भंति, से जहा णामए केइ पुरिसे कोसीओ असिं अभिनिव्वट्टित्ताणं उवदंसेज्जा अयमाउसो! असी अयं कोसी, एवमेव नत्थि केइपुरिसे अभिनिवहिता णं उवदंसेत्तारो अयमाउसो! आयाइयं सरीरं । से जहा गामए केइपुरिसे मुंजाओ इसियं अभिनिव्वहित्ता णं उवदंसेज्जा अयमाउसो! मुंजे इयं इसियं एवमेव नस्थि केइपुरिसे उवदंसेतारो अयमाउसो! आया इयं सरीरं। से जहा णामए केइपुरिसे मंसाओ अटुिं अभिनिव्वट्टित्ताणं उवदंसेज्जा अयमाउसो! मंसे अयं अट्ठी, एवमेव नस्थि केइपुरिसे उवदंसेत्तारो अयमा
શ્રી સૂત્ર કૃતાંગ સૂત્રઃ ૪
