________________
તેઓ દિવસે કદી સૂતા નથી. શિયાળામાં રાત્રે રા-૩ વાગે ઊઠી જાય.| ઉનાળામાં ૪ વાગે ઊઠી જાય અને જાપ તથા કાઉસ્સગ્ન કરવા લાગી જાય. રોજ બે સામાયિક દરમ્યાન ૨૫૦ લોગસ્સનો કાઉસ્સગ્ન કરે છે. તથા રોજ ૧૦ હજાર વખત અરિહંત.. અરિહંત.. પદનો જાપ આંગળીના વેઢાથી કરે છે.
તેઓ કહે છે કે - 'મરતી વખતે અરિહંતને યાદ કરવા હોય તે જીવતાં જ તેની ટેવ પાડવી જોઈએ!
દેહ અને આત્માના ભેદજ્ઞાનના સચોટ લક્ષ્યપૂર્વક રોજ આત્મસિધ્ધિશાસ્ત્રનો સ્વાધ્યાય કરે છે. છાપું કદી વાંચતા નથી!
- ગુજરાતી ૭ ચોપડી તથા અંગ્રેજી ૧ ચોપડીનો વ્યાવહારિક અભ્યાસ ધરાવતા વનમાળીદાસભાઈ પ્રારબ્ધ અને પ્રામાણિક પુરૂષાર્થવશાત સેંચુરી મીલના શેરોમાંથી સારી આવક ધરાવે છે. સિંધી, માર્કેટમાં કાપડની દસ દુકાનો છે, તે તેમના ત્રણ ભાઈઓ સંભાળે છે. પોતે આરાધનામય નિવૃત જીવન ગાળે છે. અત્યાર સુધીમાં હઠીસીંગની વાડીના આયંબિલખાતામાં તથા ભોજનશાળામાં ૧-૧ લાખ રૂા. તથા પાલિતાણામાં સિધ્ધક્ષેત્ર ભોજનશાળામાં ૧૧ લાખ સહિત પપ લાખ રૂ.નું વિવિધ ક્ષેત્રોમાં સમ્યક દાન કરેલ છે. દરરોજ ૧૦૦ રૂ.નું ચણ પક્ષીઓને નાખે છે ! પક્ષીઓ માટે પાણીના કુંડા તેઓ ભરે તથા ઉપાશ્રય -પાઠશાળામાંથી કચરો જાતે કાઢે છે!
દરરોજ દેરાસરના ભંડારમાં પરૂા.અચૂક નાખે છે.'દેરાસર રૂપી આત્મનિરીક્ષણ કેન્દ્રમાં જવું હોય તો પરૂા. ની ટિકિટ કઢાવ્યા સિવાય કેમ જવાય?' આ હતા તેમના ઉદ્ગારો !.
૨-૩ મુનિવરો પાસેથી વનમાળીદાસભાઈ વિષે થોડું જાણ્યા પછી વિશેષ જાણવા માટે તા. ૨૦-૬-૯૫ના દિવસે અમે હઠીસીંગની વાડીમાં ગયા ત્યારે તેઓ જિનપૂજા કરી રહ્યા હતા. પૂજા કર્યા બાદ તેઓ ઉપાશ્રયમાં આવ્યા ત્યારે તેમની સાથે પ્રશ્નોત્તરી કરીને ઉપરોક્ત આરાધનાની વિગત જાણી ત્યારે છેલ્લે તેમણે ઉમેર્યું કે – 'આ બધું જાણીને તમે મને છાપે કે છાપરે ન ચડાવતા હો !. કેવી નિરભિમાનતા અને નિઃસ્પૃહતા!...
