________________
થી બચવા માટે જીંદગીભર સ્વહસ્તે ઇલેક્ટ્રીક લાઈટ ચાલુ ન કરવાની પ્રતિજ્ઞા લીધેલ છે, એટલું જ નહિ પરંતુ કેટલાક વર્ષ પહેલાં તેમણે સ્વયં ચૂલો પણ સળગાવવો ન પડે તે માટે માત્ર શેકેલા ચણાના ભુક્કા સાથે ઘી, ગોળ મિક્સ કરીને કે મમરા સાથે મીઠું, મરચું મિક્સ કરીને અવઢ એકાસણાનો પ્રયોગ ૧૦૮ દિવસ પર્યત કર્યો હતો!
ઓછામાં ઓછી જરૂરિયાતોથી જીવન જીવતા વનમાળીદાસભાઈ પગમાં પગરખા પણ પહેરતા નથી. કવચિત્ ઉનાળામાં પણ બપોરના સમયે તડકામાં બહાર જવાનો પ્રસંગ આવે ત્યારે પણ તેઓ છાંયડાનો ત્યાગ કરીને ખુલ્લા પગે તડકામાં જ ચાલે છે! શા માટે? કારણ કે - નાના જીવ-જંતુઓ છાંયડાનો આશ્રય લઈને રહેલા હોય તેથી છાંયડામાં ચાલવા જતાં પગ નીચે ચગદાઈ જવાની શક્યતા રહે. એટલે પોતાને ભલે તડકો સહન કરવો પડે પણ બીજા જીવોને જરા પણ તકલીફ ન પડવી જોઈએ ! કેવી ઉદાત્ત વિચારસરણી !! કેવું ઉમદા ઉત્તમ જીવન !!!.
રોજ ઉભયટંક પ્રતિક્રમણ તથા નિયમિત જિનપૂજા કરતા વનમાળીદાસભાઈ રોજ ચાર સામાયિક અચૂક કરે છે.સં ૨૦૫૦માં પૂ.આશ્રી શ્રેયાંસચંદ્રસૂરિજીના ચાતુર્માસમાં કોઈ મુનિરાજશ્રીના આગમના યોગોહનની તપશ્ચર્યાનું પારણું કરાવવાના લાભ માટે સામાયિકનો ચડાવો બોલાઈ રહ્યો હતો, ત્યારે વનમાળીદાસભાઈ ૫OO0 સામાયિકનો ચડાવો બોલ્યા હતા. ત્યારબાદ કોઈ આગેવાન શ્રાવકે તેમને આગળ ન વધતાં બીજાને લાભ આપવા ઈશારો કરતાં તેઓ ત્યાં જ અટકી ગયા. ચડાવો લઈને દીપચંદભાઈ એ પ્રથમ વહોરાવવાનો લાભ લીધો તો પણ વનમાળીદાસભાઈએ ૩ વર્ષમાં ૬૦00 સામાયિક કરવાનો નિયમ લઈ લીધો અને રોજ ચાર સામાયિક અચૂક કરે છે. તેમના ધર્મપત્ની હીરાબેન પણ રોજ ચાર સામાયિક તથા જિનપૂજા કરે છે. સુપુત્રો તથા પૌત્રો પણ પ્રભુદર્શન રોજ કરે છે.
૫ વર્ષ પહેલાં તેમણે શ્રાવકના ૧૨ વ્રતોનો વિધિવત્ સ્વીકાર કરી લીધો છે.
આટલા ઉત્કૃષ્ટ તપ - ત્યાગ સાથે અપ્રમત્તતા પણ કેટલી !
