________________
તરત નિર્ણય કરીને પોતાની ધર્મપત્નીની સંમતિથી માત્ર ૬ મહિનામાં જ સજોડે ચોથું વ્રત સદાને માટે સ્વીકારી લીધું!. ધર્મના કામમાં ઢીલ કેવી? આના અનુસંધાનમાં તેમણે કહયું કે - "ધર્મની વાતનો અમલ આવતી કાલ પર મુલત્વી ના રાખવો. આજ આજ ભાઈ અત્યારે જ, અમલમાં મૂકવો. નહિતર આજે ફેઈલ તો આવતી કાલે પણ ફેઈલ જશો.! (મી નહીં તો મી નહીં !)હા, પાપવિચારનો અમલ કરવા માટે 'આજે નહિ, કાલે વાત' આ નીતિ બરાબર છે. ચઢતા પરિણામે નવકારશી ચોવિહારના અભિગ્રહનું પાલન કરતા વનમાળીદાસભાઇને અનુક્રમે એવા પરિણામનો આવિર્ભાવ થયો કે નવકારશી - ચોવિહાર તો ઘણા કરે, આપણે તો પ્રભુએ બતાવેલ ઉત્કૃષ્ટ પચ્ચખાણ અવઢના કરીએ જેથી જલ્દી કર્મક્ષય થાય. આવી ભાવનાથી તેમણે સં.૨૦૨૩માં પોષ વદિ ૧૪ના દિવસે અમદાવાદમાં લુણશાવાડાના ઉપાશ્રયે પૂ. મુનિરાજશ્રી પુણ્યવિજયજી મ.સા. પાસે માવજીવ માટે અવઢ એકાસણાના પચ્ચખાણ લઈ લીધા !!!
યોગાનુયોગ યાવજીવ નવકારશી -ચોવિહારના તેમજ અવઢ એકાસણાના આ બંને પચ્ચકખાણ વદિ ૧૪ના દિવસે જ લેવાયા અને ચઢતા પરિણામે તેનું સુંદર પાલન થવાથી તેઓ કહે છે કે વદિ ૧૪ના નિયમ લઈએ તો કાયમ બરાબર પળાય !..
'પરિસ્થિતિ એ પ્રારબ્ધને આધીન છે પરંતુ ધર્મપુરૂષાર્થ એ આપણા હાથની વાત છે.'- તથા 'છોડને ઉછેરતાં સમય લાગે છે, પરંતુ કાપતાં વાર લાગતી નથી, તેથી વિકટ સંયોગોમાં પણ નિયમનું પાલન ચીવટપૂર્વક કરવું જોઈએ એવું મક્કમતાપૂર્વક કહેતા વનમાળીદાસભાઈને એકવાર તબીયતના કારણે મોટાભાઈના અત્યંત આગ્રહથી અવઢને બદલે પુરિમઠનું પચ્ચખાણ પાળવું પડયું, પરંતુ પાછળથી તેમના અંતરાત્માને એટલું દુઃખ થયું કે બીજે જ દિવસે તેના પ્રાયશ્ચિત્ત તરીકે ચોવિહાર ઉપવાસ કરી લીધો ! ત્યારપછી આ નિયમમાં ફેરફાર કરવાનો પ્રસંગ આવ્યો નથી. છેલ્લા ૩૦ વર્ષથી તેમનો આ નિયમ સુંદર રીતે પળાય છે.
આ પણ હજી ઓછું હોય તેમ છેલ્લા ૧૫ વર્ષથી તો તેઓ અવઢ એકાસણા સાથે ઠામ ચોવિહાર જ કરે છે. એટલે ૨૪ કલાકમાં | ફક્ત એક જ વાર જમતી વખતે પાણી પીએ છે તે સિવાય પાણી પણ
