Book Title: Uvangsuttani Part 04 - Ovayiam Raipaseniyam Jivajivabhigame
Author(s): Tulsi Acharya, Mahapragna Acharya
Publisher: Jain Vishva Bharati
View full book text
________________
५६
ओवाइयं
गिल्लि वा थिल्लिका पवहणं वा सीयं वा संदमाणियं वा दुरुहित्ता णं गच्छत्तए । १०१. तेसि णं परिव्वायगाणं णो कप्पइ आसं वा हत्थि वा उट्टं वा गोणं वा महिसं वा खरं वा दुरुहित्ताणं गमित्तए, णण्णत्थ बलाभिओगेणं ||
१०२. तेसि णं परिव्वायगाणं णो कप्पइ नडपेच्छा इ वा' 'णट्टगपेच्छा इ वा जल्लपेच्छा इ वा मल्लपेच्छा इ वा मुट्ठियपेच्छा इ वा वेलंबगपेच्छा इ वा पवगपेच्छा इ वा कहगपेच्छा इ वा लासगपेच्छा इ वा आइक्खगपेच्छा इ वा लंखपेच्छा इ वा मंखपेच्छा इ वा तूणइल्लपेच्छा इ वा तुंबवीणिपेच्छा इ वा भुयगपेच्छा इ वा° मागहपेच्छा इ वा पेच्छित्तए ।
१०३. तेसिं परिव्वायगाणं णो कप्पइ हरियाणं लेसणया वा घट्टणया वा भणया वा 'लूसणया वा” उप्पाडणया वा करित्तए ।
१०४. तेसिं परिव्वायगाणं णो कप्पइ इत्थिकहा इ वा भत्तकहा इ वा रायकहा इ वा देसकाइ वा चोरकहा इ वा जणवयकहा इ वा अणत्थदंड' करित्तए ।
१०५. तेसि णं परिव्वायगाणं णो कप्पइ अयपायाणि वा तंबपायाणि वा तयपायाणि वा सीसगपायाणि वा रयय - जायरूव - काय वेडंतिय- वट्टलोह-कंसलोह-हारपुडयरीतिया-मणि-संख-दंत-चम्मचेल - सेल - पायाणि वा अण्णयराई वा तहप्पगाराई महद्वणमोल्लाई' धारित्तए, णण्णत्थ अलाउपाएण वा दारुपाएण वा मट्टियापाएण वा ।।
१०६. तेसि णं परिव्वायगाणं णो कप्पइ अयबंधणाणि वा' 'तंब - बंधणाणि वा तयबंधणाणि वा सीसगबंधणाणि वा रयय - जायरूव काय वेडंतिय- वट्टलोह- कंसलोह - हारपुडयरीतिया -मणि-संख - दंत - चम्मचेल सेल - बंधणाणि वा अण्णयराई वा तहप्पगाराई' 'महद्वणमोलाई धारित ॥
१०७. तेसि णं परिव्वायगाणं णो कप्पइ णाणाविहवण्णरागरत्ताइं वत्थाइं धारितए, णण्णत्थ एगाए धाउरत्ताए ॥
१०८. तेसि णं परिव्वायगाणं णो कप्पइ हारं वा अद्धहारं वा एगावलि वा मुत्तावलि वा कणगावलि वा रयणालि वा मुरवि वा कंठमुरवि वा पालंबं वा तिसरयं वा कडिसुतं वा दसमुद्दिआणंतगं वा कडयाणि वा तुडियाणि वा अंगयाणि वा केऊराणि वा कुंडलाणि वा मउडं वा चूलामणि वा पिणिद्धत्तए, गण्णत्थ एगेणं तंविएणं पवित्तणं ॥
१०६. तेसि णं परिव्वायगाणं णो कप्पइ गंथिम - वेढिम- पूरिम संघाइमे चउब्विहे मल्ले धारित्तए, णण्णत्थ एगेणं कण्णपूरेणं ॥
११०. तेसि णं परिव्वायगाणं णो कप्पइ अगलुएण वा चंदणेण वा कुंकुमेण वा गायं पित्त, त्थ एक्काए गंगामट्टियाए ।
१. सं० पा० – नडपेच्छाइ वा जाव मागहपेच्छा । २. x ( वृ); लूसणया वा ( वृपा ) । ३. अट्टादंड (ग) ।
४७. बहुमुल्लाणि (क, ख, ग ); आचारचूलायां (६।१३ ) ' विरूवरूवादं महद्धणमुल्लाई' इति
Jain Education International
पाठो विद्यते ।
५. सं० पा० – अयबंधणाणि वा जाव महद्धणमोल्लाई ।
६. पुस्तकान्तरे समग्रमिदं सूत्रद्वय ( १०५, १०६ ) मस्त्येव (वृ) ।
For Private & Personal Use Only
www.jainelibrary.org
