Book Title: Uvangsuttani Part 04 - Ovayiam Raipaseniyam Jivajivabhigame
Author(s): Tulsi Acharya, Mahapragna Acharya
Publisher: Jain Vishva Bharati
View full book text
________________
तच्चा चउन्विहडिवत्ती
२९७
तव्वो जाव मणुस्साणं अणुसज्जणा, णाणतं-अदृधणुसयऊसित्ता, चोउट्टि पिट्टिकरंडगा, एगूणासीति रातिदियाइं अणुपालेंति, ठिती जहण्णणं पलिओवमस्स असंखेज्जतिभागं पलिओवमस्स असंखेज्जतिभागेणं ऊणगं, उक्कोसेणं पलिओवमस्स असंखेज्जतिभागं ॥
२१६. कहि णं भंते ! दाहिणिल्लाणं आभासियमणुस्साणं आभासियदीवे णाम दीवे पण्णत्ते ? गोयमा ! जंबुद्दीवे दीवे मंदरस्स पव्वयस्स दाहिणणं चुल्ल हिमवंतस्स वासधरपव्वयस्स 'पुरथिमिल्लाओ चरिमंताओ दाहिणपुरथिमिल्लेणं" लवणसमुहं तिण्णि जोयणसयाई ओगाहित्ता, एत्थ णं दाहिणिल्लाणं आभासियमणुस्साणं आभासियदीवे णामं दीवे पण्णत्ते । सेसं जहा एगूरुयाणं' ।
वा इंदग्गहाइ वा खंदग्गहाइ वा कुमारग्गहाइ वा णागग्गहाइ वा जक्खग्गहाइ वा भूयग्गहाइ वा उव्वेवग्गहाइ वा धणुग्गहाइ वा एगाहियाइ वा बेयाहियाइ वा तेयाहियाइ वा चाउत्थगाहियाइ वा हिययसूलाइ वा मत्थगसूलाइ वा पाससूलाइ वा कुच्छिसूलाइ वा जोणिसूलाइ वा गाममारीइ वा जाव सन्निवेसमारीइ वा पाणक्खय जाव वसणभूतमणायरिय वा? णो इणठे समठे। ववगयरोगायंका णं ते मणयगणा पण्णत्ता समणाउसो ! अस्थि णं भंते ! एगुरुयदीवे दीवे अइवासाइ वा मंदवासाइ वा सुवुट्ठीय वा मंदवुट्ठीय वा उदवाहाइ वा पवाहाइ वा दगुब्भेयाइ वा दगुप्पीलाइ वा गामवाहाइ वा जाव सन्निवेसवाहाइ वा पाणक्खय जाव वसणभूतमणारियाइ वा ? णो इणठे समठे ! ववगयदगोवद्दवा णं ते मणुयगणा पण्णत्ता समणाउसो ! अत्थि णं भंते ! एगुरुयदीवे अयागराइ वा तंबागराइ वा सीसागराइ वा सुवण्णागराइ वा रयणागराइ वा वइरागराइ वा वसुहाराइ वा हिरण्णवासाइ वा सुवण्णवासाइ वा रयणवासाइ वा वइरवासाइ वा आभरणवासाइ वा पत्तवासाइ वा पुप्फवासाइ वा फलवासाइ वा बीयवासाइ वा गंधवासाइ वा मल्लवासाइ वा वण्णवासाइ वा चुण्णवासाइ वा खीरवट्ठीति वा रयणवुट्ठीति वा सुवण्णवट्ठीति वा तहेव जाव चुण्णवुट्ठीति वा सुकालाइ वा दुक्कालाइ वा सुभिक्खाइ वा दुभिक्खाइ वा अप्पग्घाइ वा महग्धाइ वा कयाइ वा विक्कयाइ वा अण्णिहीइ वा संचयाइ वा निधीइ वा निहाणाइ वा चिरपोराणाइ वा पहीणसामियाइ वा पहीणसेउयाइ वा पहीणगोत्तागराइं जाइं इमाइं गामागरण गरखेडकब्बडमडंबदोणमूहपट्टणासमसंवाहसन्निवेसेसु सिंघाडगतिगचउक्कचच्चरचउम्मुहमहापहपहेस णगरणिद्धमणसुसाणगिरिकंदरसंतिसेलोवट्ठाणभवणगिहेसु सन्निक्खित्ताई चिट्ठति ? णो इणठे समठे। एगुरुयदीवेणं भंते ! दीवे मणयाणं केवतियं कालं ठिती पण्णत्ता ? गोयमा ! जहन्नेणं पलिओवमस्स असंखेज्जइभागं असंखेज्जतिभागेणं ऊणगं उक्कोसेण पलिओवमस्स असखेज्जतिभागं । ते णं भंते ! मणुया कालमासे कालं किच्चा कहिं गच्छंति कहिं उववज्जति ? गोयमा ! ते णं मणुया छम्मासावसेसाउया मिहुणयाइं पसवंति अउणासीइं राइंदियाई मिहुणाई सारक्खंति संगोवंति य, सारक्खित्ता २ उस्ससित्ता निस्ससित्ता कासित्ता छीतित्ता अक्किदा अव्वहिया अपरियाविया सुहसुहेणं कालमासे कालं किच्चा अण्णयरेसु देवलोएसु देवत्ताए उववत्तारो भवंति, देवलोगपरिग्गहिया णं ते मणुयगणा पण्णत्ता समणाउसो ! १. दाहिणपूरच्छिमिल्लाओ चरिमंताओ (क, ख, ग, ट)। २. 'याणं निरवसेसं सव्वं (क, ख, ग, ट)।
Jain Education International
For Private & Personal Use Only
www.jainelibrary.org
