Gaharayankosa

Author(s): Jineshwarsuri, Amrutlal Bhojak, Nagin J Shah, Dalsukh Malvania
Publisher: L D Indology Ahmedabad

Page 24

गाहारयणकोसो जत्थ मणिभवभित्तीसु पिच्छितुं अत्तणो वि परिविवं । पडिजुवइसंकिरीओ पिएमु कुप्पंति मुद्धाओ ॥६६॥ जत्थऽच्छफलिहभूमी(?मिसु) सालत्तयतरुणिचरणपडिबिंबं । चुवंति मुदभसला जलविलसिरकमलभंतीए ॥६७॥ जत्थ अनीइपराइं खेत्ताई चेव न उण सप्पुरिसा । दीसंति दियवर च्चिय कुसाऽऽसणग्गहणतल्लिच्छा ॥६॥ विलयाउलाई वित्थिनपत्तपुन्नाई पवरसालाई । जत्थ भवणाई मज्झे, वणाई बाहिं विरायंति ॥६९॥ नीलमणिकुट्टिमे जत्थ नववहू पिच्छिऊण संकंतं । समुहं तग्गहणत्यं हत्थं कमलब्भमा खिवइ ॥७०॥ घरसिरपमुत्तकामिणिकवोलसंकंतससिकलावलयं । इंसेहि अहिलसिज्जइ मुणालसद्धालुएहिं जहि ॥७॥
११. अथ सुजनप्रक्रमः इच्छंति न नेहलवं, सकज्जलग्गा न होति मणयं पि । अमुणियदसाविसेसा सुयणा रयणप्पईव व्व ॥७२॥ छोइल्लो पियइ तमं, तं च [१३] उव्वमइ कज्जलमिसेण । अन्ने वि सुइसहावा हियए कलुसं न हु धरंति ॥७३॥ दढरोसकलुसिअस्स वि सुअणस्स मुहाओ विप्पियं कत्तो । राहुमुइम्मि वि ससिणो किरणा अमयं चिय मुयंति ॥७४॥ पिसुणो अइदित्तग्गी नेहसहस्साई झत्ति जो जरइ । सुयणो उण मंदग्गी एक्कं नेहं न जो जरइ ॥७५॥ विमलेण वि कह उवमा एक्कसरूवस्स सुयणहिययस्स। फलिहोवलेण कीरइ आसयवसभिन्नरूवेण ? ॥७६॥ अभणंताण वि नज्जइ परिणामं सुपुरिसाण चरिएहिं । किं जपंति मणीओ जेण सहस्सेहिं धिप्पंति ? ॥७७॥ पडिवन्नपक्खवाओ गुणसंजुत्तो समुज्जओ सफलो ।
बाणो व्व हिययलगगो मारइ सुयणो अदीसंतो ॥७८॥ १. "दीपार्थे-देशी." इति प्रतौ टिप्पणी