Gaharayankosa

Author(s): Jineshwarsuri, Amrutlal Bhojak, Nagin J Shah, Dalsukh Malvania
Publisher: L D Indology Ahmedabad

Page 82

गाहारयणकोसो किं वासरेहिं ? किं वा सरेहि ? किं वा सरेहिं ? पसयच्छि । तारुन-समर-पयाज्जिएहिं, बहुएहिं किं तेहिं ? ॥ ८२५ ॥ फणिणो सिराइं धुत्ता पियंवया जह विसाई महुराई । परिणामदारुणाओ वि परमहिलाओ तह सुहाओ ॥ ८२६ ॥ निवेडंति च्चिय उब्भड विवेयदंडग्गगाढलग्गा वि । इंदियगइंदपरिपेल्लणाहिं गुरुपावपंकेसु ॥ ८२७ ॥ इह-परलोअभवाणं सुक्खाणं मद्दवो च्चिय उवाओ । चावाण [श्व] अणमंताण गुणसमारोहणं कत्तो ? ॥८२८॥ वयणिज्ज पिच्छिय विहडियम्भि गाढम्मि पिम्मगंठिम्मि । अनडाण सल्लविगमो, जडाण उण सल्लसंभूई ॥८२९।। जीयं पि जस्स दिज्जइ दियहेसु सिणेहनहरनहिलेसु । तस्स च्चेय कया वि हु तणं पि दिताण उव्वेओ ॥ ८३० ॥ इहलोयभवाणं पि हु मूलं मुक्खाणमेणनयणाओ । दुक्खाण पुणो इहलोइयाण परलोइयाणं च ॥ ८३१ ॥ किं(?) जं पि भुवणकुहरे तं खु असेसं पि चंचलं चेव । तह वि जणजीवियाणं महिला पिम्मा(?म्मो)णयपडाया ॥ ८३२॥ रत्तासु वि जे रच्चंति महिलियामुं न ते वि सविवेया । जे उ विरत्तासु वि गाढरागिणो ताण भदाई ।। ८३३ ॥
[गंथकारपसत्थी] सिरिसीलसूरि-सिरिधम्मसूरि-सिरिसव्वदेवगच्छम्मि । चंदप्पहसूरीणं अणुकमसो सिस्सलेसेणं ॥८३४ ॥ विहितो [?हिओ] जिणेसरसूरिणा नवो (१) गाहरयणवरकोसो। भालिज्जठिएण इमो मणोहरो समणतोसकए ॥ ८३५ ॥ ससि-बाण-सूर(१२५१)वरिसे, अट्ठावन्ना य पकमा एत्थ । गाहाणं अट्ठ सया, रइओ सहसो सिलोगाणं ॥ ८३६ ।। १. निबिडंत च्चिय प्रतिपाठः ॥ २. एतदनन्तरम् “गाथा ८००" इति प्रतौ ॥