Book Title: Gaharayankosa
Author(s): Jineshwarsuri, Amrutlal Bhojak, Nagin J Shah, Dalsukh Malvania
Publisher: L D Indology Ahmedabad
View full book text ________________
सुभासियपज्जसंगहो विरहेणं चिय पियसंगमाण सोहग्गमहियमुल्लसइ । गिम्हेणं चिय सीयलजलाण महमहइ माहप्पं ॥७४॥ दप्पो गुणाण, निद्दा सुयाण, वसणं गुरूवएसाण । पणसुंदरी धणाणं, लोहो सुक्खाण खयवाही ॥७५॥ पूनंता देसंतरेहिं सुहु सामुहउं हसेइ । पुन्नहीणु पुणु नियघरह भित्तरि भुवख भमेइ ॥७६॥ बद्धा गाढं, गूढं च धारिया, निहणिया य खड्डाए । खंडीकया य किविणेण कह व न वि मोचिया लच्छी ॥७७॥ ईसा-विसाय-भय-कोह-[लोह-]अन्नाण-माण-मयणेहिं । संसारनाडयनडा नच्चाविज्जति जंतुगणा ॥७८॥ अन्नायगुणविसेसम्मि सामिए किं कुणंति गुणवंता? । पुत्ति ! न मुत्तियमग्घइ गुंजाहरणे पुलिदम्मि ॥७९॥ किं दुल्लहमुवएसो, किं दूरे ? जं मणस्स उव्विद्धं । किं रम्मं ? जत्थ रई, किमुव्वसं ? जत्थ न हु सुयणो ॥८॥ गाणं कंठपमाणं, माणं पिम्माणुमाणमिह सुहयं । जाणं आसणनाणं(?), दाणं नियविभवपरिमाणं ॥८१॥ ताव हु सीलं लज्जा गुरूवएसा वसंति हिययम्मि । ' लोयस्स ए ण जग्गइ जठरग्गिपलीवणं जाव ॥८२॥ ससिणेहदेहदहणे किं भणिमो तस्स विरहदहणस्स ?। जस्स पडियारकरणे वि आनलो चंदणरसो व्व ॥८॥ चंदमुहि ! अमयवयणे ! नीलुप्पलनयणि ! रंभखंभोरु !। विरहविहियम्मि हियए निहिया वि हु कह णु तं तवसि ? ॥८४॥ विणएहि गुणेहितो वि नूण तं चेव ससिमुहि ! महग्या । जं ते वि तए गहिया अमयं विसं व पुण्णरहिया (१) ॥८५॥ अहह ! मह मणुयजम्मो मुसिओ मूढस्स विसयचोरेहिं । अंधस्स व वणिणो खज्जमावणा डिंभरूएहिं ॥८६॥
Jain Education International
For Private & Personal Use Only
www.jainelibrary.org
Loading... Page Navigation 1 ... 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 