Book Title: Gaharayankosa
Author(s): Jineshwarsuri, Amrutlal Bhojak, Nagin J Shah, Dalsukh Malvania
Publisher: L D Indology Ahmedabad
View full book text ________________
७७
सुभासियपज्जसंगहो अवराहो वि हु वल्लहजणस्स परमं पमोयमप्पेइ । अहियं हरेइ हिययं धूमो वि हु सुरहिवत्थूणं ॥१५॥ जग्गिरसोहग्गाणं अविणयवाणी वि वरिसए हरिसं । सुहड निवकायरो वि हु किं न हु जयमज्जइ जयम्मि ? ॥१६॥ सो अत्थो जो हत्थे, तं मित्तं जं निरंतरं वसणे । तं रूवं जत्थ गुणा, तं विन्नाणं जहिं धम्मो ॥१७॥ सो सुदओ परमप्पुव्वलिर(? प्पुव्विल्ल)निहाणं व नट्ठसल्लं व । आसन्नो वि हु विहिओ हयविहि! कह नाम मह दूरे ? ॥१८॥ दूरटिओ वि सु च्चिय मह हियए जलहरो व्य सरसीए । से व्व ण नलिणीव णवण(?) गएहि किं नाम अन्ने हिं ? ॥१९॥ कुविएण कयंतेणं परिवारे वारियम्मि वि(? निसि)समये । कुलबालियाए लज्जा महल्लिया सहयरी होइ ॥२०॥ अइमुद्धमउयचवलो वलंतनयणाइ तीए जंतोए । दिद्विच्छोहो सविसेसदसहो बालभुयगो व्य ॥२१॥ सच्चं रई चिय इमा जमिमीइ ममं मणं पि गयनयणं । पहरेइ सो हयासो विसमेहिं सरेहिं कुसुमसरो ।।२२।। कोदंडकोसलेणं सो अज्ज वि लज्जिरो चिय अणंगो । जं किर लक्खं भुयणाई तिन्नि, बाणा पुणो पंच ॥२३॥ अमयरससारमुल्लंचिऊण चंदाओ तुह मुहं विहियं । तस्स तलं जेण जणो सुयणु! कलंको त्ति कित्तेइ ॥२४॥ आयन्नाण गुणाणं रणरणओ, सुमरणम्मि दाहजरो । दिवे हल्लप्फलओ, मिलियम्मि पियम्मि किंपि सुहं ॥२५॥ दिलै सिणिद्धनयणं वयणं विणओवरोहसोहिल्लं । करकमलकेसबंधो य हरइ धीरं हियाहिंतो ॥२६॥ एसो अलद्धदुल्लहकामो वामेयरो करो फुरिओ । दाहिणनयणकयत्थस्स तुज्झ कह नाम वामत्तं ? ॥२७॥ रूवं नयणाण गुणा मणस्स अवलोयणाइं चरणाणं । आलवणं सव्वंगस्स बंधणं तस्स किं भणिमो ? ॥२८॥ १. “मनाक्' इति प्रतौ टिप्पणी ॥
Jain Education International
For Private & Personal Use Only
www.jainelibrary.org
Loading... Page Navigation 1 ... 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 