________________
૯. સભા - અત્યારે ‘બે બાળક બસ’ની વાત કહે છે તેમાં ખોટું શું છે તે સમજાવો. સાહેબજી :- આ એક સંસારી પ્રશ્ન છે. પ્રશ્ન જાહેરમાં પુછાયો છે, માટે જવાબ આપવો જરૂરી છે, પરંતુ મર્યાદામાં અપાશે. અત્યારે સરકારે શીખવાડ્યું છે કે ‘નાનું કુટુંબ તે સુખી કુટુંબ' અને આ ખૂબ ફેલાવ્યું છે. પરંતુ તે આર્યપરંપરા પ્રમાણે ઉચિત નથી. પાછો તમે આનો ઊંધો અર્થ નહીં કરતા કે લોકો સંસાર વધારે ભોગવે અને વધારે સંતાનો પેદા કરે. અમે તો દીક્ષા લીધી છે. બ્રહ્મચર્યવ્રત ત્રિવિધે ત્રિવિધે લીધું છે. અમે મૈથુન સેવીએ નહીં, સેવડાવીએ નહીં અને સેવતાઓની અનુમોદના પણ ન કરીએ. અમે તો સંપૂર્ણ બ્રહ્મચર્યના આદર્શને વરેલા છીએ અને અમે તો બધાને સમજાવવા માંગીએ છીએ કે તેના પાલનમાં જ હિત છે.
પરંતુ ગૃહસ્થ જીવન કોના માટે મૂક્યું? તેમાં શ્રાવકધર્મ મૂક્યો કે જે બ્રહ્મચર્યને સંપૂર્ણ રીતે માને છે પરંતુ પાળી શકે તેમ નથી. તેના માટે જ લગ્ન કરવાની વાત મૂકી છે, તે પછી જૈનધર્મી હોય કે અન્યધર્મી હોય.
પણ
લગ્ન શું કામ કરવાં? શું ઉદ્દેશ છે? જે બ્રહ્મચર્ય ન પાળી શકે તે મર્યાદાપૂર્વકના નિયંત્રિત કામવાળું ગૃહસ્થજીવન જીવે. ઉચ્ચકુળમાં પુણ્યપસાયે ભોગ ઘણા હોય છે અથવા ઘણા મળે છે. તે જો સંયમ પાળી શકે તો સારું, ઘોર અસંયમના કે દુરાચારના માર્ગે ન જાય તે કારણે લગ્ન કરે. હવે સુજાત સંતતિને ગૃહસ્થ જીવનમાં ઉચિત ફળ તરીકે મૂક્યું છે. જ્યારે તમારા આ કાળમાં બ્રહ્મચર્યને નેવે મૂક્યું છે. અત્યારે કહેવાય છે કે ‘અબ્રહ્મ-કામ એ જીવનની મજા છે, જે નેચરલ છે.’ ઇન્દ્રિયોને મોજમઝાનું સાધન માને છે અને તેના વિષયોને બહેકાવવામાં આવે છે, જેથી જીવો અનાચારી, દુરાચારી બને છે. બાળકોની જવાંબદારીથી છટકવા માટે આ તૂત કાઢ્યું છે. પશ્ચિમના દેશોએ બીજા દેશોની પ્રજા ન વધે તે માટે આ તૂત ઊભું કર્યું છે, વસ્તી વધારાનો હાઉ ઊભો કર્યો છે. લખનારાઓ પાછા ચાર્ટ મૂકીને બતાવે છે કે, આ વસ્તી વધારાથી ભવિષ્યમાં માણસ ઉપર માણસ ઊભો રહેશે, પરંતુ આ બધા તરંગી તુક્કા છે.
સ્વરાજ આવ્યું ત્યારે નહેરુ બોલેલા કે વસ્તી વધારે છે, માટે અનાજ દ્વારા પહોંચી શકાય તેમ નથી. નહેરુનું આ જાહેરમાં વિધાન હતું. એ વખતે ૩૬ કરોડની વસ્તી કહેવાતી, બોલેલા કે અર્ધી હોત તો સારું હતું. ડબલ છીએ એટલે બધાંને પૂરું પાડવું તે ગજા બહારની વાત છે.
અત્યારે ૯૦ કરોડની વસ્તી છે, છતાં અનાજની રેલમછેલ છે. સરકારી પ્રશ્નોત્તરી (પ્રવચનો)
