________________
દૂધ પીતી કરી હોય તેને ખરાબ જ માન્યું છે, આ વાતને કોઇએ સપોર્ટ આપ્યો નથી.
૧૧. સભા - અધોગતિનું કારણ?
સાહેબજી - વ્યક્તિગત અધોગતિનું કારણ પોતાની જાત બને, પણ આ તો સામૂહિક અધોગતિ છે. આખા સમાજને અધોગતિનું વાતાવરણ આપે છે જે કૃત્રિમ છે. પશ્ચિમના દેશો દ્વારા બીજા ધર્મની સંસ્કૃતિ તોડવા શિક્ષણ દ્વારા, મિડીયા દ્વારા આ બધું ઊભું કર્યું છે. તમે આદર્શ કુટુંબ કોને માનો? વિચારજો.
શ્રેણિકને કેટલા રાજકુમાર હતા? શાલિભદ્ર બત્રીસને પરણ્યા છે. રાજાને અનેક પુત્રો હોય, જેથી રાજકાજમાં સુવિધા રહે, સામાજિક શક્તિ, સંગઠન વધે. માનવ આર્થિક દષ્ટિએ કાંઈ ભારે પડે? અત્યારે આર્થિક દૃષ્ટિએ ખોટાં ગણિત ઊભાં કર્યા છે અને ભરમાવવામાં આવે છે. પશ્ચિમના દેશોને બીજા દેશોની વસ્તી વધે તે ગમતું નથી, માટે આ પ્લાનીંગ છે. તમે એક જાતનાપ્રચારથી વાસ્તવિકતાને ભૂલી ગયા છો.
ઋષભદેવને ૧૦૦ પુત્રો હતા. બાહુબલીને ૩ લાખ પુત્રો હતા. પરંતુ ક્યાંય તેમને દુષ્ટ કહ્યા છે? ત્યારે અનાજ ઓછું હતું? ના, વગર કારણે misguide કરવાની વાતો છે. આ બધી આંકડાની રમતો છે. સંસારમાં માણસની સંખ્યા વધે તેનાથી ધરતીને અને સમાજને નુકસાન નથી. જંગલી માણસ પેદા થશે તો નુકસાન છે, પરંતુ ઉચ્ચકુળમાં સંખ્યા વધે તેટલું સારું છે. તત્ત્વ નહિ સમજવાના કારણે ભૂત ભરાયું છે. .
૧૨. સભા - નાલાયક પાકે તો?
સાહેબજીઃ- આ કાળમાં જન્મે છે તે બધા કાંઈ નાસ્તિક જનમતા નથી, પરંતુ તમે તેને પછીથી નાસ્તિક બનાવો છો. તમે વ્યવસ્થા જ એવી ગોઠવી છે કે એવા પાકે. જૈનકુળ, આર્યજાતિ, મનુષ્યભવ પામે તે પૂર્વભવનું પુણ્ય લઈને જન્મ છે. તેને સારું વાતાવરણ આપો તો ચોક્કસ ઉત્તમ પાકી શકે. બાળક જન્મે ત્યારે કાંઈ હોય છે? કોરી પાટી જેવું હોય છે. માટે તેને જેવું વાતાવરણ આપો તેવું પાકે. તમારા જીવનની life style બદલવાને બદલે, નાલાયક પાકી જશે માટે જન્મ જ બંધ કરો, તેમ ન કહેવાય.
પૌરી (પ્રવચનો)
