________________
મળવા આવે ત્યારે કહેશો, હા, તમને મળીને ખૂબ જ આનંદ થયો, તમને જ યાદ કરતો હતો, પણ તે વખતે અંદરમાં તો એમ હોય કે આ લપ ક્યાં વળગી? જલદી જાય તો સારું. કેમ? તમારા જીવનમાં આવું કેટલું ચાલે છે અને પાછું તે ખરાબ પણ લાગતું નથી. જેના મનમાંથી આવા બધા ક્ષુદ્ર ભાવો જાય તે જ પુરુષવેદ બાંધી શકે. પુરુષવેદ મળ્યા પછી જો પુરુષવેદને યોગ્ય ભાવના કેળવી શકો, તો મરીને સ્ત્રીવેદ પણ થાય, અને તે પણ મનુષ્ય સ્ત્રીવેદ નહિ, પણ કદાચ કૂતરા, બિલાડાના ભાવમાં પણ જાય.
* ભયાનક ભવિષ્ય ભીંત પર દેખાતું નથી, માટે જ ખોટા ખોટા ભાવો કેળવો છો. જેમ એક આખા મકાનમાં આગ સળગી રહી છે, પણ તેમાં નાનું બાળક પડ્યું પડ્યું હશે ને? તેવી તમારી સ્થિતિ છે, કારણ તમે ધર્મમાં બાળક જેવા જ રહ્યા છો.
૬૨. સભા-પરમાત્મા મહાવીર નયસારના ભવમાં સમકિત પામ્યા પછી નરકે કઈ
રીતે ગયા? સમકિતની હાજરીમાં નરકે કઈ રીતે જવાય? સાહેબજી:-અમે એવું કહેતા નથી કે, સમકિતની હાજરીમાં જીવ નરકેન જાય; પણ સમકિતની હાજરીમાં જીવ નરકનું આયુષ્ય ન બાંધે. સમકિત પામતાં પહેલાં જો દુર્ગતિનું આયુષ્ય બાંધી લીધેલું હોય તો તેટલો ટાઈમ તો તેને નરકમાં જવું જ પડે. સમકિતની હાજરી દુર્ગતિના ઉદયને નથી અટકાવતી પણ દુર્ગતિના બંધને અટકાવે છે. : પ્રભુએ નરકને યોગ્ય આયુષ્ય બાંધ્યું ત્યારે તેમણે સમકિત ગુમાવી દીધું છે. દા.ત. જેમ કરોડપતિને ગમે તેટલી મોંઘવારી હોય તો પણ ખાવાના સાંસા ન પડે; પણ કરોડ ગુમાવીને ભિખારી થાય તો, ભૂખે મરવાનો વારો આવે ને? પણ અબજપતિ હોય ત્યાં સુધી મોજમજા. તેમ સમક્તિ હાજર હોય ત્યાં સુધી તેના લાભની ગેરંટી છે, પણ એક વખત સમક્તિને ગુમાવો એટલે મિથ્યાત્વ આવે, એટલે દુર્ગતિ બંધાઈ શકે છે; છતાં સમિતિના કાયમી ધોરણના લાભ તો તેને મળવાના છે. જેમ અબજપતિ થતાં પહેલાં જ તેણે ૨૫ લાખ રૂપિયાનું નુકસાન કર્યુ હોય તો તેને અબજમાંથી ૨૫ લાખ રૂપિયા ચૂકવવા પડે, પણ તેણે અત્યારે નુકસાન કર્યું ન કહેવાય. તેની જેમ સમકિત પામતાં પહેલાં આત્માએ મોટી ભૂલ કરી હોય તો તેનું લેણું તો ચૂકવવું જ પડે. પણ જો સમકિતને ટકાવી રાખો તો દુર્ગતિના બંધની કોઈ શક્યતા નથી. નોત્તરી (પ્રવચનો)
ઉક
